المشاركة الأصلية كتبت بواسطة محمدصلاح القاضى (المشاركة 782723)

المشاركة الأصلية كتبت بواسطة mostafa3tef (المشاركة 783002)

ماتستغربش يا قاضى هكذا حال الدنيا
ياباشا انت اتخبطت مرة انا بتخبط كل يوم فى نفس البلاعة بس غصب عندى هشام جالى البيت وشافها وملهاش حل بلاعة فى المدخل وواحدة فى المخرج لدرجة انى فكرة اعملها نفق فى بطن العربية
ربنا يعينك وعايزين نتجمع فى العيد او نسهر الوقفه مع بعض

المشاركة الأصلية كتبت بواسطة أيمن الروبي (المشاركة 782922)

المشاركة الأصلية كتبت بواسطة أيمن الروبي (المشاركة 782948)

بص يا سيدي النقشه اسمها ( شينترو P4 ) وميزتها جميله جدا في المطر والطينه وصوتها هادي وسرعات عاليه
http://www.pirelli.com/tyre/eg/ar/car/sheet/cinturato_p4.html?url=%3F subtype%3DCAR%26season%3D SUMMER

ده الرابط هيعرفك كل حاجه عنها بس مفيش منها 14/185/165 اللي نازل منها 14/185/70

:Wkiss5::Wkiss5::Wkiss5:: Wkiss5:

المشاركة الأصلية كتبت بواسطة michohat (المشاركة 783011)

نقشه الكاوتش اللى قصدك عليها دي

http://www.oponeo.pl/gfx/Articles/pi...o-p4_MVJ-0.jpg
ولا دي

http://www.yhi.co.nz/newsite/media/p4bb3e6579156c.jpg


الاثنين شكلهم جميل بس الثانيه اللي زي الشجرة دي حاسس انها فعلا للمطر يعني رسمتها وخطوطها ضيقة

انا كنت لسه مغير طقم الكاوتش من حوالي سنه و كنت جايب اكليز شوف كده النقشة دي رأيك فيها ايه
http://www.achillestires.com/

http://images.lasoomedia1.com.au/ima...40ea03_POP.jpg

المشاركة الأصلية كتبت بواسطة michohat (المشاركة 782983)

هقول ليكم عاوز اعمل ايه ف العربية وعاوز مساعدتكم احط ترتيب للتنفيذ امشي عليه واخلص فيه كل حاجه من دول
- اعمل العربية سمكره ودوكو
سمكرة بعض الخبطات والبارومه
الدوكو جوده الدوكو الموجود ع العربية مش عجباني لانها ناتجه عن رش سابق وكان عيب ف الصنايعي و العربية طالعه مشققه من تحت اللون يعني في انعكاس النور تحس انك بتبص لجلد فضي الدوكو مش مشقق او طاقق بس تحس ان في تكتلات لمعجون تحت اللون ف حتت وحتت لا ودي مدياها منظر تشعير الجلد


الخطوه دي متردد ف عملها دلوقت مع توفر السمكري اللي اعرف انه كويس وكنت جربته من زمان قبل كده
- عاوز الحم قواعد كراسي العربية من قدام لان القواعد فكت فهناك خطوره ان مع اي فرمله مفاجئة ممكن الكراسي تفصل من العربية و اللي قاعد عليها يروح ف اي حته
وغالباً ان الموضوع ده هيكون سبب اني افتح شغل ف العربية لاني لو فكيت الفرش علشان اعملهم ولقيت شغل بارومه فأكيد هعمله و هسرح ع باقي العربية
علشان كده جبت المنتجات بتاعت حماية التأكل دي والتبطين علشان لو الموضوع على قد لحام الكراسي يبقى ارشهم واقفل الصالون ولو فتح يبقى معايا الحاجه اللي ارش بيهاواعزل

- عاوز اركب شكمان كامل من اول المشترك لحد الديل ولحد دلوقت مستقر علي شكمان ابو اليزيد وكنت عاوز انزل التوفيقة لاني سمعت ان هشام لهيطه عنده شكمانات مستورده فكنت عاوز اشوف متوسط سعرها لو في حدود المعقول بالمقارنه مع ابواليزيد يبقي اركبه
وعاوز اشتري كوريك تمساح من سمعت ان التوفيقية اسعارها كويسة والبضاعه كويسة

