مصر موتورز مجتمع السيارات - متوسط اسعار المستعمل هذا الاسبوع

دكتور تامر
اخيرا وبعد طول لف ودوران ومقابلة ناس عاملة اعلانات للاسف اتضح ان معزمهم كدابين بيقولوا مواصفات غير موجودة واهما ان العربية فبريكة وفي الاخر تطلع رشة دواخل
ماعلينا مش هطول عليك النهاردة شفت عربية لانسر جامبو موديل 97 كاملة اتومتيك فتحة سقف مرايات كهرباء 4 زجاج كهرباء جنوط اصلية سبور خليجى دواخل فابريقة وفعلا كشفت عليها في بنزينة بس كنت فاكر انهم بيكشفوا بكمبيوتر او حاجة قريبة طلع بيدخلها مكان العفشة او تغيير الزيت وبيجي الصنايعي يبص على العربية
المهم جه الصنايعي فعلا بص على العربية من تحت على الشاسية وعلى الابواب والشنطة والموتور ووجد بالعربية الاتي:
1- العربية فبريكة دواخل مفيهاش اى حاجة خالص وقال ان حالة الدواخل ممتازة وانها مخبوطة من تحت خبطات بسيطة شفتها مش في الشاسيه وقال ان كل اللانسر كدة عشان واطي
2- رشة الباب الامامي يمين والرفرف بتاعه والكابوت وصاحب العربية قال ان كلها رشة من برة نضافة
3- كسر بسيط بالفانوس الخلفي شمال ومحتاجة اكرة ورا باب ورا يمين والعلبة اللى بتركب فيها مراية الباب الشمال مكسورة لكن المراية نفسها سليمة وصاحبها قال انها ب100 جنيه
4- خرم بجزء من الشكمان من ادام والصنايعي قال انه بيتلحم او الجزء ده بس يتغير
5- حالة الموتور الصنايعي بالكشف كدة قال كويس ويعمله 70% على اى اساس معرفش
6- فتحة السقف كانت مفتوحة بس مجربتش تتقفل والتكييف مجربتهوش ولا سقتها لانى لسة مبعرفش اسوق اتوماتيك لكن اللى مع صاحبها هو اللى قال اننا مجربناش الباور ولا الفتيس
7- العربية بتوكيل من صاحبها من شهر وواضح ان الى معاه التوكيل تاجر لانه معملش حاجة من الحاجات الخفيفة اللى في العربية والتوكيل حديث والرخصة هاتنتهي في شهر 10 لكنه بينفي وده ميهمنيش اللى يهمني حالة العربية نفسها
بعد كلام وحكايات وكنت واخد اخويا ظابط مرور باللبس الرسمي وواحد صاحبه وافق على 47 بالعافية
ايه رايك ؟
هل تساوي المبلغ ده ولا لا؟
ولما اجيبها لو كان فيه نصيب ايه المفروض اغيره او اعمله بسرعة ؟
اعمل ايه عشان اضمن ان الملكية اتنقلت بشكل سليم من غير حوارات النصب اللى بتحصل خصوصا انى والله هستلف عشان اكمل تمنها خصوصا ان فيه ناس خوفتني وقالوا لي ان ممكن يكون التوكيل مضروب وتعدي في الشهر العقاري العادي ولازم اسجل في الشهر العقاري اللى في المرور ومش عارف لسة هيوافق ولا لا ؟
ارجو سرعة الرد يا دكتور لان ميعادى مع صاحب العربية بكرة