|
|
رد: رابطة ملاك ومحبى السفينه فيات 132
اقتباس:
خلاص هقولك هتجيب مفك هوا وتقفل المسمار خالص وبعدين تلفه لفتين تلاتة وتطلع تجرب لكن لازم تحسب عدد اللفات بالظبط على ما العربية تظبط معاك |
رد: رابطة ملاك ومحبى السفينه فيات 132
اقتباس:
http://www.pirelli.com/tyre/eg/ar/car/sheet/cinturato_p4.html?url=%3F subtype%3DCAR%26season%3D SUMMER ده الرابط هيعرفك كل حاجه عنها بس مفيش منها 14/185/165 اللي نازل منها 14/185/70 :Wkiss5::Wkiss5::Wkiss5:: Wkiss5: |
رد: رابطة ملاك ومحبى السفينه فيات 132
طيب يا ايمن انا اشتريت بعض الحاجات قولت اخليها عندي علشان لما ابدء في شغل السمكره وتقفيل العربية عاوز
ومش عارف ازاي استخدمهم بالظبط علشان مش اكني عملت حاجه بيهم اشتريت اسبريهات زنك المفروض حسب الكلام المكتوب معاها وعليها انها اسبريهات زنك بتركيز 99% و تترش في الفواصل واماكن اللحام ( قولت دي شغل السمكره ) والاسطح المجلفنه اللي باظت فيها الجلفنه بتاعتها والمفروض الاسبراي ده يقبل الدهان عليه جبته علشان لما الحم القواعد لكراسي العربية الامامية ارش على اماكن اللحام دي حاجه وكمان قولت لما اجيب العربية ع الصاج ارش العربية كلها بيه من تحت ومن فوق وعلشان كده جبت منه 4 علب 400 ملي وجبت بتيومين في علب اللي اشتريته منه قال لي حط عليه مصلب قبل ما ترشه و اشتريت منه 2 علبه 1 لتر علشان ارش بيهم العربية من تحت بعد ما ارش الزنك الحاجات دي جبتها من ماركه ليكو مولي وقولت بما انها المانيه و زي ما قال الدكتور المناهري ان تميزها ف الاضافات فالاسبراي ده لو عاوز اعمله على جسم العربية بالكامل بالصاج والعربية ع الصاج المفروض انه يترش ع الصاج علشان زي ما بيقولوا يرجع الجلفنه للصاج اللي اتعمل فيه سمكره ويجي بعديه البوهيجي هل هيصنفر العربية ( ما بكده هينزل من عليها الاسبراي اللي رشيته وابقى خسرت فلوسه ) ولا هيبدأ يشوف الحتت اللي عاوزه معجون و يشتغل الحته دي قلقاني لاني فعلا اشتريت لاني مش توقعت ان الراجل البائع يوفر لي الكمية اللي طلبتهامنه بالسرعه دي وكنت فاكر انها هتاخد وقت معاه؟ فهل كده اسبراي الزنك مش هيكون له فايده لانه هيتصنفر بعد ما يترش ولا هيتحط عليه المعجون والمعجون هو اللي هيتصنفر؟ ده لينك لصفحه اسبراي الزنك http://www.liqui-moly.de/liquimoly/p...b=web_arab.nsf http://1.1.1.5/bmi/www.liqui-moly.de...40_200_100.jpg |
رد: رابطة ملاك ومحبى السفينه فيات 132
اقتباس:
المهم ان السمكري لازم يشيل العربيه علي الصاج علشان تعرف ترش الماده دي والمفروض ان هي تكون شفافه وكمان الفواصل بيتمشي عليها بماده زي السليكون اسمها شيشلوك ودي تمن العبوه منها 120 جنيه والشيشلوك ده هتلاقيه في فواصل البي ام والمرسيدس والفولكس ده بقي مبيتشلش نهائي اقتح اي مرسيدس وبس علي الفواصل هتلاقي ريجه كده كأنها معموله بفرشه هو ده الشيشلوك بس احنا مبنعملوش للزباين الا بالطل لأن العبوه غاليه وبتحتاج حرفيه في رسمها علي الفواصل وبتحي مالفواصل من الصدأ وفك البنط بتاعتها وكمان مبتقبلش رش غير مره واحده يعيني لو غيرت لون العربيه مشتحيل اللون الجديد يمسك فيها انا عارف ان الكلام ده ممكن اول مره