مصر موتورز مجتمع السيارات - محتاج رايكم في حاجتين منها فوكس سيدان 2006

مصر موتورز مجتمع السيارات (https://www.masrmotors.com/vb/index.php)

- فورد FORD (https://www.masrmotors.com/vb/forumdisplay.php?f=48)

- - محتاج رايكم في حاجتين منها فوكس سيدان 2006 (https://www.masrmotors.com/vb/showthread.php?t=91767)

رد: محتاج رايكم في حاجتين منها فوكس سيدان 2006

اقتباس:

المشاركة الأصلية كتبت بواسطة ابو الشوق كاديلك (المشاركة 715545)

عشان لو حالتها وحشة وهتكرهك في العربية و السواقة ، لازم تكون حالتها ممتازة لو جيد جدا متشتريش

استأذنك تشرحلي الجزئية ده..

ايه الحاجه اللي ممكن اتغاضا عنها وتبقى ممتازه

رد: محتاج رايكم في حاجتين منها فوكس سيدان 2006

اقتباس:

المشاركة الأصلية كتبت بواسطة ابو الشوق كاديلك (المشاركة 715666)

الفوكس مفيش منها 1400 ، كل اللي موجود 1600

ومن اول 2006 كله اتوماتيك
حاول تجيبها ماشية كيلومترات قليلة

ورأيي شوف اسعار قطع الغيار قبل ما تشتري وسأل

الفوكاس قطع الغيار الخارجية اسعارها عادية ، لكن اي حاجة في الماتور او الفتيس غاااااااااااااااااااااااا ااااااالية

اللهم بلغت اللهم فاشهد

يبقى انا اتلخمت بينها وبين البولو سيدان 2005 المعروضه عليا اوتوماتيك 1400 ..

بس انت شايف ايه.. بولو سيدان ولا فوكاس سيدان..

رد: محتاج رايكم في حاجتين منها فوكس سيدان 2006

بص يا فندم الفوكس عربية حلوة جدا بس اسعار اي صيانة للماتور او الفتيس غالية جدا و العفشة غالية ( والعربية 2006 يعني لو استخدام سيء هتدفع كتيييييييير )
فلازم تكون حالتها ممتازة ولازم تسأل علي اسعار قطع الغيار للحجات ديه في التوكيل
احنا في مصر ومفيش عربية مبتتخبطش فلازم تكون عارف ان الحجات ديه مكلفة جدا
والعربية عشان مش منتشرة فقطع الغيار برا التوكيل نادرة

لو هقارن بين فورد والبولو اكييييييييد فورد
انا معرفش ظروف حضرتك المادية ايه يعني ممكن قطع غيار الفوكاس اللي انا شايفة غالية تكون بالنسبة ليك رخيصة ،
حضرتك شوف انت حدودك تصرف كام صيانة للعربية في الشهر وعلي اساسها حدد العربية

وبوجه عام البولو ال2005 والفوكاس قطع غيارهم غالية وقليلة

رد: محتاج رايكم في حاجتين منها فوكس سيدان 2006

تسلم على ردك..

انا عانيت من الفولكس لما عملت حادثه واتسلخت من قطع غيارها.. انا زيك شايفها نار..

ححاول بقدر الامكان امشي بنصايحك.. شكرا وكتر خيرك..

اعذرني لو رزلت عليك في المستقبل عن العربية ده :)

رد: محتاج رايكم في حاجتين منها فوكس سيدان 2006

يا عم متقولش كده انا العربية ديه كنت معجبك بيها جدا وقريت عنها كتيييير وكلام ملاك ليها كان حدكاتب ان الايرباج بتاع الفورد فوكاس 2009 ب20 الف في التوكيل ده كان غير باقيت اسعار قطع الغيار اللي كانت فلكية
بص هقولك علي نصيحة طالما حضرتك يفرق معاك اسعار الصيانة والعربية مش رفاهية بالنسبالك شوف السوق بيحب عربيات ايه وقطع غيارها متوافرة وموجودة في كل حتة ولما تحب تبيع تلاقي الف مشتري ومتخسرش فيها جامد
نصيحة خليك في الكوري و اليباني لو انت مش عايز وجع قلب وجيب وعايزة حاجة عملية
تحياتي ليك وربنا يوفقك في حاجة كويسة