مصر موتورز مجتمع السيارات - تلميحات عن جيلي mk بعد صيانة 50 الف كيلو

مصر موتورز مجتمع السيارات (https://www.masrmotors.com/vb/index.php)

- جيلى اميجراند - مابلEmgrand Geely (https://www.masrmotors.com/vb/forumdisplay.php?f=128)

- - تلميحات عن جيلي mk بعد صيانة 50 الف كيلو (https://www.masrmotors.com/vb/showthread.php?t=16215)

رد: تلميحات عن جيلي mk بعد صيانة 50 الف كيلو

بالنسبة للصيانة هي بتتعمل كل 5000 كيلو ومصناعيتها تتراوح بين 120 الي200 جنية لا تتعدي ذلك علي حسب ماهو مدون بكتيب الصيانة والمصنعيات تشمل 1- تغيير زيت محرك 2- تغيير زيت فتيس 3-تغيير زيت باور 4-تغيير زيت باكم الفرامل 5-فحص تسريب زيت محرك 6-تغير فلاتر الزيت والهواء والبنزين 7-تربيط العفشة بالكامل 8-ضبط زوايا واتزان وترصيص 9-فحص التكييف وتعقيم دورة التكييف بالبخار 10-فحص قواعد الموتور 11-فحص اداء العدادات 12- تزبيط ابواب السيارة وتشحيمها 13-ضبط فرامل اليد 14-ضبط دواسة الدبرياج 15-تغير صابون المساحات 16-تنظيف الرشاشات ودة بالنسبة للصيانة اللي بتكون كل 10 الاف كيلو ودة بيكون سعر مصنعياتها 180 جنية مصنعية فقط لكن بيحسبوني علي الفلاتر والزيت الخ اما بالنسب لقطع الغيار اسعارها متواضعة جدااا مثلا 1- فانوس امامي 390 جنية 2- فانوس خلفي 190 جنية 3-فلتر هواء55 جنية 4-فلتر زيت 30 5-فلتر بنزين 20جنية بالنسبة لمعاملة التوكيل تمام وفي نظام وبيخلصوا العربيات بسرعة وصيانة جيدة جداا وبتحس انك مرتاح وانت بتتعامل معاهم مش زي اي توكيل تاني يحسسك انو عايز ياخد منك فلوس باي طريقة ومراكز الخدمة مجهزة علي اعلي مستوي والصيانة مدتها 100الف كيلو او 3سنوات دة بالنسبة لموديلات 2008 وبالنسبة لموديلات2009 100 الف كيلو او 5سنوات

رد: تلميحات عن جيلي mk بعد صيانة 50 الف كيلو

اقتباس:

المشاركة الأصلية كتبت بواسطة drift (المشاركة 101927)

اما بالنسب لقطع الغيار اسعارها متواضعة جدااا مثلا 1- فانوس امامي 390 جنية 2- فانوس خلفي 190 جنية 3-فلتر هواء55 جنية 4-فلتر زيت 30 5-فلتر بنزين 20جنية بالنسبة لمعاملة التوكيل تمام وفي نظام وبيخلصوا العربيات بسرعة وصيانة جيدة جداا وبتحس انك مرتاح وانت بتتعامل معاهم مش زي اي توكيل تاني يحسسك انو عايز ياخد منك فلوس باي طريقة ومراكز الخدمة مجهزة علي اعلي مستوي والصيانة مدتها 100الف كيلو او 3سنوات دة بالنسبة لموديلات 2008 وبالنسبة لموديلات2009 100 الف كيلو او 5سنوات

يا باشا انا شايف ان اسعار قطع الغيار كده غاليه
يعنى مثلاً قطع غيار لانوس لانوس
فانوس امامى 200 جنيه و فانوس خلفى 110 جنيه
فلتر هواء 35 جنيه و فلتر زيت 20 جنيه

رد: تلميحات عن جيلي mk بعد صيانة 50 الف كيلو

اشكرك يا دريفت على التقييم بس انا شايف كلام حضرتك يشجع على اقتناء السيارة ويعلى من قيمتها مش نتقص منها فتوافق الات الجر مع موديلات منتشره من الكورولاً ميزه كبيرة فعلاً بس يا ترى العفشة قطع غيارها ايه ؟ بما فيهم الباور طبعاً وعلبه الدريكسيون وفرامل تيل وطنابير وديسكات كل ديه حاجات مهمة جداً

رد: تلميحات عن جيلي mk بعد صيانة 50 الف كيلو

بالنسبة لقطع الغيار الاسعار اللي انا قولتها دي اسعار التوكيل فلازم تكون غالية انا بتكلم رخيصة بالنسبة لتوكيلات اخري لكن قطع غيارها نزلت السوق بقالها شهر وسمعت انها رخيصة بس لسة مسالتش عليها بس اكيد ارخص من التوكيل

رد: تلميحات عن جيلي mk بعد صيانة 50 الف كيلو

اقتباس:

المشاركة الأصلية كتبت بواسطة AboNoRa (المشاركة 101999)

بالنسبة للعفشة هي تويوتا ياريس من مساعدين ويايات وطنابير وديسكات وتيل الفرامل كنت انا بغير لها تيل الفرامل بتيل فرامل يارس لانة نفس مقاسها وبلي العجل كذلك وبالنسبة لباور والتكييف وعلبة الدريكسيون تويوتا كرولا 94 هي كل حاجة فيها تيوتا لانها تعتمد علي تكنولوجيا التيوتا في كل حاجة