رد: الطريقة السليمة لقيادة كورولا MMT
 

رد: الطريقة السليمة لقيادة كورولا MMT
 

ايه التعليمات و الملاحظات دي كلها ؟؟!!!!

هو الفتيس ده معمول ليه ؟؟
علشان يعذب الناس !!


لكن هو فيه ميزه .. ان العربيه متبطلش مهما حصل ... لأني اكيد أكيد ..... حتلخبط كتييييييييير ptmnlo123per1117

ايه الميزه اني الغي الدبرياج و احط اشتراطات و تعليمات معقده اكبر من استخدام الدبرياج العادي ؟؟!!!!!
انا كنت فاكر انه فتيس وسط بين المانيوال و الاوتوماتيك ...
لكن بالطريقه دي المانيوال العادي احسن واسهل منه !!!!! ptmnlo123per1106



شكرا مهندس احمد على الشرح القيم الوافي ...
و كنت اتمنى اعرف رأيك الشخصي في الفتيس ال MMT .. لو مفيهوش احراج مهني لحضرتك ...
انا فعلا استفدت من الشرح .. لكن تحفظي على التقنيه و الفكر التصميمي ... كمستخدم عادي بقاله 20 سنه بيسوق عربيات ...
ولذلك فتعليقي وتحفظي ... ينصب على التقنيه
اما بخصوص الشرح و التوضيح ... فلك مني كل التقدير و الشكر


شكرا تويوتا .... على الاختراع العبقري ....ptmnlo123per121

رد: الطريقة السليمة لقيادة كورولا MMT
 

يسامح براحه على الراجل هو عجبوا الفتيس و قال رايه و انا عجبني جامد على الافنسيس ال 2000 سي سي الجديده

و على فكره ال لكزس ال ار اكس عملته فبقي دلوتي تقدر تطلب ار اكس مانيوال

و انا شايف انه هو ده المستقبل

انا معاك انت او فادي ان اليابان مش هي اللي بتبدا حاجات كتير

بس برضك هي معدل تطويرها للحاجه اسرع و اجود بكتير

دلوقتي مع 2010 و انت طالع مع الوقت يعني هيبقى عندك نوعين فتسين

ال سي في تي و للاوتوماتيك

و الدويل كلاتش زي الاخ و هيبقى تطور للمانيوال

يعني السي في تي اوتوماتيك باتنين كوون عكس بعض فيديك عدد لا نهائي من الجيرز

و ده مانيوال بس ب سي بي يو و كونترول يونيت

غير ان نفس الفتيس ده متركب في لكزس IS اللي حتى جيرمي كلاركسون شكر فيه

بس متركب ب ست سرعات او ثمان سرعات

بس فالافنسيس خمس سرعات برضك

الي بيحصل ده لينا عشان بس تكنولوجيا جديده مش واخدين عليها

رد: الطريقة السليمة لقيادة كورولا MMT
 

السلام عليكم و رحمة الله و بركاتة
اولا ابدى شكرى لكل من قال راية فى هذا الموضوع و لكن لو تكرمتم اريد ان اوضح لكم بعد الملاحظات عن استفسارتكم
اولا تكالبف الصيانة فعلا غير مرتفعة اغلى من الموديل السابق بفرق بسيط و طبعا دة علشان لسة جديدة و ان شاء الله سوف اضع لكم تكلفة كل جزء مع العلم بأن السيارة بها ضمان 100000كم او ثلاث سنوات ايهما اقرب و لو حدث اى عيب خلال فترة الضمان الشركة متكلفكش حاجة خالص و انا عندى سيارة كورولا ايضا موديل 2006 و قبل انتهاء فترة الضمان بثلاثة اشهر تلف ترس ال VVT و الله غيرتة فى التوكيل بدون اى تكلفة علما بأن سعرة هو و السينسور الخاص بة حوالى 1600جنية و للعلم يوجد لى صديق يعمل فى مرسى علم و بيسافر كل اسبوع لانة يعمل مهندس بفندق هناك و معة سيارة كورولا موديل 2008 و ماشية تقريبا 82000كم ولا بيشتكى من اى شئ نهائى.
ثانيا :
الفتيس MMT ليس ايزى ترونيك
الفتيس الايزى ترونيك هو فتيس اوتوماتيك عادى جدا كما شرحت مسبقا و لكن يمكنك اختيار الترس المناسب عن طريق + او - الموجودة فى عصا الفتيس او من الريش المثبتة خلف عجلة القيادة مثل الجيتا او الباسات (الهاى لاين) مثلة تماما مثل التويوتا 2005 او 2006 ة لكن الفرق فى التويوتا 2006 او ما شابهة لو وضعت عصا الفتيس على 2 مثلا فهذا يعنى ان السيارة تنطلق على ترس 1 ثم تنقل اوتوماتيكيا على ترس 2 ثم لا تنقل على اى ترس بعد لك اما فى الايزى ترونيك فلو مشيت على ترس 1 لا يمكن النقل الا عن طريقك 2 او 3 او 4 او 5 او 6 كالسيارة الجيتا مثلا لذا فيا اعزائى الكرام الايزى ترونيك او الاستيبترونيك فتيس اوتوماتيك عادى و لا يوضع تحت نظام MMT
و الفرق بين الايزى ترونيك و ال MMT :
1- الايزى ترونيك فتيس اوتوماتيك عادى
2-ال MMT فتيس مانيوال عادى
3- عزم ال MMT اعلى بكثير من الايزى ترونيك لانة مانيوال بدون دبرياج.

