مصر موتورز مجتمع السيارات - بتحب انهى مدرسة فى صناعة السيارات

مصر موتورز مجتمع السيارات (https://www.masrmotors.com/vb/index.php)

- موضوعات متميزة (https://www.masrmotors.com/vb/forumdisplay.php?f=122)

- - بتحب انهى مدرسة فى صناعة السيارات (https://www.masrmotors.com/vb/showthread.php?t=4812)

رد: بتحب انهى مدرسة فى صناعة السيارات

اقتباس:

المشاركة الأصلية كتبت بواسطة mozella (المشاركة 307145)

احييك بشدة يا مجد على رايك اللى بينم على ذكاء وخبرة وثقافة

انا بحب جدا المدرسة اليابانية لاهتمامهم بالجودة وهم معروفين انهم طبعا رقم 1 فى الكواليتى والعملية والبساطة و الاقتصادية .. بس ليهم عيب واحد انا مش فاهم هم مش مهتميين بيه ليه .. وهو انهم مش بيهتموا بقوة البودى الخارجى او الصاج ودايما تلاقيه فى العربيات اليابانية ضعيف جدا زى صفيحة الجبنة البيضة .. زى كأنهم بيرحلوا القوة دى الى الشاسيه باعتباره اهم من ناحية سلامة الركاب ..
على العكس عند الاوربيين وخاصة الانجليز والالمان اللى بيهتمو بالبودى الخارجى و قوة الشاسيه
والعيب ده بيدايقنى جدا لانه لو قربت جنب البودى الخارجى باى حاجة زى واحد بيسند على العربية او بتحط شنطة كبيرة شويه فوق الكابود او الشنطة الخلفية تلاقى الصاج بيطبق و بيتعلم عليه .. انا مش فاهم هم مش مدركين العيب ده ليه .. مع ان فى تكنولوجيا جديدة فى معالجة الصاج الخارجى بالليزر بتزيد من صلابته بنفس سمك المعدن
بالاضافة ان صيانة السيارات اليابانية سهل جدا وتعرف توصل للاجزاء الاستهلاكية بسهولة وبدون عقد على العكس عند الاوربيين اللى عندهم عقدة متوارثة فبيطلعو العقد دى فى عربياتهم وعشان تصلح او تغير حاجة وخاصة فى الماتور او الكهربا لازم تشقلب العربية كلها عشان توصل للى انت عايزه ..
ولو انا عايش فى مصر هختار اليابانى طبعا وخصوصا الهوندا لانها انسب الموديلات فى مصر

اما لو خارج مصر فطبعا الانجليزى والالمانى هو انسب حاجة فى رايى بس الانجليزى معروف انه للفئة الهاى كلاس .. لا مش الهاى كلاس بس .. ده للاوفر هاى كلاس ومش بيهتمو بالفئات الاقل المتوسطة زى الالمان اللى عندهم تنوع فى الموديلات والاحتياجات وبالاخص فولكس فاجن اللى عندها جميع الاشكال والموديلات بكواليتى عالية جدا .. وانا بعشق الاودى بصفة خاصة عشان الفخامة اللى فيها واسعارها المعقولة .. انا شايف انها بنفس فئة البى ام والمرسيدس تماما وباسعار اقل وبتتفوق عليهم كمان فى حجات معينة واهمها نظام الدفع " كواترو " الخرافى الخاص بالاودى

وفى الاخر احب اقولكو انى " بكره " المدرسة الامريكية فى السيارات او بمعنى اصح انها لا تناسب فئات كتيرة فى العالم وهو ده سبب الازمة اللى بتعانيها السيارت الامريكية .. تلاقى معظم عربياتهم للمنظرة والفشخرة لانها ضخمة وعملاقة ومواتير جحلوفة واداء مش متناسب مع الضخامة دى .. بيحسسونى اننا هنطلع القمر بعربياتهم دى وكواليتى اقل من اليابانى والالمانى .. وانا شايف انهم بيحاولوا انهم يصلحو اتجاهم ده .. زى مثلا اتجاه فورد لتصنيع موديلات اوربية واستحواز GM على بعض الشركات الاوبية والاسيوية وكمان شيفورليه اللى اتجهت لكوريا ( وانا مش مستوعب حكاية الشيفورليه الكورى دى .. ازاى العلامة دى بتاعت الكابريس واللومينا واليوكون والعربيات الجامدة دى .. ودلوقتى بنشوفها على اللانوس والاوبترا .. ده ربنا ليه حجات يا جدع ) ..

وفى حاجة مش فاهمها .. الامريكان هم اول من اخترعوا العربيات وهنرى فورد هو اللى اخترعها وهو مؤسس فورد الامريكية .. طب ازاى يبقى الامريكان هم تلاميذ المدرسة الانجليزية على حسب ما بيقول صاحب الموضوع ؟ !! ... المفروض العكس
اى نعم ان المدرس خاب ونجح التلميذ .. بس برضو لا ننكر الفضل للمدرس اللى هو الامريكان .. صح ولا انا غلطان ؟ ..

