رد: أخيرا جبت Proton Gen.2 2010
 

الف مبروك دى عربيه تحفه والله

رد: أخيرا جبت Proton Gen.2 2010
 

الله يبارك فيكم كلكم يا جماعة و عقبال اللي لسة ماجابش

فعلا. بس الناس اللي بتجيبها أغلبها بيبقى عن إقتناع لأنها مش الموضة ومالهاش دعاية تقريبا


طبعا إن شاء الله

فعلا عربية تحفة بس اللي يفهم كدة اللي بيقيم العربية بقيمتها مش بانتشارها بس

رد: أخيرا جبت Proton Gen.2 2010
 

الف مبروووووك انا اشتريت بيرسونا 2010 اوتوماتيك نفس اللي انت بتقول عليه بالظبط والعربية ما شاء الله عليها مشيت نيها 180 وما تتخضش وما تحسش ان انت ماشي السرعة دي بس في نقطة واحدة بس ويعني خلاص اتعودت عليها موضوع البنزين بتستهلك بنزين كتير شويه بس كل اللي اقوله يقولي ان الاوتوماتيك بتستهلك بنزين فاقتنعت وخلاص بس بصراحة عربيه احسن من اي عربيه تانيه في نفس سعرها اي ماركة بس في نفس السعر هي افضل سيارة بالنسبة لسعرها 90000 جنيه والف مبروك حبيبي

رد: أخيرا جبت Proton Gen.2 2010
 

عربية رائعة بحق وأنا بيعجبنى شكلها وامكانياتها جدا ... الف مبروك وربنا يديك خيرها ويحفظك ويكفيك شرها.

رد: أخيرا جبت Proton Gen.2 2010
 

الله يبارك فيك. و هي فعلا متميزة جدا في حتة الثبات في السرعة العالية.
بخصوص الإستهلاك هي إستهلاكها أعلى من المتوسط إذا سوقتها سواقة رياضية معظم الوقت. بس لو بتسوق ب RPM هادي 2000 - 3000 بتبقى زيها زي أي عربية 1600 تقريبا. خد في إعتبارك برضه إن العربية مش خفيفة (جين2 أوتوماتيك 1225 كجم، برسونا أتوماتيك 1300 كجم) عشان الثبات.

على موقع http://www.autoworld.com.my
متوسط الإستهلاك بسواقة رياضية بالتكييف:
في زحمة المدينة: من 11.1 لـ 12.5 لتر/100 كم
طريق سريع بسرعة من 100 لـ 110: من 6.45 لـ 6.7 لتر/100 كم
طريق سريع بسرعة من 120 لـ 150: من 7.7 لـ 8.33 لتر/100 كم

زي ما السرعة العالية بتستهلك بنزين كتير، التسارع الجامد ب RPM عالي بيستهلك كتير برضه. فلو محتاج تقلل الإستهلاك قلل شوية من الكبس الجامد للبنزين و ال Kickdowns

و لو إن معدل الإستهلاك في حالتي لسة مش مقياس علشان لسة في التليين، بس هي فى المتوسط دلوقتي بتعمل 9 لـ 9.1 لتر/ 100كم (جوة المدينة+طوالي بدون تكييف)