تسمعه وممكن متستوعبوش علطول بس دي تريكات فنيه للدهان واتمني ان العبوه اللي انت اشترتها تكون فعاله ضد الصدأ او البارومه واكتر ما يحزنني ان فيه بعض الصنايعيه لما ييجو يشتغلو في الموديلات الحديثه يعملو نفسيهم بيكرمو الزبون ويحرقولو العربيه علي الصاج علشان يأسسوها من جديد وهما ما يعرفوش انهم كده بيشيلو جلفنة الصاج لأن العربيات الحديثه مجلفنه ضد الصدأ مش زي عربياتنا ولكن ميزة عربياتنا ان صاجها محمل تقدر تعمله مرمات ويعيش تاني |
رد: رابطة ملاك ومحبى السفينه فيات 132
معلومه تانية البتيومين مبيتحطش عليه مصلب المصلب بيخليه يقطع ويبوظ بس برده بيكون محتاج وقت ينشف ولو خفيته بشوية تنر صغيرين يخليه ينشف اسرع ولازم تتطهر العربيه من تحت علشان ترشه
|
رد: رابطة ملاك ومحبى السفينه فيات 132
هقول ليكم عاوز اعمل ايه ف العربية وعاوز مساعدتكم احط ترتيب للتنفيذ امشي عليه واخلص فيه كل حاجه من دول
- اعمل العربية سمكره ودوكو سمكرة بعض الخبطات والبارومه الدوكو جوده الدوكو الموجود ع العربية مش عجباني لانها ناتجه عن رش سابق وكان عيب ف الصنايعي و العربية طالعه مشققه من تحت اللون يعني في انعكاس النور تحس انك بتبص لجلد فضي الدوكو مش مشقق او طاقق بس تحس ان في تكتلات لمعجون تحت اللون ف حتت وحتت لا ودي مدياها منظر تشعير الجلد الخطوه دي متردد ف عملها دلوقت مع توفر السمكري اللي اعرف انه كويس وكنت جربته من زمان قبل كده - عاوز الحم قواعد كراسي العربية من قدام لان القواعد فكت فهناك خطوره ان مع اي فرمله مفاجئة ممكن الكراسي تفصل من العربية و اللي قاعد عليها يروح ف اي حته وغالباً ان الموضوع ده هيكون سبب اني افتح شغل ف العربية لاني لو فكيت الفرش علشان اعملهم ولقيت شغل بارومه فأكيد هعمله و هسرح ع باقي العربية علشان كده جبت المنتجات بتاعت حماية التأكل دي والتبطين علشان لو الموضوع على قد لحام الكراسي يبقى ارشهم واقفل الصالون ولو فتح يبقى معايا الحاجه اللي ارش بيهاواعزل - عاوز اركب شكمان كامل من اول المشترك لحد الديل ولحد دلوقت مستقر علي شكمان ابو اليزيد وكنت عاوز انزل التوفيقة لاني سمعت ان هشام لهيطه عنده شكمانات مستورده فكنت عاوز اشوف متوسط سعرها لو في حدود المعقول بالمقارنه مع ابواليزيد يبقي اركبه وعاوز اشتري كوريك تمساح من سمعت ان التوفيقية اسعارها كويسة والبضاعه كويسة - عاوز اعزل الصالون بالكامل واضبطه لاحتمال تركيب تكييف حاليا الحمد لله عزل العربية بالنسبة للصوت كويس بس عاوز اراجع على كاوتش الابواب عزل الحرارة بالنسبة للموتور العزل بتاع حوض الموتور اللي راكب ف الحته اللي قدام التابلوة كويس اه بس شكلا عاوز اظبطه لان كان فيه ناحيه وقعت وانا عملتها عازل مفضض اي كلام كده ولزقته بالكله و لاحظت ان العربية مش فيها عزل من تحت الكبوت لحد الدواسات فبفكر اركب عزل من تحت التابلوة لحد الدواسات علشان يلحم مع عزل ارضيه العربية والقوائم احط فيها حاجه برضه فبدور على عزل كويس ومعرفش مش مقتنع بكفائة عزل اللباد المفضض او عاوز اشوف عزل ارفع في السمك علشان كده كنت عاوز انزل القاهره اشوف محلات العوازل في ( السبتيه و المناصرة و شارع الجمهورية و كلود بك ونجيب الريحاني ) - عاوز