|
|
رد: ******مبروك لمصر******
يااااارب الفوز لمصر
انصر المنتخب يارب |
رد: ******مبروك لمصر******
اقتباس:
ثانيآ : أنا لم أنعت الجزائريين بالكفر ! و لا حتى مشجعين فريق الجزائر ! أنا قلت بالنص : بس علشان تجبر خاطر المناصرين " لمحمد " ول" لا اله الا الله " مش المناصرين للجزائر و فريق الجزارين ! برده أنا ما قلتش علشان تجبر خاطر الشعب المصرى بكل فئاته ! ولكن حددت فئه معينه وبأتمنى ان مشجعى الجزائر ( وبالمناسبه اسمهم هناك مناصرين وليس مشجعين ) أن ينكسر خاطرهم كما انكسر خاطرنا بالارهاب و قلة الآدب ! اذن هو مجرد كناس باللغه العربيه ! و لما بأستشهد بالقرآن فده مش عيب والآيه اللى أنا ذكرتها تمشى على شخصى الضعيف و عليك وعلى العالم كله و مش حرام الاستشهاد بها ! يعنى ربنا ينصر الآفضل خلقآ وأظن الآفضل دينآ هو الآفضل خلقآ ! والمسلم هو من سلم المسلمون من لسانه ويده ! حضرتك كنت فى فرنسا وشفت الجزائريين وأنا كمان عملت معهم ! طبعآ فيهم ناس حافظه القرآن ! لكن ما رأيك فى الغالبيه العظمى ؟ خاصة اللى عايشين فى فرنسا ؟ ياريت تصدقنى القول ! ثالثآ : لما أشوف فريق بلدى بيسجد وبيشكر الله لدرجة ان اسمه أصبح " فريق الساجدين" أحق بأنى أشجعه وأدعو الله له بالنصر ! وأسميه مناصرين لا اله الا الله ! ولا أبقى مبسوط و معجب بالفريق اللى بيضرب و بيشتم وبيصرح تصريحات خزعبليه وقلة أدب لا توصف و اسمهم عنهم كما قلنا ( مناصرين الجزائر أو مناصرين الفريق الجزائرى )! أو أبقى مبسوط بالجماهير اللى ماسكه سكاكين وسواطير ونسائهم بتعمل اشارات قذره ؟ رابعآ : يا سيدى الفاضل أنا رجل بسيط و مش لابس عمه و قفطان وان كان التعبير خاننى أو انت فهمتنى غلط ! فالمسامح كريم يا باشا ! بس برده أنا لا أكفر أحدآ ! د/ عبدالسلام موافى |
رد: ******مبروك لمصر******
أشكرك جدا يا د. عبد السلام على سرعة ردك وتجاوبك ... وهو رد لو دل فإنما يدل على شخص يحترم نفسه قبل احترام الآخرين...ثانيا حاشا لله أن احكم عليك أو على أي شخص أو انصب نفسي قيماً على أداء الناس... فأنت أخ أكبر ونحسبك على خير إن شاء الله.
أنا مقصدي أن نتوقف عن الانجراف في تيار الانتقام والكراهية ووصف الموضوع على أنه رد اعتبار واسترجاع كرامة وغيرها من الأوصاف التي تعطي الأمور أكبر من حجمها ولا تضعها في نصابها الصحح... وفي الأخير هو "ماتش كورة لا راح ولا جه"... وهذا خطر جداً وأنت طبعا لا يخفى عليك... فمجرد اشتعال الفتنة جعلت المصريين المقيمين بالجزائر والذين لا دخل لهم بالكرة في وضع خطير والعكس صحيح وهذا أمر رأيناه بأعيننا ولا مجال لإنكاره ولا يقبله عاقل ولا يرضي الله!!! ياريت ندعو لمنتخبنا بالفوز إن شاء الله على منافسه الجزائري ... والدعاء سلح قوي ناجع نافذ..وأن نتوقف عن ازكاء النار بالكلام والفعل فهذا حرام ولا يرضي الله ويعتبر من البغي (وطبعا حضرتك غير مقصود بهذا الكلام أنا باتكلم عموما للناس كلها) ... وهناك المئات من الطرق لرد اعتبارنا... أولها وأهمها أن نكون فعلا أقوياء جديرون بالفوز... واللهم وفقنا واكتب لنا الفوز والنصر في الدنيا والآخرة وارفع رأس أمتنا بين الأمم. وسامحني يا دكتور فما قصدت الإساءة ولا التجريح ... واللهم سامحنا والمسلمين واغفر زلاتنا. والسلام <input id="gwProxy" type="hidden"><!--Session data--><input onclick="jsCall();" id="jsProxy" type="hidden"> |
رد: ******مبروك لمصر******
مع احترامى للجميع
احنا حاسين باحساس الثأر و الكرامة اللى لازم ترجع علشان اللى حصل , طب ما احنا كنا فى ااااااخر مجموعة التصفيات و جينا زى الصاروخ و هددنا الجزائر علشان كده هما حسوا بالخطر وعملوا اللى عملوه ده من اثارة فتنة وضغط على حكام ( حد شاف اللى كان بيعيط فى مقر جريدة الشروق هناك ) حسسنى انهم كانوا فى اسرائيل احنا فى الاول و الاخر مش عايزين غير انا احنا نثبت نفسنا ليهم من غير اللى بيعملوه ساعتها والله هتتفرجوا عليهم دول بالظيط عاملين زى الطالب البليد اللى حل مسألة صعبة بالحظ مش اكتر |
رد: ******مبروك لمصر******
طيب لو اتهزمنا ... وكرة القدم مالهاش كبير واحنا شفنا عملوا ايه في الكوت دي فوار... يبقى ازي الحاااااااااااال... وحنعمل ايه بعديها ؟؟؟؟
متهيألي أنا سامع الأفكار في دماغ بعض الناس.. منها واحد بيقول في سره نعمل زي اليابان بعد لحرب العالمية التانية وننتحر انتحار جماعي!!!!!! يا رب نفوز إن شاء الله ونخلص من الفتنة الغبية دي. |
| الساعة الآن 07:33 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017