مصر موتورز مجتمع السيارات - مخطط تصفيه الثوره ,,

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - مخطط تصفيه الثوره ,, (https://www.masrmotors.com/vb/showthread.php?t=76878)

رد: مخطط تصفيه الثوره ,,

دوجما «حكم العسكر»

حازم عبد العظيم
الأربعاء، 2 أبريل 2014 - 18:13

الدوجما، هو لفظ مرادف للقوالب الفكرية الجامدة، وأفضل تعريف لكلمة «دوجما» هو ما قاله الفيلسوف كانط: الدوجما هى الاعتقاد الزائف فى قدرة الإنسان على امتلاك الحقيقة المطلقة.
الشخص الدوجماتى هو الذى يعتنق فكرًا أو مذهبًا أو أيديولوجيا معينة لدرجة القداسة والعبادة، ولا يقبل المراجعة والتشكيك. والدوجما أنواع، ليست فقط الدينية، لكن أخطرها على الإطلاق هو الدينى، لأن الحقيقة المطلقة فى هذه الحالة حقيقة إلهية. وقد عاصرنا بأنفسنا فى الفترة السابقة نموذجًا واضحًا وصارخًا للدوجما التى تتستر وراء الدين، وهى الدوجما الإخوانية، وكيف تدنوا من مرتبة الإنسانية إلى كائنات تشبه البشر شكلا، لكن تسير كالقطيع إلى درجة الانتحار الجماعى، لكى تبقى وتعيش الدوجما الإخوانية. والدوجما ضد الإبداع والابتكار، ولذلك لم يكن مستغربًا هذا الغباء المنقطع النظير حين كانت لديهم كل مفاتيح السلطة، وكان يمكنهم بقليل من الذكاء الضحك على الشعب وتنفيذ مخططهم القذر قبل أن يصل الشعب إلى ثورته فى غضون عام واحد، فى أكبر تظاهرة فى تاريخ البشرية. ورغم غبائهم الشديد، فإن لهم نقطة تميز واضحة فيما يتعلق بحرب الشائعات والتدليس والكذب لخدمة أهدافهم. عندما قامت ثورة 25 يناير كان هناك مخطط قبلها بسنوات للركوب على الثورة، وسرقتها بمساعدة دول وأجهزة مخابرات. وانفضحت المؤامرة بكل عناصرها على المكشوف، واستغلوا أهداف الثورة المستحقة لتغيير بوصلتها نحو الخلافة الأممية الوهمية والتنظيم الدولى بدلا من مصلحة الشعب الذى ثار ضد الاستبداد.
كانوا يعلمون جيدًا منذ اليوم الأول من الثورة أن العائق الأساسى ضد تنفيذ المخطط هو الجيش المصرى، فبعد أن تم اختراق الشعب بالزيت والسكر تارة، والخديعة الكبرى بما يسمى المشروع الإسلامى، واللعب على وتر الدين تارة أخرى، أيقنوا أن الشعب تم تحييده، ومع انهيار الشرطة لم يبق أمامهم سوى الجيش المصرى، وهو الذى سحقهم أيام جمال عبدالناصر، فالتاريخ شاهد، فبدأوا فى صياغة وتدشين «دوجما» تخدم غرضهم، وكان لفظ «حكم العسكر» الذى انزلقت وانزلقنا فيه فى 2011، ولا أبرئ أيضًا التعامل السياسى الخاطئ للمجلس العسكرى حينذاك، بدءا من التعديلات الدستورية التى تخدم مخططهم، وبدأوا فى حملة ممنهجة لغسل الوعى وعقل الشعب المصرى الذى كان فى حالة ثورية بأن الحكم العسكرى هو سبب كل المصائب على مصر، رغم أن أهداف الثورة عيش - حرية - عدالة اجتماعية لم تتضمن رئيسًا مدنيًا كهدف فى حد ذاته. ثم بدأ يتسلل مطلب رئيس مدنى منتخب كأحد أهداف الثورة، رغم أنه من الطبيعى وضع المفاضلة بين رئيس مدنى ورئيس عسكرى فى إطار وسيلة للحكم الرشيد أيا كان، وليست غاية فى حد ذاتها، لكنهم نجحوا فى زراعتها فى الوعى الشعبى كغاية وهدف فى حد ذاتها، لتحييد المؤسسة العسكرية أو أى شخص ينتمى إليها، لعلمهم أن من ينتمى لهذه المؤسسة عقيدته وطنية خالصة، وصعب اختراقها، وإلا كانوا اخترقوا الجيش المصرى!
طبيعة الحاكم أو الرئيس لا يصح أن تكون هدفًا فى حد ذاتها «خلفية عسكرية أو هندسية أو طبية أو فنية»، لكنهم نجحوا فى أن يجعلوها كذلك، بالإضافة إلى الخلط المتعمد بين رئيس ذى خلفية عسكرية والحكم العسكرى! فرق كبير بين الاثنين، الحكم العسكرى يعنى أن يتحكم الجيش فى كل مفاصل الدولة من قضاء ونيابة وحكومة ونقابات ومنظمات، أعظم الزعماء فى التاريخ كانت لهم خلفية عسكرية: محمد على - جورج واشنطن - أيزنهاور - ديجول - تشرشل - جون كينيدى و33 من 44 رئيسًا أمريكيًا لهم خلفية عسكرية. نجح الإخوان فى زرع هذه الدوجما فى 2011، ثم انطفأت بعد حكمهم الفاشى، ولكن مازال نشطاء آشتون ومشروع الربيع العربى الحقوقيون واليسارجية يدسون السم فى العسل، واللعب فى عقول الشباب بدوجما «حكم العسكر».

https://fbcdn-sphotos-h-a.akamaihd.n...50026412_n.jpg

رد: مخطط تصفيه الثوره ,,

اقتلوهم.. وارحمونا!!

