رد: عايزة أشتري عربية بالقسط ومش عارفه إزاي
 

Thank you Mr. Tamer...
ممكن أدفع 40% من مقدم العربية ... بس آسفه على الإزعاج ... هو كام حيكون عليا أدفع المبلغ كله شامل المقدمة والتأمين والرسوم عشان أعرف حساباتي وإيه المستندات المطلوبة ... مستنية ردك ...:GROWIN~12:

رد: عايزة أشتري عربية بالقسط ومش عارفه إزاي
 

شكرا لحضرتك بس ممكن تديني شرح عن الإجراءات والمبلغ المطلوب والقسط حيكون للعربية ده ...

رد: عايزة أشتري عربية بالقسط ومش عارفه إزاي
 

ولا ازعاج ولا حاجه احنا اخوات ان شاء الله هتتظبط ب ال40000 الف اللي مع حضرتك ابعتيلي رقمك علي الخاص وهتصل اشرحلك التفاصيل وهقولك المستندات والمطلوب واول ما تجهزي انا جاهز

رد: عايزة أشتري عربية بالقسط ومش عارفه إزاي
 

اللى أعرفه ان فى معرض اسمه القرش فى مصر الجديدة ممكن يساعدك فى الموضوع ده

رد: عايزة أشتري عربية بالقسط ومش عارفه إزاي
 

في الشركة العالمية على الوقت اللي اشتريت فيه

كانوا بياخدوا 25 % من تمن العربية مقدم و9% في السنة لو هتأمني عالعربية أو 10% لو مش هتأمني..

يعني لو العربية مثلا تمنها 100 ألف تدفعي مقدم 25 ألف جنيه

ولو هتقسطي على 5 سنين (مثلا) من غير ما تأمني عالعربية يعني 50% من المبلغ المتبقي يعني 37500

وبكده تدفعي في الشهر:

37500 (قيمة الزيادة للـ 5 سنين) + 75000 (باقي المبلغ بعد المقدم) / 60 شهر = 1875 جنيه قسط شهري

طبعا كل ما تزودي في المقدم كل ما تنزل القسط..

يعني لو حضرتك معاك 40000 بلاش تدفعيهم كلهم في العربية..ادفعي 37000 وخلي الـ 3 آلاف الباقيين معاك لو احتجتي تروشيها أو تحطيلها ديفندر وطبعا عشان ترخصيها وأي حاجة تانية تحتاجيها..

وتعالي نحسبها سوا

100000 (تمن السيارة مثلا) - 37000 (المقدم) = 63000

63000 * 1.5 (في حالة التقسيط على 5 سنوات وبدون تأمين) = 94500 / 60 شهر = 1575 جنيه قسط شهري

بس أنصحك انقلي الكلام ده لأرض الواقع
يعني كلمي المعارض اللي شوفتيها وخدي أسعار واتفرجي عالعربية وخليهم يحسبوا لك زي ما أنا عملت كده
وصلي الاستخارة.. وتوكلي على الله

بالتوفيق إن شاء الله