اظبط تاكيهات للعربية علشان دخله الشتا - عاوز اروح للكهربائي لاني شاكك ان في قفله او ماس في كهربا العدادات حصلت ومستمره ( لاني فكيتها وغيرت لمض ونظفت العدادات ) لانه من ساعه ما فكيتها لحد دلوقت غيرت مفتاح بكره توطيه وتعليه نور العدادات 3 مرات وانتوا عارفين صعب قد ايه اني الاقي عدادات مكسورة اخد منها المفتاح ده - عاوز اشوف طريقة اضبط بيها سقف العربية من جوه لان لما غيرت كسوة فرش السقف السروجي عملها كويس اه بس في الاخر راح شادد الكسوة بين حلوق الابواب من فوق مع ان المفروض ان السقف ده من فل وله كلبسات بتثبته فحته انه شادد الفل بالكلبسات ع حلوق الابواب خنقاني ومحسساني اني راكب تاكسي - عاوز اشوف حد بيصلح كشافات لان الكشاف اللي عندي ورا المربع بيسرب مياه ف العربيه وده ناتج من ان البلاستيك الابيض ده سايح من ورا لمضه نتيجه تركيب لمضه عاليه حرارتها سيحت اللمبه والقاعده بتاعتها http://kotisivukone.fi/files/hannula...takalamppu.jpg - عاوز اصلح عوامه البنزين دائما قرائتها غلط و بدئت تبقى غلط اكتر لما بدئت حكايه قفله او ماس العدادات - عاوز اشتري شماسات اصليه بنفس اللون و قوائم بلاستيك لداخل العربية فكده عاوز انزل عزبه شلبي واحتمال وانا هناك اشوف العدادات ولو لقيت العداد اللي بيبقى فيه مقياس ضغط الزيت والبطارية - التأكيد على توصيلات هوايات فتحات التكييف وعمل اي تجهيزات لموضوع التكييف يعني لو حاجه سعرها رخيص اعملها علشان بعد كده مش ارجع افك التابلوة والكنسولة ولو ينفع انا اركب التكييف ولا عربياتنا محتاجه حد فني يشغله عليها انا لسه مش ليا خبره او حاجه بس بحب اعمل شغلي في العربية - عاوز استقر على فرش او كسوة للعربية ومحتار اكشف فرش العربية الاصلي اتمتع بيه ولا اخليه زي ما هو وا غير الكسوة وهل اجيبها جلد ( عندي بنت عمرها سنه واكيد الامر مش يسلم من سفر او حاجه وانها بتاكل تبهدل لي العربية) - اراجع ع العفشه لاني بحس في بعض الاحيان باصوات فى الجنب ناحيتي قدام دي الحاجات اللي عاوز اعملها وفي دماغي حاليا و مش عارف اخد ايه الاول وارتب الموضوع مع اعتبار اني مزنوق ف الشغل ومش متوفر وقت كبير فعلى الاغلب ان التنفيذ هيكون على مراحل |
رد: رابطة ملاك ومحبى السفينه فيات 132
اقتباس:
هل ف وسيلة اقدر اجرب بيها الاسبراي ده مثلا ارشه علي صاج واحاول اصنفرة ولا اعمل فيه ايه اقتباس:
http://www.liqui-moly.de/liquimoly/p...b=web_arab.nsf http://1.1.1.5/bmi/www.liqui-moly.de...00_200_100.jpg والتاجر قال لي ضيف عليه مصلب وانت بترشه وانا مش استفسرت منه على اساس ان اللي هيرشه هيكون فاهم على فكره انا اتمنى اني اعمل عربيتي عندك لاني بحب اوي الناس اللي بتكون فاهمه في شغلها كده والتكنيكات دي بس علشان بعد المسافه واني في هيكون صعب عليا كل يوم اجي مصر وارجع تاني متأخر لاني بحب اشوف واتابع شغل العربية بعيني ده لما كنت بعملها هنا المره اللي فاتت الي الدوكو بتاعها طلع بايظ كنت بروح للعربيه مره الصبح وانا رايح الشغل و برجع من الشغل عليها واكمل معاهم لحد ما يقفلوا شغل واروح مع الصنايعيه |
| الساعة الآن 03:03 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017