لماذا مانيوال بدون دبرياج؟
لان تخيل انك تقود سيارة مانيوال مثلا على محور 26 يوليو تفضل ضاغط على الدبرياج و انت على الغيار الاول لمدة ساعة مثلا اذا مكنش اكتر من كدة بكتير.
بينما فى ال MMT مانيوال بدون دبرياج و اليكم سرعة النقلات التقريبية لل MMT
ترس 1 اقصى سرعة 49كم خلال 3 ثانية
ترس 2 اقصى سرعة 85كم خلال 8 ثانة
ترس 3 اقصى سرعة 145كم خلال 18 ثانية
ترس 4 اقصى سرعة 180كم خلال 24 ثانية

و هذا التوقيت تقريبى الى لاحظتة على سيارتى .
حتقولى المرسيدس او BM ايزى ترونيك و اقوى من كدة سأذكرك ان الكورولا 1600 و انا شايف ان بالنسبة لل 1600 يكون كدة ممتاذ جدا.

و على فكرة موديل 2009 او السوفت وير المعدل فى 2008 جعل السيارة ناعمة جدا ومثل الموديلات السابقة.

و تعتبر فكرة الفتيس المتطور من تويوتا تكنولوجيا جديدة و سوف تأخذ بعض الوقت للتعود عليها.
و لو سألتم الاجيال السابقة فى اعوام الثمانينات كان اغلب الناس متخوفون من الفتيس الاوتوماتيك او الهيدروماتيك و يقولون ان اعطالة كثيرة و لا يوجد احد متخصص فى صيانتة بينما الان الكل مقبل على الفتيس الاوتوماتيك و ان شاء الله سوف تتذكرون كلامى كل السيارات ستكون على نظام الفتيس المتتطور لانها تكنولوجيا جديدة و سوف تسود العالم كلة لان كلة بيقلد كله.

و لكن الناس كلها بتتكلم على الفتيس . لماذا لا يتحدثون عن باقى السيارة (علشان مفهاش غلطة):
اولا ابوشن فظيع و باور استيرنج كهرباء الى بيفصل بعد تحرك السيارة لثبات فظيع و فرامل ABS و وسع السيارة من الداخل عن موديلات كورولا السابقة و فرش السيارة من الداخل المصمم لصعوبة التصاق الاوساخ بة و سهولة نظافتة و نظام العددات الجديدة و عداد استهلاك الوقود كحد كلى و متوسط و متوسط السرعة عند قيام الانطلاق بالسيارة و سينسور المنعطفات الحادة الى يحد من اختلال توازن السيارة و وزنها الزى يزيد عن الاوبل فيكترا الجديدة و الايرباج و كاست ال MP3 المشكلة بعدد 6 سماعات ولا اماكن التخزين الكثيرة جدا و الفوجلايت و الزينون والله سعرها رخيص على كل دة و فى الاخر كفاية انها تويوتا.

ملاحظات هامة :
لا تقم بغسيل موتور سيارتك بالماء.
لا تتجاوز عدد لفات موتور اكثر من 6500 لفة بالدقيقة.
لا تتجاوز عدد لفات موتور اكثر من 2500 لفة بالدقيقة و الموتور بارد.
لا تشغل التكييف و الموتور بارد حتى فى فترة الظهيرة.
يفضل ملئ تنك البنزين و هو على المنتصف و يفضل بنزين 92.
يفضل تغيير زيت الموتور موبيل 1 كل 5000 كيلو لانك لا تنسى انك تقف فى اماكن مزدحمة كثيرا.
يفضل تغيير زيت الفتيس كل 30000كم.
يفضل تغيير فلتر البنزين كل 30000كم.
يفض تغيير سائل التبريد كل 40000كم.
ملاحظة هامة: اذا كنت تستخدم السيارة اقل من 5000كم فى اكثر من عامين او السيارة تكون مرفوعة مثلا عليك تغيير الزيت كل 18 شهر.




و شكرا و للعلم هذا رأى الشخصى و انا احترم اى رأى اخر سواء كان متوافق معى او ناقدنى.
و انا كتبت هذا الموضوع لمساعدة الاشخاص الذين لا يعرفون التعامل مع الفتيس الجديد ليس اكثر.
و ايضا انا فرحان علشان كل واحد بيقول رأية و الذى انا استنتجتة ان كل واحد عندة نوع عربية شايف انها احسن عربية فى الدنيا وهذا والله العظيم كويس لانة هيخليك تحبها و تحافظ عليها و هو ده المهم ممكن تكون حلوة فعلاا او وحشة مش مشكلة المهم انك مقتنع بيها.
اخوكم مهندس احمد الابيض و الى اى سؤال اكتب و انا هجاوب عليك.

رد: الطريقة السليمة لقيادة كورولا MMT