|
رد: النصب العلنى فى توكيل شيرى CIG
كان المفروض ترجع لهم التوكيل تاني و تشوف رأيهم ايه
|
رد: النصب العلنى فى توكيل شيرى CIG
السلام عليكم
اولا انا شاكر مروركم الكريم بصراحه يا جماعه انا دمى محروق وحاسس انى ها اطق ولن ينفع فى ذلك كلمات العتاب من نوع احنا آسفين ودى غلطه والكلام اللى لا يودى ولا يجيب من نوع الضحك على الدقون انا نفسى لو اى حد من حضراتكم يفيدنى قانونا ازاى اقدر اتعامل مع اللصوص دول لو سرقونى تانى لانى نفسى ان الدوله تجيب لى حقى من النصابين دول وغيرهم واظن احنا كلنا فى الهوا سوا فى موضوع نصب التوكيلات وانا باقترح اننا نعمل فى المنتدى باب قانونى يشرف عليه اهل الاختصاص من القانونيين لتعريفنا نعمل ايه فى المواقف اللى زى دى وفين حمايه المستهلك اللى بنسمع احيانا عنها عنوانهم ايه بدل ما الواحد يحس بالقفا ومايعرفش ياخد حقه آسف للأطاله اعذرونى تحياتى للجميع |
رد: النصب العلنى فى توكيل شيرى CIG
وعلى فكره الشاى والقهوه كمان عندهم بندفع تمنه مع البقشيش والله
|
رد: النصب العلنى فى توكيل شيرى CIG
كان من حقك تجيب الزيت معاك وهما بس يغيروه التوكيل من حقة (وديه فيه خلاف برضو) انة يفرض نوع زيت معين لكن الاصح انة يحدد مواصفة الزيت مش نوعة لكن على اى حال مش من حقة انه يفرض عليك تشترى الزيت من عندة وممكن تجيبة بنفسك وهما يغيروه وتتاكد من تغييرة بنفسك بالكشف عليه
التوكيل ده او توكيل تانى صعب يسمح للناس كلها انها تخش الورشة اثناء الصيانة بعض التوكيلات بتصمم مراكزها بحيث غرفة انتظار العملاء تبقى مطلة على الورشة وبكده توفق بين رغبة العميل فى متابعة عربيتة وبين انها تنظم العمل فى الورشة لكن دايماً من حقك تبص على العربية بعد ما تطلع من الورشة وتتأكد من كل حاجة فى العربية وتجربها مع مهندس الاستقبال قبل ما تمضى بالاستلام عامة حضرتك لازم تمضى على مقايسة الاصلاح لو فيه حاجة اكتر من الطبيعى (اقصد بالطبيعى اجراءات الصيانة الدورية) وبعد ما تمضى على المقايسة من حق التوكيل مطالبتك بمبلغ الاصلاح المحدد فى المقايسة بعد انتهاء الاصلاح ومن حقك تمضى بالاستلام او تعترض على الشغل اللى تم فى العربية كمان من حقك تطالب بقطع الغيار التالفة ومهم تقرء كل حاجة مكتوبة فى المقايسة اللى حضرتك بتمضى عليها او الفاتورة بتاعة الاصلاح او الصيانة الدورية وامضاءك بالموافقة على الفاتورة يعنى اقرارك باستلام العربية واستحقاقهم لمبلغ الفاتورة فى حالة تعرضك لاى تلاعب او انكار لحقوقك قم بعمل محضر فى الشرطة ضد مركز الخدمة مع تقديم ما يثبت دعواك بالمستندات وقم بابلاغ جمعية حقوق المستهلك |
رد: النصب العلنى فى توكيل شيرى CIG
أرجوك
تروح لهناك وتعمل مشكله ع الموضوع ده وانت هناك اطلب 122 النجده واطلب حد يجيلك واعمل اثبات حاله والبوليس ح يصدقك انت ، لأن انت اللي طالبه وح يسمعوا كلامك وينفذولك اللي انت عايزه ح تخليهم في التوكيل زي الفيران وتأكد ان النجده لازم تيجي ومتمشيش من هناك قبل ما تذل انفاسهم تعرف تبقى غلس وتبت ومقرف لمدة ساعتين ؟؟؟؟ انت بتعمل ده عشان ربنا اولا وعشان الإنسان اللي عمل معاك كده حرامي ونصاب ومعندوش ريحة الأخلاق وبعدين انت عندك ايه تخسره ؟؟؟؟ خلي مطلبك محدد 1) تسترد فلوس الزيت والفلتر اللي شفطوهم عليك 2) الشخص اللي نصب عليك لازم يترفد واتنك عليهم على قد ما ربنا يقدرك ( تكبرك على اهل الكبر صدقه ) فما بالك اهل السرقه ؟ لو فرطت في حقك يبقى بتساعد الأشكال دي انها تفضل موجوده وسطيناptmnlo123per144 |
| الساعة الآن 03:17 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017