رد: حد يقولى اعمل ايهههههههههههههههههههه
 

الـ 10000 مش هيجبولك عربية حلوة دوقتي الاحسن تستني لما تكمل 15000 ممكن تلاقي 131 او 132 تكون حلوه تستحمل السفر كل شهر وربنا يكرمك .

رد: حد يقولى اعمل ايهههههههههههههههههههه
 

لو عايز عربية كويسة بالسعر ده وما بتسخنش ومية مية في السفر يبقى فولكس بيتل الخنفسا، دي هتريحك مبدئيا لحد لما تزود وتجيب حاجة أعلى، بس هي مش عائلية، لأن صالونها ضيق.
ولو عايز صالون واسع وبرده عربية قوية وتستحمل السفر يبقى 125، بس دي عربية قديمة ، يعني لازم تكشف عليها كويس، وربنا يوفقك

رد: حد يقولى اعمل ايهههههههههههههههههههه
 

ال127 عموما أكثر اعتمادية من ال128, و مشاكل ال128 ليست فى السخونة أبدا انما مشاكلها المعروفة هى الكبالن و الشاسيه و انقطاع سلك الدبرياج و انقطاع السيور.
ال127 مشاكلها أقل لكنها لا تصلح للسفر و لو هتسافر هنصحك ب128 او 125, ال127 سيارة مدنية خفيفة و غير متزنة على السرعات.
ال128 و ال125 اريح فى السفر و أكثر أمانا.

رد: حد يقولى اعمل ايهههههههههههههههههههه
 

الـ 127 على الطريق هاتكون فى مهب الريح
عربية ضعيفة اوى
واى نقل هايعدى جنب منك هاوديك يمين وشمال وعربية صغيرة وصراحة بتاعة مشاوير داخلية زى الفل انما سفر لالالالالالالالالا
وعلى فكرة ماسكة سعر اكتر من ال125
يعنى لو ثبتنا المبلغ وهو 10000 جنية يبقى ممكن تجيب 125 بحالة افضل من الـ 127
بالنسبة لل 125 عربية واسعة جدا داخليا
موتور اكبر واقوى 1300 او 1500
بيركب لها مواتير كتير واشهرهم 131
دفع خلفى مما يزيد العربية قوة ومتانة
ثابتة اوى على الطريق
حاجتها رخيصة زى ال 128
طب ال 128 بصراحة عربية قليلة الاصل واى حد معاة 128 تلقية مقسم وقتة بين شغلة وحياتة الشخصية والميكانيكية ولا يمكن تلاقية لابس ابيض ابدا لانة معرض على طول انة يعمل ايدة شحم وزيت
اتكل على الله وفكر فى ال125 واستنانى كدة اما اشوفلك واحدة كويسة فى كونتاكت

رد: حد يقولى اعمل ايهههههههههههههههههههه
 

لقيت حاجة حلوة اوى شوفها كدة

رتب السيارات حسب : الأحدث إضافة | الماركة | الأرخص | سنة الصنع | سعة المحرك
فيات
125 1971 12500 ج


1600 سى سى | 2222كم

السيارة 125 بولاندي فبريكة دواخل لم ترش فعلا وبها جميع الكماليات جنوط اسبور ووحدات رفع وزجاج كهرباء وسنتر لوك وانزار ولا تحتاج الي اي مصاريف لونها ابيض