|
رد: حقك علينا يا ريس
اقتباس:
اتفق معك يااستاذ وليد مليون فى الميه ومش انا بس ده اغلب المصريين مؤيدين للريس فحقيقى خالص تحياتى ليك بجد كل كلمه قلتها تدل على المصرى الفاهم الواعى اللى عارف قيمه بلده ورئيسه . وعلى فكره هقول كلام كان نفسى اقوله امبارح بس مردتش قولت عشان اقدر اشوف تانى واحكم النهارده على اللى شوفته انا كنت فى ميدان التحرير امبارح عشان اعرف بس وجه نظرهم واتفرجت على وجبات الأكل اللى بتيجى وجوه كل وجبه من 30 الى 50 ج لكل شاب داخل التظاهر وبتتوزع بنظام ولأفراد معينه ومن اشخاص معينين وبنظرات غريبه فيما بينهم علما انهم لم يسمحوا لى بالدخول اليهم الى بعد ان شافو بطاقتى الشخصيه ورخصتى وكل حاجه عشان يتأكدوا انى مش ظابط ولا امن دوله وانى شاب مثلهم يرفض الرئيس ويرفض انه يستمع للحوار ودخلت فعلا وشوفت اللى بحكيه ده وهربت بالعافيه منهم من البوابات البشريه اللى عملنها لما قولت انى رايح اجيب اكل وميه وكام حاجه ليهم عشان الحاجه اللى جت مكفتش واتأكدت ان دول فعلا مش شباب مصر الأبطال اللى عملوا معجزه 25 يناير وفعلا ياجماعه اللى عايز يتأكد من كلامى يروح التحرير بس عن طريق الشوارع الجانبيه لأن اغلب الشوارع الرئيسيه والشوارع الفرعيه يمنعون الوصول الى المظاهره وانا حاولت اروح تانى النهارده عشان اصور من داخل المظاهره لكن للأسف لم استطع الوصول من اى طريق بعد عده محاولات ورجعت تانى . واخر كلمه عايز اقولها ياريت نصحى ونفوق لأن هنوصل لمرحله ممكن نندم عليها طول عمرنا وده مش كلامى انا بس ده كلام كل اللى راحوا وشافوا المهازل المرتبه فى ميدان التحرير واسألوا عمروواكد والسيد البدوى والأخوان اللى عايزين يسيطروا بكل الأشكال على انهم اصحاب المظاهره ويحاولون بشتى الطرق ارهاب الناس اللى بتحاول تخرج من المظاهره فلكى الله يامصر من اولادك اللى مش عارفين قيمتك وحسبى الله ونعم الوكيل |
رد: حقك علينا يا ريس
اقتباس:
هل جاء اليوم اللي الماكلي بتاع العراق يقول انا حابعت طائرات لاجلاء العراقيين من مصر لارجاعهم الى بلادهم تخيل العراق اللي كل ثانية فيها بتمر مش خالية من انفجار او قتل او سلب او نهب او انتقام بقى العراق بقى اامن من مصر لا حول ولا قوة الا بالله اما عن تجربة التحرير انا رحت مرتين مع اصدقائي مرة يوم الخميس بليل ومرة يوم الجمعه الخميس دخلت من طريق طلعت حرب قابلونا شباب اخدو منا بطايقنا وبعدين سلمونا لبوابة امن اخري ومعانا واحد مرافق وبعدين استلمنا واحد ثالث لبوابه ثالثة طبعا قعدنا نشتم في مبارك عشان يرضو يدخلونا على البوابة الثالثة مرضيوش يدخلونا جوة طبعا اكتشفنا حاجت مريعة ومريبة اللي بيقولك دول ناس ممعاهش حاجة بيكذب معاهم اسلحة ومعاهم كراتين فيها ازايز بنزين وناس عمالة تفرق اكل ستات ورجالة بصراحة وزعو علينا موز وتفاح لكل واحد وبرة كان فية زي مستشفي مصغر كدا بنات منقبة بتعالج المرضي وفية شباب لابس بلاطي بيضاء برضة بيعالجو المصابين بتوع الاربعاء الناس تحس وانت بتكلمها انها متبرمجة مش طبيعية حاجة تحسسك بالقلق ان فعلا دول مش بتوع 25 يناير دول ناس تانية المهم يوم الجمعه عرفنا لية مرضيوش يدخلونا بليل عشان مش عايزين حد غريب يبات معاهم هناك اللي موجودين بس هما اللي جوة كل اللي بييجى يتظاهر الصبح بيمشي اخر اليوم |
رد: حقك علينا يا ريس
استقال الرئيس حسني مبارك رسميا من رئاسة الحزب الوطني.
وكان قد أعلن رسميا عن إقصاء صفوت الشريف من منصب امين عام الحزب الوطني وجمال مبارك من منصب أمين السياساتوقالت مصادر حزبية ان د. حسام بدراوي سيخلف الشريف وجمال في منصبهيما. واوضحت المصادر ان كل من الشريف وجمال تقدما باستقالتهما ضمن موجة استقالات جماعية طُلبت من قيادات الحزب الحاكم شملت كامل هيئة مكتبه. ووصفت المصادر حسام بدراوى بانه من أبرز رموز التيار الاصلاحى فى الحزب، واكثرها قبولاً لدى الرأي العام. مشددة على ان اختياره يحقق الفصل بين الحزب والدولة. منقول (الوفد اون لاين) |
رد: حقك علينا يا ريس
يا جماعه بجد انا بحب كل الاعضاء اللى مؤيده للموضوع دا على المستوى الشخصى بس بجد كل ما بشوف حد بيقوله شكرا على اللى بيعمله فينا انا بجد بيركبنى 100 عفريت سامحونى دا راىى الخاص واسف اذا كنت ضايقت حد بكلامه |
رد: حقك علينا يا ريس
اقتباس:
me too:w6w200504112246446a:w6w2 00504112246446a |
| الساعة الآن 06:46 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017