رد: طريقة جديدة لإيقاف التجار عند حدهم
 

مشكورررررررررر

رد: طريقة جديدة لإيقاف التجار عند حدهم
 

أستاذ ahrambc
أنا عاوز أقولك اني جمركت عربية سوزوكي سويفت السنة اللي فاتت موديل 2009 من توكيل سوزوكي في السعودية اسمواليمني بس 1600 و 4 ايرباج مش زي اللي في مصر و سجلتها في السفار المصرية في الرياض شهر 8 خلصت جمركها شهر 10 دفعت جمرك 47000 جنيه غير ألف جنيه رشه هنا و رشة هنا إجمالي العربية وقفت عليا ب 127000 جنيه و سعرها في مصر 110000 بس 1500 سيسي و 2 ايرباج و جنوط 15 و فرش قماش و اللي معايا 1600 جنوط 17 4 ايرباج فرش جلد و فرق 17000 جنيه و الكلام اللي بيتقال انك ما تقدرش تجيب عربية من برا دا غلط تقدر تجيب من وكيل بيصدر و معظم توكيلات السعودية بتصدر و محدش بيتكلم معاهم زي اليمني و زي الوعلان و عبد اللطيف جميل و الجميح و اتصل عليهم و اسأل و فيه زي يوسف ناغي بيصدر عربيا لمعارض بالطلب يعني لو انت عاوز منو عربية بيقولك روح استلمها من معرض معين و المعرض بياخد الفين تلاتة و هو المعرض اللي بيدخلك في الضمان انت باين عليك تاجر يا استاذ

رد: طريقة جديدة لإيقاف التجار عند حدهم
 

اه و بالمناسبة في حاجه تانية كلمت ان الأسعار من عند المصلحة دا غلط لإن كان على حسب فاتورة الشراء إلا لو لقوا ان الفاتورة فيها استهبال بيرجعوا للاسعار عندهم و فيه واحد صاحبي أبوه في دبي و بعتله كورولا و كان عليها عرض بس كانت فاضية جدا بيسموها سياحي كانت المرايات مش كهربا و لا حتى بدراع من جوا دا بتحط ايك على القزاز بتاع المرايا و تظبطها و مفيهاش سنتر و قزاز كهربا كان جايبها من دبي بما يعادل 57000 جنيه حسب عرض الوكيل و اتعملت على اساس فاتورة الشراء و ما بحبش الإفتاءات بدون تجربة

رد: طريقة جديدة لإيقاف التجار عند حدهم
 

تمام مش مختلفين

بعنى فيه مصدر و مستورد بيقوموا بالعمليه الأستيراديه ومحتاجة اجراءات استيراديه .

و تدخل السياره بصفة تجاريه بأذن استيرادى مثلها مثل أى سلعه أخرى

هل تستطيع بصفتك الشخصيه و انت مقيم بمصر و لست بالخارج استيراد سياره ( حتى لو موديل سنتها ) بدون اللجوء لطرف آخر ... هو ده السؤال الذى انتظر اجابته .

يجاوب عنى الأستاذ / حازم خضر مدير المنتدى و تستطيع ان تراسله على الخاص لتعرف الأجابه

رد: طريقة جديدة لإيقاف التجار عند حدهم
 

فيه حاجه اسمها المجمع الجمركى

هذا المجمع هو الأساس لبيانات مصلحة الجمارك المصريه

و جميع المنافذ الجمركيه مرتبطة بشبكة كبيوتر فيما بينها بهذا المجمع .

و لا يتم أخذ بيانات من مستندات المستورد قبل الرجوع للمجمع , فاذا كانت مستندات البضاعه المستورده سعريا أقل من بيانات المجمع يتم استخدام سعر المجمع مع فرض رسوم تسمى غرامة تحسين سعر على المستورد .

اذا كانت مستندات المستورد تحتوى سعرا من أعلى من بيانات المجمع , يتم تعديل السعر فى بيانات المجمع ليكون السعر الأعلى .

و يمكنك التظلم من بيانات المجمع أمام لجنة التظلمات فى حالة :

1- اختلاف بلد المنشأ بين بيانات المجمع و بين مستنداتك .

2- اختلاف الكميات المستورده عن بيانات المجمع .

3- اختلاف الفتره الزمنيه بشكل كبير بين بيانات المجمع و تاريخ الشحن .

قرار لجنة التظلمات نهائى و لا يجوز الطعن فيه الا أمام القضاء .

بخصوص الحالة التى تم ذكرها

تذكر بيانات رقم الشاسيه كل مواصفات السياره التى تحمل هذا الرقم , فى حالة اختلاف المواصفات عند المعاينه عن المذكور فى بيانات الشاسيه يتم عمل محضر خصم ( او اضافة ) بمعرفة مأمور الجمرك على أن يعتمد فى حالة الخصم من مدير المنفذ الجمركى و كذلك فى حالة لو كانت هناك تلفيات فى السياره تقلل من قيمتها .

فلو فرض مثلا أن السياره مثبت بها زجاج ملون و لكن غير موجود و غير مثبت تكييف هواء و لكن موجود .

يتم عمل محضر خصم للزجاج الملون و يتم عمل محضر اضافة لتكييف الهواء

و الموضوع يحتاج لمخلص جمركى على دراية تامه و خبره تامه بقوانين الجمارك و اجراءاتها لكى تستطيع الوصول الى تسوية عادله .

طيب ممتاز جدا ... ياريت تخليك مع هذه النصيحه دائما