واسف على الاطالة .. بس طبيعة الموضوع ده شائك ومحتاج لتوضيح الاراء

حياك الله يا اخي الكريم ومتشكر جدا علي زوقك وطبعا مشاركتك غنيه عن التعليق لانك اوضحت حجات كتير جدا عارف ان السبب في ارتفاع لوقود هم الامريكان لانهم اكبر مستهلك للبنزين و الديزل في العالم وده بسبب سيارتهم الضخمه عارف حتي سيارات النقل التقيل برده بتستهلك ديزل بشكل غريب وبالاخص الكينورث سياره ضخمه وبالغه القوه وعاوزه محطة ديزل وراها علشان كده الموديل ده من السيارات بينزل بخزانين ديزل سعة كل واحد 1000 ليتر يعني حوالي 5 براميل ديزل وده لعربيه واحد ما بالك بالسيارت التي تعمل بالبنزين وبالاخص زات الدفع الرباعيROSE4U

رد: بتحب انهى مدرسة فى صناعة السيارات

هو حسب انتا محتاج العربية في اية وطبيعة الاستخدام و كمان النحية الاقتصادية
يعني الالمان بيحبو السيارة تكون ثابتة ومتزنة بالاضافة للفخامة لانها دولة غنية و متقدمة
و الامريكان بحبو السيارات العالية و الدفع الرباعي بالاضافة لقوة الموتور علشان الجبال والصحراء
اما اليابنيون بيحبو السيارات الاقتصادية وذات تكنولوجية عالية ولكن بمحرك متوسط و الاتزان متوسط بردو مش زي الاماني
اما المدرسة الانجليزية في صناعة السيارات فهي بتعتمد في تصميها علي البساطة وصغر السيارة لتناسب مدينتهم المزدحمة
والكورية بردو سياراتها اقتصادية وتكلفتا متوسطة
اما بقية المدارس الشرقية فهي لسة بادية او مدارس نامية خسارة اني اتكلم عنها
سواء كانت روسيا او تركيا او هنديا او صينيا او ايرانيا

وبعدين مش كل الالماني حلو
ومش كل الاوربي حلو ومش كل الامريكي حلو ولكن هناك شركات معينة مبدعة
مثلآ الاودي و البورش و الفراري والجي ام سي و الجولف و التويوتا لاند كروزر دي الشركات الي انا بحبها
ولو معاية فلوس اكيد هقتني وحدة منهم

رد: بتحب انهى مدرسة فى صناعة السيارات

كلامك صح 100%
العربيات يعني اوروبي او امريكي والباقي تقليد
او عربيات بتئدي الغرض وخلاص

اقتباس:

المشاركة الأصلية كتبت بواسطة hazem_khidr (المشاركة 19756)

انا غاوي الاوربي
تصميم جامد و ثوري دائما بعكس الياباني و اتباعه
من اول ما تفتح الباب تحس انك واقف قدام عربيه بجد
شكل الكرسي و التابلوه و نوره
صوت الموتور حتي ليه طعم حتي لو ناعم لازم تحس فيه بالقوه
استحمال اكتر من اي عربيه تانيه
عفشه اقوي
موتور معمر
عربيه فيها هندسه فعلا في كل مسمار
و محدش يقولي ال 128 و الحاجات دي
ال 128 طلعت اول السبعينات لما اليابنيين مكنش ليهم حس و لا خبر و لا يعرفوا حاجه عن العربيات
و بعد ككده كل شركات العالم قلدت ال 128 في تصميمها الثوري

والغريبة ان 128 بعد موقف انتاجها في مصانعها الاصلية اي بلد المنشآ في ايطاليا.،
كانت من فترة قريبة لسة بتتصنع في مصر ووقف انتاجها في 2008
:w6w2005041113562663

رد: بتحب انهى مدرسة فى صناعة السيارات

انا افضل السيارات الالماني ( و ليس الاوربي ) و لكن يحجمه في مصر ارتفاع اسعار قطع الغيار
و طبعا الياباني برغم عدم الابهار في التصميم او كثرة عدد الزراير و الاوبشنات في التابلوه
اللا انها تظل الاعلى اعتمادية و و الاطول عمرا في الاستخدام زيها زي التلاجات و الغشالات و التكييفات و التليفيزيونات

رد: بتحب انهى مدرسة فى صناعة السيارات

:14369D~149:موضوع جميل يا أستاذ ابو نورا:14369D~149:

رد: بتحب انهى مدرسة فى صناعة السيارات

اعشق المدرسه الامانيه ولكنى غالبا ما اشترى يبانى للنعومته الفائقه .

