مصر موتورز مجتمع السيارات - ارشيف احداث عام 2009

شكرا علي الخبر
انا لسه عارفه امبارح لما كنت في المرور بزور ضابط زميلي هناك
و علي فكره القرار دا يطبق علي السيارت
اعتبارا من 11 يونيو
يعني العربيات اللي دفعت الجمارك قبل كده لا يطبق عليها القانون.

بس فيه لعبه برضه في الموضوع دا لان دا مناقض للقانون اساسا
هو ان المعاق يفك حظر السياره عادي
و يروح الشهر العقاري يبيع العربيه للي عاوز يبعهاله
و الشهر العقاري مش حيمانع انه يسجل عربيه خالصه الجمارك مش من سلطته يعمل كده.
و المشتري يمشي بالرخصه تلات سنين و بالعقد المسجل
مافيش ضابط مرور يقدر يوقفه حتي لو الجهاز متركب في العربيه!!!!:HAPPY_~211:
لاء و ايه
دا ممكن المشتري بيرفع دعوي ضد المرور في المحكمه و يختصم فيها قائد المرور
و بالمنظر دا القاضي يحكم بتسجيل العربيه في المرور كمانptmnlo123per154
مافيش حاجه مالهاش حل;)

فاطومه المصريه

27-07-2009 07:24 PM

رد: حظر نقل ملكية سيارات "المعاقين" قبل ثلاث سنوات على استيرادها

اقتباس:

المشاركة الأصلية كتبت بواسطة hazem_khidr (المشاركة 62645)

ما شاء الله
انا هبلغ عنك المرور والداخليه بعد كدة ptmnlo123per122
بتجيب افكار لتضليل المرور ptmnlo123per111

hazem_khidr

27-07-2009 07:37 PM

رد: حظر نقل ملكية سيارات "المعاقين" قبل ثلاث سنوات على استيرادها

اقتباس:

المشاركة الأصلية كتبت بواسطة فاطومه المصريه (المشاركة 62648)

ما شاء الله
انا هبلغ عنك المرور والداخليه بعد كدة ptmnlo123per122
بتجيب افكار لتضليل المرور ptmnlo123per111

هههههههههههه
تضليل ايه بس
انا بحل المشكله للشعب الغلبان اللي بيروح يشتري بي ام و باسات و اوكتافيا معاقين
و بيدفع فيها 80 الف جنيه!!!!!!!!!ptmnlo123per 122
ما شاء الله الناس تقول ما فيش فلوس و نازلين جري علي بورسعيد
يشتروا عربيات و يجيبوا معاقين من اول 3000 لحد 10000 حاليا
و عربيات المنطقه الحره تمنها زاد من اقبال الناس عليها
و ظهر سماسره للمعاقين اهو اي (سبوبه) يجيبه منها لقمه عيش علي رأيهم!!!
فبالتالي لازم تلاقي لكل قانون ثغره او نقطه تتغلبي عليه بيها
لانه مش معمول بدرايه كافيه.
احنا معانا عربيه نوبيرا 1 جايه معاقين برضه
و مركونه بقالها سنه في الجراج لحد ما نطلع محو اميه للمعاق و نطلع له رخصه
و لما سمعت القرار دا امبارح ما اتهزتش و فكرت في الحل و طلع حل مثالي جدا
اصل الواحد من كتر العربيات اللي جابها و باعها بقي عارف كل قوانين المرور
و قليل لو حاجه فاتت عليه;)

tag_turbo0

27-07-2009 09:13 PM

رد: الحكومة تبدأ الإجراءات التنفيذية لإحلال السيارات "الملاكي" القديمة

كويس والله
طيب امتى هينزلوا قانون احلال المواطن المصري القديم؟
ptmnlo123per111
مفيش بلد فى الدنيا بتعمل كده فى الملاكي
المفروض انهم يششدوا على سلامة العربيات فى الترخيص مهما كانت العربية قديمة ولا جديده

gadix

27-07-2009 10:04 PM

رد: الحكومة تبدأ الإجراءات التنفيذية لإحلال السيارات "الملاكي" القديمة

اقتباس:

المشاركة الأصلية كتبت بواسطة tag_turbo0 (المشاركة 62676)

جامدة اوي فكرة احلال المواطن القديم دي بس ابوس ايدك اوعي تقولها لا تطلع في دماغ مسئول و ينفذها و طبعا هيجيبوا هنود بدالنا و اهو هناك مليار هندي متلقحين و بيشتغلوا زي الفل انت بس تاكلهم و تشربهم و هما يصقفوا و يقولوا بابا و ماما كمان

mahmoudnada80

27-07-2009 10:14 PM

رد: الحكومة تبدأ الإجراءات التنفيذية لإحلال السيارات "الملاكي" القديمة

ازاي الكلام ده مستحيل ptmnlo123per111
اولا دي ملكيه خاصه
وبعدين في عربيات ماينفعش تتعدم زي الجاجوار و المرسيدس وانا اعرف ناس مستحيل تفرط في عربيات زي دي ولا بمليون جنيه
المفروض يبقي القانون ان العربيه لما تروح ترخص يتم فحصها جيدا وبعدين يقولوا اعدام ولا براءه