رد: استفسار عن الجيتا
 

بصراحة معرفش مين بيعملة فى مصر بس لحد 20% من عدد الاحصنة اللى عندك مفيش مشاكل خالص غير ان استهلاك البنزين هيزيد شوية لكن اكتر من كدة هيعملك مشاكل كتير اولها سخونة ملحوظة للمحرك و تلف رومان البلى بتاع العجل و الكبالن و قواعد الموتور عشان ببساطة كل جزء فى العربية مصمم على قد المحرك اللى فيها

رد: استفسار عن الجيتا
 

شكرا ليك جدا وكنت عاوز اعرف ممكن التوكيل يعملها ولا ايه وانا كنت سمعت ان فى توربو حجم صغير بيزود عدد الاحصنه ومن غير ضرر هلى الكلام ده صحيح واعذرنى على كثره الاسئله

رد: استفسار عن الجيتا
 

مش عارف التوكيل فى مصر بيعملها ولا لأ لكن انا مفتكرش التوكيل يعملها عشان التوكيل ماشى على المواصفات القياسية اللى اتصنعت عليها العربية يعنى ماشى على الكتاب .... اما بخصوص التربو مينفعش انك تركب واحد اصغر او اكبر من حجم الماتور عشان فى نسبة و تناسب كمية الهوا اللى داخل للموتور و سعة الموتور و على فكرة انا قرأت موضوع هنا فى المنتدى فى باب التعديلات و رفع قوة الأداء عن التربو و مزاياة و عيوبة انصحك انك تقراة عشان هيفيدك كتير 444546

رد: استفسار عن الجيتا
 

المشكله ان التوربو لازم يتظبط صح عشان ميدمرش الماكينه ولا يقلل من عمرها الافتراضى بس مش عارف الاضرار دى ازاى الواحد يتغلب عليها يا ريت لو اى حد من الاعضاء هنا يقولى ازاى او واحد مركب عندو تربو وعن تجربه وازاى ميعملش اضرار؟

رد: استفسار عن الجيتا
 

شوف التربو على حسب سواقتك انت يعنى لو انت دايما بتكبس و بتشد فالتربو اكيد هيئذى المحرك و دة بسبب ان البستم بيتحرك بسرعة تفوق السرعة المعتادة على الاقل ٣ مرات و دة هيسبب تآكل جدران الموتور و كسر شنابر البستم
لكن هتستعملة بالعقل يعنى بس لما تحب تتجاوز على عربية او تكبس مرة كدة .. يعنى تكون سواقتك هادية و بتستعملة قليل يبقى الموتور هيعيش معاك و لو تقولى كود الموتور بتاعك اقدر اقولك ينفع يركب عندك تربو و لا لأ