رد: بتحب انهى مدرسة فى صناعة السيارات

اقتباس:

المشاركة الأصلية كتبت بواسطة AboNoRa (المشاركة 19616)

مفيش صناعة فى الدنيا ملهاش مدارس وطرق زى المثل الشعبى القديم كل شيخ وليه طريقة

وفى صناعة السيارات وخاصة خالياً اختلط الحابل بالنابل والاوربى بقى صينى والامريكانى بقى تايوانى والكورى بقى ايرانى وبقت حاجة تلخبط جدا لعموم الناس

لكن مازالت لكل شركة او بالاحرى لكل مجموعة شركات اعراف واصول صناعية ماشيين عليها ونادرا ما يحيدوا عنها

عايز اوضح فى البداية حاجة انا شايفها مهمة ومحور اساسى فى النقاش

لازم نراعى اننا بنتكلم عن صناعة وتكنولوجيا مش صناعة بس ومش تكنولوجيا بس وعلشان نتناقش بموضوعية لازم نفضل باصيين على الناحيتين لان مفيش شركة او مؤسسة تجارية ممكن تكسب وتنجح من غير الاهتمام بالابعاد الصناعية والاقتصادية والاهتمام فقط بالتكنولوجيا

مبدئيا المدارس المعروفة فى الصناعة

المدرسة الانجليزية - الالمانية
(الاكثر عراقة)

المدرسة الامريكية
وريثة المدرسة الانجليزية

المدرسة الاوربية الاخرى
(الفرنسية والايطالية )

المدرسة اليابانية
(تلاميذ المدرسة الامركية اقتصادياً )

المدرسة الكورية
(تلاميذ نجباء للمدرسة اليابانية )

المدارس الشرقية الصناعية الحديثة
(الهند - ماليزيا - ايران - تركيا )

عايز منكم تقييم وان شئتم حتى تعريف او اعادة ترتيب للمدارس ديه ورايكم فى كل واحدة فيهم سواء صناعياً او تقنيا

كمان عايزين نفكر لية رغم اننا جميعاً ندين بالولاء للمدارس الاوربية الا اننا انجرفنا بشده نحو سيارات المدراس الشرقية الحديثة بداية من الكورى حتى الصينى
وهل ده بدوافع اقتصادية فقط ولا فيه عوامل اخرى ؟!

ليه بعدنا عن السيارات الايطالية وبقينا نخاف منها

ايه توقعاتكم للصناعة (الاسلامية) ان جاز التعبير الماليزية والايرانية

ايه توقعاتكم للصناعة الصينية وياترى هترسى على انهى منهج (اليابانى ولا الاوربى) ولا هتاخد خط جديد ومنهج خاص بيها

الهند بعد الطفرة التاتاوية والاستثمارات الهيونداوية تفتكروا ممكن تكون لاعب رئيسى فى صناعةالسيارات مستقبلا ولا هما كده وصلوا لاقصى ما يمكن تحقيقة

الصناعة والفكر الهندسى الامريكى هل انتهى فعلا ولا لسه فيه فرص للنجاة

العربيات الاوربية بعد ما بقت بنسبة كبيرة بتتصنع فى الصين هتفضل فى عنينا عربيات الجوده والعمر الطويل ولا هتختلف

الصناعة اليابانية بقيادة محاورها الثلاثة (تويوتا - هوندا - متسوبيشى) اى فرصهم للحفاظ على النجاح المتحقق حالياً فى ظل انهيار السوق الامريكى (سوق هام جدا بالنسبالهم) ولا الانهيار ده ممكن يبقى الدفعة التانية لاعتلائهم عرش مصنعى السيارات بعد دفعة السبعينات

الصناعة الكورية متمثلة فى العملاق المزدوج (هيونداى - كيا) هل فعلا هيحصلوا اليابانين وهيكموا نجاحاتهم التجارية بنجاحات تقنية كمان ويحافظوا على تواجدهم الحالى الاقرب للصفوف الامامية ولا لاء

الروس وهما مش اقل من اى حد صناعياً بس مشكلتهم كانت فى الاشتراكية اللى دمرت صناعة السيارات عندهم
بس دلوقتى بقو سوق واعد جدا وسهل اوى يبقوا منافسين اقوياً كمان

واخيرا احنا بقى كمصريين ممكن نمشى صناعياً مع مين فى الفترة الجاية
زمان كنا مع الطليان بس مستفدناش مهم زى ما استفاد الاتراك
دلوقتى الغالب علينا التوجة لاعادة تجميع وتصنيع الموديلات الكورية القديمة والموديلات الصينية
طيب ده كده اخرنا ولا ممكن يبقى لنا دور اكبر

عايزين نتناقش بهدووووووووووووء وواحدة واحدة لا حد فينا اصلة صينى ولا حد فينا ابن عمة كورى ومش لازم نطلع منالموضوع ده بتطابق اراء كفاية نتناقش مع بعض بشكل حضارى ونستمتع حتى بالاختلاف والاراء المضادة

وربنا يستر ptmnlo123per1116

http://www.masrmotors.com/vb/../images/Best_logo_01.png

طبعاً المرسة الألمانيه لا يعلى عليها