المشاركة الأصلية كتبت بواسطة peter magdy (المشاركة 780310)

صباح الخير با استاذ علاء
انا شايفك متردد فى شراء السيارة و بتسأل كتير
انا كنت زيك و اكتر كمان علشان الواحد عايز يحط فلوسة فى حاجة مضمونة علشان العربية مش رخيصة و كمان الواحد مش بيلاقى فلوسة فى الشارع
انا لسة شارى العربية موديل 2013 يوم 25/9 اللى فات
العربية ماشاء الله هايلة لما تيجى تقارنها باللى نفس تمنها وى الفيرنا او الانوس او اللوجان
طبعا BYD هتكسرهم بدون نقاش
و لو قارنتها مع مثلا السيراتو او الالنترا المنفوخة مش الاخيرة دى او الافيو
هتلاقى تقريبا قريبين مع بعض فى حاجات كتير و السعر كبير و علما كمان
BYD كاملة - فول اوبشن - لكن تلاقى عربية زى الكيا تمنها 103 الف و نص كامليات بس عتلاقى التبلوة شكل و خامات اعلى بس بردو مايديش كل الفرق دة 30 الف و كل ماتزود حاجة بفلوس -- فاهمنى
انا رأى الشخصى فرق السعر الرهيب بين العربيات التانية المشهورة زى الكيا و هيونداى و الكروز
بيبقى علشان اسم الماركة و تبلوة شياكة بخامات عالية و شكل خارجى مالوش حل -- ودا رأى الشخصى -
دى حاجة بلانسبة لاسئلتك
1 - بكل امانة هل السيارة تستحق الشراء ؟؟
ايوة العربية جميلة جدا و ربنا يحافظ عليها بس انا لسة 650 كم بس بس لحد دلوقتى زى الفل
2 - هل ندمت على قرار الشراء ؟؟
لالا الحمد للة راضى كل الرضا و مبسوط جدا ووالدى كان معارض عليها جدا و كان زعلان دلوقتى هيزقطط من الفرحة بعد ماركب الفيرنا مع اتنين زمايلة فى الكنبة اللى ورا وحك المطبات و الشكل و الصالون بعد مقارنة طبعا
3 -ما هى عيوب السيارة بكل امانة ؟؟
فى عضة صغيرة من الغيار الاول للتانى و شنطة العربية رخمة و فى ونة كدة بس قلك كدة دة بيروح بعد 5000 كم
و شوية تظبيطات فى التقفيل بتظبطها مع صيانة الالف
4 - وخامات وتقفيل 2013 عامل ايه ؟؟؟
انا شايف انها مقبولة بنسبة كبيرة و خصوصا انها ببلاش بالنسبة للعربيات المشهورة بس انا رأى التبلوة زى الفل لا غبار علية
5 - السحب واستهلاك البنزين والعفشة و الفتيس اخبارهم ايه؟؟؟
السحب - فوق الهايل انا اول ما جبتها جديد خرجت الجماعة و كانت عندنا واحدة قريبتنا بالصدفة فكان
3 ورا منهم 2 حجم كبير و اتنين قدام و انا بسوق كنا 6 و شغلت التكييف و كان سحبها رااااااائع و دا كان للتجربة بس العربية عايزة تجرى بتستهبل و انا لسة متعلم سواقة جديد ههههههههههههه
استهلاك البنزين - بص انا اول ما جبتها حطيت بنزين 92 ب 80 جنية فولتها بس كان فيها من الاول و مشيت بيهم لكتر من 420 او 450 كم مع تشغيل التكييف شوية بس قالو بردو بعد 5000كم هيقل تانى و يبقى احسن
العفشة ناعمة جدا جدا
الفتيس زى ما قلتلك فى عضة و هبقى ازبطها فى صيانة الالف و بدوس دبرياج لللاخر بس هيا سعات بتبقى كويسة و سعات لا مش عارف ممكن يكون العيب منى هبقى اركز معاها
اتمنى اكون فهمتك كل حاجة عايز تعرفها
و كل دة رأى الشخصى و حسبتى الخاصة فى المقارنة بين العربيات و تجربتى الشخصية للعربية
شكرا ور بنا يوفق الجميع :Wkiss5:

المشاركة الأصلية كتبت بواسطة hanyyyyyy (المشاركة 780317)

ايه الحلاوة دى يابيييييييييييييييييييييي ييييييييييييييييييييييييي يييييييييييييييييييتر

المشاركة الأصلية كتبت بواسطة m1975 (المشاركة 784373)

انا معايا byd ليها شهرين بسم الله ماشاء الله زى الفل لكن لا حظت حاجه غريبه من يومين صوت قطه صغيره بتنونو اول مره انا وراجع بالعربيه افتكرتها تحت وبعدين مشيت شويه لقيت نفس الصوت وكنت بالليل والدنيا هوس هوس مشيت خمس دقايق لقيت النونوه وقفت بالعربيه وقعدت ابحث تحت الكراسى الصوت زاد تتخيلوا اجد القطه فين والله حاجه غريبه جدا ارفع شنطه الموتور اجدها موجوده فوق كلمه ميتسوبيشى سبحان الله طبعا حاجه غريبه