أحمد عفيفي

مش ممكن اللي بيحصل ده.. لازم تكون له نهاية.. وعمرها ماحيكون لها نهاية بالطبطبة وبقنابل الغاز وخراطيم الميه.. وبحكومة لاهى قادرة تمنع الإرهاب ولا هى قادرة تقر إنه إراهاب.. اللي حصل النهارده عند جامعة القاهرة شىء رهيب.. مش قادر أتابع التليفزيون ولا الفيديوهات.. ازاى نافورة دم نازلة من راس بني ادم .. ازاى الاقي لواء شرطة واقع على الأرض .. ومتبهدل اخر بهدلة .. ازاى قنبلتين في محيط الجامعة والتالتة بعدها بساعة .. ازاى تبقى دي مصر .. ازاى وانا بتفرج على الانفجارات ، لازم اتحقق كويس ان كان ده في العراق او سوريا او لبنان .. اقوم الاقي " قبة " الجامعة اللي كنت فيها وانا طالب ، عشان اتأكد مليون في المائة انها جامعة القاهرة وان اللي بيحصل ده عندنا في مصر .. لابد من وقفة .. وليذهب العالم الغربي وامريكا " بنت الجزمة " الى الجحيم!

ووسط الهم والقرف ده .. الاقي خبر " معفن " : محاكمة المرشد ومرسي ومش عارف مين في قضية قطع طريق قليوب .. قضية تافهة بقالهم يجي 7 شهور بيحققوا فيها .. أمال حياخدوا كام سنة تحقيق في قضية الاتحادية ، وكام سنة تحقيق في قضية التخابر .. قليوب ايه وزفت ايه .. هى المسألة بالعدد ولا بالحسم .. يافرحتي بمليون قضية ضد مرسي .. وهو قاعد ياكل ويشرب زي الحلوف في السجن وبيهدد بشكل علني ويقول لنا : لسه التقيل جي .. منين جاب الجبروت ده والعين القوية دي .. ؟ لانه شايف ميوعة وايد مرتعشة ومعاملة بالشوكة والسكينة .. وحاسس ان ضهره مسنود من بره .. واننا عاملين حساب بره وخايفين من بره .. ليقولوا علينا احنا اللي ارهابيين .. وبنقتل الإخوان لأنهم ياحبة عيني " اقلية ".

ووسط ده كله وانا قاعد اغلي ومحروق .. يطلع لك واحد يسألني : مين قالك ان اللي عملوا كده النهارده عند الجامعة .. إخوان؟ .. تبقى مش عارف ترد عليه تقوله ايه .. اما انك تضربه بوكسين في وشه واما تعمل نفسك مسمعتوش .. لسه فيه ناس متخيلة ان اللي بيعمل كده الشرطة .. والمخابرات .. عشان تلزقها في الإخوان .. فتخلّي الناس يكرهوهم .. ياسلام .. احنا لسه حنكّرهم .. وهما الاخوان محتاجين .. ده كفاية كنت تسمع واحد منهم بيتكلم عشان تقوم " تتف " عليه .. وبعدين فين عقلك لما تتخيّل ان الشرطة بتقتل ضباطها عشان تحاكم الإخوان .. طيب ماهما بيتنّيلوا يتحاكموا ورؤسهم الكبيرة في السجن .. طيب عايز تقول مثلا ان الشرطة عايزة مبرر قوي عشان تضرب في المليان فتقوم تقتل ناس منها عشان رد فعالها يبقى طبيعي ومشروع ..؟ امال احنا بقالنا قرب السنة مش عارفين نضربهم ليه وسايبين اللي يحرق يحرق واللي يقتل يقتل .. ليه ماخلصناش عليهم بدري بدري .. ان كنا بندوّر على مبرر عشان نضربهم .. ياريت ياخويا .. كنا خلصنا من زمان.

انا مش قادر اركز في الكتابة من بشاعة الصور اللي بشوفها .. عشان كده مش حاطوّل .. هما كلمتين مفيش غيرهم .. لابد من حدث جلل وقرار محكمة يهز العالم .. اعدام فلان وفلان وفلان .. مش افترا ولا محكمة ثورية ولا زفت .. مش ممكن تبقى عندي قضية تخابر مكتملة الأركان .. واضيّع وقتي وجهدي ومالي في قضية هايفة زي قطع طريق قليوب .. ملعون ابوها قضية يا اخي .. بناقص القضية دي .. هات الكبيرة واصدر حكمك .. وبلاش خوف وقلق من ردود الفعل .. مش ممكن تكون اكتر ولا اكبر م اللي بيحصل دلوقتي .. حنفضل خايفين .. حتزيد التفجيرات يوم بعد يوم .. وادي دقني اهه .. لو اتعملت انتخابات رئاسية .. وكل شارع فيكي يامصر كل ساعة .. فيه حريقة وقتيل!!!

https://fbcdn-sphotos-h-a.akamaihd.n...50026412_n.jpg

رد: مخطط تصفيه الثوره ,,