رد: كل ما يخص الشهر العقارى
 

طيب اخ محمد ربنا يكرمك يارب .......انا كنت عاوز اسأل ...لنا هشتري سياره قديمه موديل 2006 وبروتون ...كده هدفع كام في عقد بيع مسجل ...اصل انا تخضيت وقريت ما يقرب من 6000 جنيه ...بارك الله فيك انتظر الاجابه

رد: كل ما يخص الشهر العقارى
 

تحياتى يا اخ سيد
انا اشتتريت موتور عربيه 128 من واحد الموتور كان راكب على عربته ايه الاجراءات المطلوبه لنقل ملكية الموتور علشان اركبه على عربتى و اثبته فى الرخصة بتاعت عربتى و شكرا مقدما

رد: كل ما يخص الشهر العقارى
 

معلش يا اخ محمد انا لقيت بعض المشاركات فيها اسم السيد ولقيت مشاركه انت مصحح فيها الاسم معلش انا اسف

رد: كل ما يخص الشهر العقارى
 

موضوع ممتاز...ارجو المساعه وجزاك الله خير
المشكله باختصار:
عربيتي هوندا سيتي 2008 4سلندر عملت حادثه واصبحت سياره حوادث رخصتها تنتهي بعد 25 يوم
كنت عملت توكيل لعمي عشان يجيبها من موقع الحادثه للقاهره
ودلوقتي انا هبيعها لشخص اتفقنا عالمبلغ وعملنا عقد ابتدائي لكن السؤال هو ماهي الطريقه الامنه في الحاله دي....توكيل ام نقل ملكيه؟؟؟
لو توكيل:1.هل يستطيع المشتري تجديد الرخصه علي اسمي بالتوكيل وده اللي مقلقني؟؟وايه الصيغه اللي تمنع التجديد؟وهل حتي الصيغه ممكن تتفوت بالرشوه؟؟
2.هل اصلا ينفع اعمل توكيل للمره الثانيه بعد توكيل عمي؟؟
3.ولو منفعش هل ينفع الغيه من طرف واحد-توكيل بيع للنفس او للغير والتصرف امام المرور-؟؟

لو نقل ملكيه: ما هي اجراءات النقل الصحيحه كي اخلي مسئوليتي تماما وكم التكاليف؟؟

ارجو الرد وشكرا جزيلا

رد: كل ما يخص الشهر العقارى
 

اخى 6000 جنية دى لو اكثر من 4 سلندر
اما لو 4 سلندر وكمان انتاج مستورد تبقى الرسوم 1150 جنية

رد: كل ما يخص الشهر العقارى
 

شهادة بيانات من المرور خاصة بالموتور فقط موجهه للشهر العقارى
وتروح بيها الشهر العقارى تعمل عقد بيع موتور ورسومة 40 جنية
وبعد كده تروح تثبته فى العربية الثانية بالمرور

رد: كل ما يخص الشهر العقارى
 

ولا يهمك كلها اسماء