مصر موتورز مجتمع السيارات - غبور والنصب العظيم علي الشعب في الصيانه

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - غبور والنصب العظيم علي الشعب في الصيانه (https://www.masrmotors.com/vb/showthread.php?t=27062)

رد: غبور والنصب العظيم علي الشعب في الصيانه

اقتباس:

المشاركة الأصلية كتبت بواسطة بدر بسيونى (المشاركة 190759)

معلش ياكورسير روق وماتحرقش دمك وسهلى ياباشا بس فعلا التوكيلات وفروعها زى البطيخة انا جربت بتاع اسكندرية الازاريطة اسمه ولا السلطان حسين وبصراحة زى الفل الناس رايقة والدنيا محترمة ففعلا مش كل الفروع حلوة ومش كل الفروع وحشة والكلام ده كله يتظبط بره ب300 جم وفلة كده بس فين فى القاهرة ماعنديش فكرة

والله يا استاذ بدر المهندس ده انسان يحرق الدم ومستفز اكتر حاجه خناقتني لما بيقولي طالباتك كتير كتير ايه يا عم هيه مش ديه صيانة ولازم كل مشاكل العربية تتحل قالي اه بس تتحل براحتها مش وانتا قاعد فوق في الاستراحه وانا عارف ومتاكد ان الكلام ده لو عملته بره مش هيكلفني 300 جنيه بس هتفول ايه حسبي الله ونعم الوكيل

رد: غبور والنصب العظيم علي الشعب في الصيانه

اقتباس:

المشاركة الأصلية كتبت بواسطة مهند سالم (المشاركة 190764)

يا عم كبر دماغك بلا توكيل بلا وجع دماغ، عيش حياتك برة التوكيل.

ايدي علي كتفك فين بره لو تعرف حد قول يا عم مهند وليك عندي واحد شاي هديه ههههههههههههههههه

رد: غبور والنصب العظيم علي الشعب في الصيانه

اقتباس:

المشاركة الأصلية كتبت بواسطة أبو عامر (المشاركة 190788)

روق يا corsair واشرب لك شوية ليمون ساقع في الحر ده يهدوك شوية
ومعلش مش اول ولا اخر موقف مع توكيل غبور
كان الله في عونك

فعلا والله يا ابو عامر الجو كان حر وخنيق وكان محتاج فعلا واحد ليمون بس لو الشعب ده ايد واحدة مكانش خلي واحد زي غبور وغير غبور يعملو تكلفة الصيانة بالمنظر ده اموت واعرف هيعمل ايه في العربية غير انه هيشد علي الفرامل وهيقرط علي العفشة ويغير زيت ب 300 جنيه ليه هيخلي اوباما هوه اللي يعملي الصيانة بتاعت العربية

رد: غبور والنصب العظيم علي الشعب في الصيانه

اقتباس:

المشاركة الأصلية كتبت بواسطة mohamedsaleh (المشاركة 190793)

فلنقاطع التوكيل اللعين

وانا معاك وياريت مصر كلها تقاطعه ساعتها هيتعلموا الادب الشرعي ويعرفوا ان الله حق

رد: غبور والنصب العظيم علي الشعب في الصيانه

روق يا كروسير
بس علي فكره انت اي حد حتتكلم معاه و تشتم بالاسلوب دا عمره ما حيديك شغل كويس حتي لو ملاك
انت رايح شادد عليهم اوي ليه؟؟
و بعدين الزيت مافيش فرق سواء حر او برد عادي جدا انك تحط زيت تخليقي في الصيف