- عاوز اعزل الصالون بالكامل واضبطه لاحتمال تركيب تكييف
حاليا الحمد لله عزل العربية بالنسبة للصوت كويس بس عاوز اراجع على كاوتش الابواب
عزل الحرارة بالنسبة للموتور العزل بتاع حوض الموتور اللي راكب ف الحته اللي قدام التابلوة كويس اه بس شكلا عاوز اظبطه لان كان فيه ناحيه وقعت وانا عملتها عازل مفضض اي كلام كده ولزقته بالكله
و لاحظت ان العربية مش فيها عزل من تحت الكبوت لحد الدواسات فبفكر اركب عزل من تحت التابلوة لحد الدواسات علشان يلحم مع عزل ارضيه العربية
والقوائم احط فيها حاجه برضه
فبدور على عزل كويس ومعرفش مش مقتنع بكفائة عزل اللباد المفضض او عاوز اشوف عزل ارفع في السمك
علشان كده كنت عاوز انزل القاهره اشوف محلات العوازل في ( السبتيه و المناصرة و شارع الجمهورية و كلود بك ونجيب الريحاني )
- عاوز اظبط تاكيهات للعربية علشان دخله الشتا
- عاوز اروح للكهربائي لاني شاكك ان في قفله او ماس في كهربا العدادات حصلت ومستمره ( لاني فكيتها وغيرت لمض ونظفت العدادات ) لانه من ساعه ما فكيتها لحد دلوقت غيرت مفتاح بكره توطيه وتعليه نور العدادات 3 مرات وانتوا عارفين صعب قد ايه اني الاقي عدادات مكسورة اخد منها المفتاح ده
- عاوز اشوف طريقة اضبط بيها سقف العربية من جوه
لان لما غيرت كسوة فرش السقف السروجي عملها كويس اه بس في الاخر راح شادد الكسوة بين حلوق الابواب من فوق مع ان المفروض ان السقف ده من فل وله كلبسات بتثبته فحته انه شادد الفل بالكلبسات ع حلوق الابواب خنقاني ومحسساني اني راكب تاكسي
- عاوز اشوف حد بيصلح كشافات لان الكشاف اللي عندي ورا المربع بيسرب مياه ف العربيه وده ناتج من ان البلاستيك الابيض ده سايح من ورا لمضه نتيجه تركيب لمضه عاليه حرارتها سيحت اللمبه والقاعده بتاعتها
http://kotisivukone.fi/files/hannula...takalamppu.jpg


- عاوز اصلح عوامه البنزين دائما قرائتها غلط و بدئت تبقى غلط اكتر لما بدئت حكايه قفله او ماس العدادات
-
عاوز اشتري شماسات اصليه بنفس اللون و قوائم بلاستيك لداخل العربية فكده عاوز انزل عزبه شلبي واحتمال وانا هناك اشوف العدادات ولو لقيت العداد اللي بيبقى فيه مقياس ضغط الزيت والبطارية

- التأكيد على توصيلات هوايات فتحات التكييف وعمل اي تجهيزات لموضوع التكييف يعني لو حاجه سعرها رخيص اعملها علشان بعد كده مش ارجع افك التابلوة والكنسولة ولو ينفع انا اركب التكييف ولا عربياتنا محتاجه حد فني يشغله عليها انا لسه مش ليا خبره او حاجه بس بحب اعمل شغلي في العربية

- عاوز استقر على فرش او كسوة للعربية ومحتار اكشف فرش العربية الاصلي اتمتع بيه ولا اخليه زي ما هو وا غير الكسوة وهل اجيبها جلد ( عندي بنت عمرها سنه واكيد الامر مش يسلم من سفر او حاجه وانها بتاكل تبهدل لي العربية)

- اراجع ع العفشه لاني بحس في بعض الاحيان باصوات فى الجنب ناحيتي قدام

دي الحاجات اللي عاوز اعملها وفي دماغي حاليا و مش عارف اخد ايه الاول وارتب الموضوع مع اعتبار اني مزنوق ف الشغل ومش متوفر وقت كبير فعلى الاغلب ان التنفيذ هيكون على مراحل