مصر موتورز مجتمع السيارات - حلقات (جريمة كل يوم) ألغاز بوليسيه مسلسلة

الحلقة الرابعة عشرة
-----------------------
الكنز
*****
قام عطوة 00فلاح بسيط بابلاغ الشرطة عن سرقة
عقد من الاحجار الكريمة كان قد ورثه عن اجداده يجلب الحظ ويساوى آلاف الجنيهات!
قال المقدم فضة:
-بتشك فى مين؟
-سعادتك ماشفش العقد الا ثلاثة من صحابى
-مين هما؟
-سعدون والليثى وبطارخ
-تعرف انه لو كان اثرى حتتسجن
-يالهو بالى يا بيه00
يعتى ايه اثرى؟
انا وارثه سعادتك
-انت عرضته للبيع قبل كده
-ابدا سعادتك ده لو جاب مليون جنيه
-ليه متبعوش؟
-ده الحظ كله00
-يعنى ايه؟
-فال خير سعادتك جنابك
لو بعته اموت 00ابويا قالى كده00وجدى قال له كده
والنبى يابيه تجبيوه انا ف عرصك
-احنا ح نجيبه لكن ح نعرضه على الآثار الاول
-ياوقعه طين00العقد بتاعى يابيه00ولا افرط فيه ابدا00ابدا ولو على رقبتى
-روح انت دلوقتى وح نبعت لك

وباستدعاء المشتبه فيهم
قال سعدون:
-انا شفته 00آه00
لكن ده عقد معفن ومكلح ما يسواش تلاته ميلم
-تعرف ان تمنه مليون جنيه؟
-ولو ميت ألف00انا عمرى ما أسرق ابدا
-عطوة متهمك انت بالتحديد لانك الوحيد اللى شفته
-انا00اما راجل نطع صحيح00
دا احنا بينا عيش وملح 00قوم اخونه00
-وديت العقد لمين يسعره؟
-يابيه معرفش عنه حاجة

وبسؤال الليثى قال:
-والله ما اعرف عنه حاجه سعادتك
-عطوة بيتهمك بالتحديد
-منه لله00 ده عقد قديم وعامل زى خرز السبح مين يمد ايده عليه
-لكن ده تمنه مليون جنيه
-ولا مليون سحتوت 00ده عامل زى بتاع الواد بهلول المجذوب
-بعت العقد لمين00اعترف
-ومين اهبل يشتريه؟
اسرق عقد عشان ابيعة بكوز دره00اما هبل صحيح ياولاد00الواد عطوة اتجننن 00لاحول الله يارب
خاص بمصر موتورز00
جميع الحقوق محفوظه للمؤلف د0تامر محمد

وبسؤال بطارخ اجاب:
-عقد ايه سعادتك اللى اسرقه ده
-العقد القديم بتاع عطوة اللى سرقته
-هههه00 آه عقد المجذايب
-وديته فين ولا بعته لمين؟
-ابيع ايه سعادتك
-جاوب من غير لف ودوران
-اتهم نفسى باطل يعنى
ده حته عقد لا راح ولا جه
-لكن ده تمنه غالى
-يعنى مليون يا خى
-لا اتنين مليون جنيه
-معقول00 المعفن عطوة يمتلك اتنين مليون00سبحان الله
انا كنت فاكره فيه كام حجر كده بالف ولا الفين
-بعته لمين
-والله ما شفته سعادتك

فكر المقدم فى اقوال الثلاثة ثم ابتسم

الى اللقاء فى الحلقة القادمه