رد: شكر مركز صيانه رينو سموحة اسكندرية
 

ده المتوقه من شركه محترمه زي العالميه للسيارات

انا مغير شبكه نيكل لانها كانت مش نضيفه شويه
ولمبة فوج كانت محروقه وتشك كامل عالعربيه وظبط فرامل عالشعره وتشحيم عفشه ووتصليح زرار تعلية مستوي النور
من غير ولا مليم في فرع العامريه
غير غسيل العربيه اللي بتاخد العربيه بعدها زيرو
والمعامله اللي فوق الوصف :140109~347::286:SLAM

رد: شكر مركز صيانه رينو سموحة اسكندرية
 

مع احترامي لحضرتك انا ليا خبرة سيئة جدا مع المركز..اشتريت عربية داستر 4*4 كاملة و عند استلامها التوكيل قاللي اول صيانة في الخمس تلاف لأنها مش محتاجة صيانة الف كيلو.,و لما رحت مركز
الصيانة في سموحة قالولي ان التعليمات دي اتغيرت و كان لازم اجي صيانة الالف..طيب ياجماعة ما حدش بلغ العملا ليه..لا اجابة..المهم انا مدخل العربيةزي الفل و قلتلهم بس عايز اعلي الدبرياج شوية..و ماكانش في العربية اي عيب تاني..حرجت من عندهم الدبرياج زي ماهو و الاسوأ ان العربية بترعش و انا واقف اذا كنت على الاول و كسرت الدركسيون يمين او شمال.. العيب دا ما كانش فيها..المهم اني سألت اصحاب عربيات قالولي ان المهندسين في مركز سموحة درجة تانية (و من غير مايقولول حبرتي مع المركز بتأكد كدة) و ان المهندسين الممتازين في مركز برج العرب..و هاشوف لما اروح صيانة العشرتلاف هايعرفوا يصلحوا العيب اللي سببه مركز سموحة ولا لأ