رد: سؤال فى الجمارك
اقتباس:
و فعلا احلى من الشرف مفيش :) |
رد: سؤال فى الجمارك
شكرآآ يا عم بمبك ! و أهى الدنيا تجارب ! و موضوعك عن الخسسان أكثر من رائع و معلومات طبيه
سليمه و أنصح الكل حتى لو كان موش سمين انه يلتزم بيها ! خاصة قوة الاراده ! بس أنا ح أمتحن قوة ارادتك اذا قرأت صفحة 18 فى موضوعى ( حكايتى مع السيارات فى العراق ) ! و قوللى بصراحه بعد قرائته ( ماذا حدثتك نفسك ) ! Dr. Bolbolan ptmnlo123per1127 |
رد: سؤال فى الجمارك
اقتباس:
و فكرتنى بموقف حصل لى برده انا اخو مراتى عايش هنا فى الكويت برده فى اول جوازى لقيته فى يوم بيكلمنى و بيقولى انا عازمكم على الغدا النهاردة هاجيب الاكل و اجيلكم على البيت .. قلت له قشطة و ظبطنا المواعيد بس و لقيت قبل الميعاد المتفق عليه بربع ساعة واحد من مطعم بيكلمنى و بيسال على العنوان و تايه فافهمت ان اخو مراتى طلب اكل من مطعم و بعت على العنوان لحد ما هو ييجى ,,, المهم وصفت للراجل العنوان و جاب الاكل و طلع الباشا باعت لنا نص خروف عربى و تحته يجى 10 كيلو رز و طبعا باقى المستلزمات كلها ...و احنا 3 افراد .. انا (الوحش الأنوى:) ) و مراتى و حضرتك عارف اكلة الستات ربع رغيف بيشبعها و اخو مراتى وحش برده بس مش انوى .. طبعا قعدت أأتته شوية الاول و اقول له ليه كل ده و حرام و كنت قلتلنا عزمنا الجيران و الاصدقاء ... المهم و بدأنا الأكل و كان طعمه بصراحة وهميييييييي فضلت اكل اكل اكل لحد ما الاكل كان هيطلع من ودانى و بصيت على الاكل لقيتنا احنا التلاتة ماخلصناش ربعه حتى ... وحسيت بعد الاكل ده أولا ان انا غبى (الله يكون فى عون اللى بياكل كدة كل يوم) و حسيت ان الدم وقف فى عروقى و مفيش دم فى دماغى و مش عارف اتنفس و حالتى بالبلا و فضلت كدة لحد تانى يوم الصبح على ما ربنا كرمنى و فقت شوية و طبعا مرحتش الشغل وقلت لمراتى انا مش عاوز اشوف اى اكل تانى قدامى ووزعت الاكل على البواب بقى و شوية ناس كدة و رمينا الباقى :) و فضلت بعدها تلت اربع ايم اكل زبادى و جبنة و زتون و حاجات كدة لحد ما نسيت فعلا كان ( أكن بافتنا) على رأى محمد صبحى فعلا الاكل ده زى اى شهوة اتخلقنا بيها .. قبل ما نحصل عليها نبقى هنتجنن و هيحصل لنا حاجة و بعدها نحس انها كانت اسوا حاجة عملناها (ده طبعا لو زودنا فيها بغباوة :) ) و ربنا يستر علينا جميعا |
رد: سؤال فى الجمارك
السلام عليكم .... من فضلكم حد يفيدنى فى الموضوع ده عندى سيارة فولكس فاجن موديل 2009 ( تورين ) بدون كماليات بها فتحة بالسقف , وهى 1600 سي سي , 4 سلندر , 7 راكب , وانا نازله بيها ان شاء الله من انجلترا الى ميناء الاسكندرية
من فضلكم عاوزة اعرف ادفع ليها جمارك قد ايه ؟؟؟ و جزاكم الله كل خير |
رد: سؤال فى الجمارك
ممكن حضرتك تعملى هذا السؤال فى موضوع مستقل أو موجه برساله خاصه للآخ سيف !
لآن بصراحه سؤالك فى هذا المكان لن يراه الكثيرون أو من عنده المعلومه الآكيده ! و أنا بالنسبة لى ليس عندى علم بها و أتمنى أفيد حضرتك فى أى معلومه أخرى ! Dr. Bolbolan |
الساعة الآن 10:56 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017