رد: مجرد اقتراح لموضوع جديد
 

رد: مجرد اقتراح لموضوع جديد
 

ياااااااااااه
ده أنا من مصر..... لبنها.....المنصورة....... اسكندرية......زفتى......ق ويسنا....... صفط اللبن
وأخيرا استقريت في طنطا....يعني أكتر بلد زرتها وعجبتني :)


لأ أنا ممكن أكلمكم عن السعودية أنا قضيت طفولتي كلها في الرياض

رد: مجرد اقتراح لموضوع جديد
 

بسم الله الرحمن الرحيم - نبتدى الرحلات بالعراق والكلام ده كان سنة 1980 بعد انتهاء فترة التجنيد ودى كانت فى مستشفى مصر الجديدة العسكرى فى جسر السويس ( واسطة جامده أوى ) المهم توزعت تكليف على احدى القرى 30 كم بجوار المنصورة وكلى أمل وتفتح للعمل وكان عندى سيارة أوبل 1956 بها راديو كهراء تحفة وكان معى زميل عمرى الله يرحمه ووجدنا فى الوحدة الصحية اللى المفروض نعمل بها طبيب طويل وراسه كبيره بصلعه مهوله ! قالنا جايين تعملو ايه ؟ روحوا ومرتبكوا حيوصل لكم آخر الشهر ( كان 29 جنيه بس لتر البنزين كان بشلن والآبلاتين ب75 قرش والبوجيه البوش ب 25 قرش ) المهم مشينا نضرب أخماس فى أسداس بقى احنا كافحنا 7 سنوات علشان نقعد فى المنزل ؟ المهم زميلى كان من النوع التقدمى الوحدوى ولن أزيد على ذلك قاللى دى بلد بنت 0000 احنا لازم نسافر بره وطبعا دا كان مستحيل علشان مافيش استقالة أيامها مع التكليف وقاللى على الحل نضرب بطاقتين طبيب حر ولنا واحد صاحبنا تقدمى وحدوى تعبوى عايش فى ليبيا وصديق شخصى للقذافى ! طبعآ قلت له لاياعم أنا أبويا لسه ميت وأنا أكبر اخواتى أنا سأحاول آخذ تصريح سفر للخارج سياحة وبعدين نكت زى ماحنا عاوزين ! رحنا لوكيل الوزارة شخط فينا قام صاحبى الله يرحمه وكان عملاق شويه بس طيب قام قالب المكتب فعلا على وكيل الوزارة وراح زور البطاقه 100 % أما أنا فحاولت آعمل سياحة ومافيش فايدة وفى هذه الآثناء كان صاحبنا يتاع ليبيا فعلا بعت لنا تأشيرات عمل ولكن صديقى الوفى رغم انه خلص البطاقه والباسبور قاللى مش ممكن أسافر من غيرك ؟؟
نكمل بقه بعد شويه لآن فيه شغل واقف وراي بيرطن بالانجلزى بلغة أهل لويزيانا اللى الآميريكان نفسهم صعب عليهم فهمها والله المستعان ( حد يقوللى نكمل والا اييه )


ptmnlo123per1127 Dr. Bolbolan

رد: مجرد اقتراح لموضوع جديد
 

كمل يا دكتور
ربنا يطمنك......أنا في امتياز وابتديت اتفاءل جدا بكلامك :)

رد: مجرد اقتراح لموضوع جديد
 

أصبح موقفنا حرج جدآ زميلى خلص كل حاجة ومستنينى وأنا مش عارف أعمل حاجه والتأشيرة لها مده محدوده 3 شهور وتنتهى وقبل ماتنتهى بأسبوعين كنت عند خالى وقاللى مالك حزين ليه ؟ حكيت له الحكايه قام تانى يوم راح للمحافظ شخصيا وجاب لى أجازه أسبوعين للسفر خارج البلاد للسياحه ! طرت م الفرحه ورحت خلصت كل الاجراءات ومالقيتش أى شركة طيران مباشرة لليبيا علشان كانت من دول الرفض ( مقاطعين مصر علشان اتفاقية كامب دفيد ) المهم لقيت بالعافية تذكرة لليبيا وان واى على الدرجة الآولى على طيران أليتاليا بس ترانزيت جنيف ( سويسرا ) قلت وماله وبعت السيارة الآوبل ريكورد 2 باب العزيزة علشان التذكرة والذى منه وقطعت التذكرة وسلمت على الآحباب بس كان ناقص تصريح السفر ! هوه كان خلص وكل حاجة بس القانون لا أستلمه الا قبل السفر بيوم ! وجاء اليوم الموعود وذهبت أجيب التصريح قاللى الموظف بكل برود السفر اتلغى يا سيد ! ليييييه ياعم ؟؟؟ قاللى فيه كوليرا فى البلد وصدر قرار بعدم سفر الآطباء ptmnlo123per1106
قلت له مش شغال وح أستقيل ! قاللى وممنوع الاستقاله كمان !! ياولاد القديمة خرجت من عنده والدموع فى عينى وذهبت لصديقى أرجوه يسافر وسافر فعلآ ووصلته المطار بتاكسى طبعى مانا بعت عزيزه ورجعت من المطار على وزير الصحة شخصيآ وأنا عارف ان مافيش استقاله بس رايح أفش غللى واللى يحصل يحصل المهم وصلت لسكرتير الوزير قاللى أكتب طلب وتعالى كمان ساعة
رجعت ويافرحتى لقيت الوزير شخصيا وافق على الطلب رغم القوانين والكوليرا وخرجت بأرقص انى استقلت ورحت أغير البطاقه علشان أعمل باسبور حر قالولى فين الاستنسل ؟؟ يعنى ايه ياعم ؟؟ قاللى صح دى اضاء الوزير بس لازم يطلع قرار بالاستنسل ! طب بيطلع امتى ياعم ؟؟ قاللى فى المشمش !! مش قبل 3 شهور ؟؟ وكفايه كده دلوقت علشان الدوع غرقت الكى بورد ونكمل بعد صلاة العصر ( هى دى مصر ياهبله ) ptmnlo123per195Dr Bolbolan