رد: قواعد اختيار زيت الموتور.. إزاي تعرف الزيت المناسب؟؟؟
اقتباس:
وعايز أشكرك أكتر لأني استفدت من سؤالك جدا... :) وبصراحة ... الأسئلة هي اللي بتخلي الواحد يدور ويعرف أكتر طيب ندخل في الموضوع :) موضوع التحويل من زيت معدني إلى تخليقي طالع عليه كلام كتير أنه مش كويس وبالذات لو الموتور كان قديم طيب ليه كده؟؟؟؟ عشان نجاوب لازم ندخل في شوية تفاصيل علمية :( بالنسبة للزيوت المعدنية.... فهي مافيهاش مشاكل بشكل عام لما نحط عليها إضافات لتحسين الخواص بتاعتها. إنما الزيوت التخليقية الزيت الأساسي فيها بيتسمى (بولي ألفا أولفين polyalphaolefin) أو POA، وطبيعة الزيت ده إن الإضافات مش بتدوب فيه ! ! ! وعلشان الإضافات تدوب .. فيه مادة تانية وسيطة (مذيب) بتتزود ... الإضافات تدوب فيها وهي كمان تدوب في زيت الـPOA. المادة دي بتبقى معمولة من أحد مركبات الـ(إستر ester). طيب إيه المشكلة؟؟؟ المشكلة الأساسية إن الإسترات مواد مذيبة ... ولما الزيت يشتغل في الموتور تبدأ هي تدوب الرواسب والمواد الملتصقة من الزيوت المحروقة وخلافه، وتفضل موجودة جوه الزيت، وفيه احتمال كبير إنها تسد الفلتر المشكلة التانية اللي ممكن تحصل... الإسترات ممكن تأثر على الجوانات والأويلسيلات الموجودة في الموتور، وده معناه تسريب وفقد الزيت بس ده كان واضح بشكل كبير في الزيوت التخليقية القديمة (أول زيوت تخليقية ظهرت في السبعينات) حاليا.... الزيوت اتطورت، ومبقاش فيها التأثير المدمر ده.... إلا إذا كانت الجوانات والأويلسيلات أصلا تعبانة ومشرخة ... فالزيت هيظهر الشروخ والشقوق ويخليها تظهر بوضوح طيب إيه الاحتياطات اللي لازم نعملها علشان ما يحصلش معانا مشاكل؟؟؟ أولا: لو الموتور قديم يعني بقاله كام سنة شغال على الزيت المعدني بس... والخطوات دي هتتعمل قبل أول مرة هتحط فيها زيت تخليقي:
ثانيا: لو الموتور جديد يعني الموتور لسه ما كونش ترسبات كتير والجوانات والأويلسيلات لسه جديدة
طيب ... إفرض إني حبيت أرجع للزيت المعدني تاني... فيه مشاكل؟؟؟؟؟ أبدا.. بدل وغير زي ما انت عايز .... المهم يبقى موتورك أصلا حالته كويسه ... |
رد: قواعد اختيار زيت الموتور.. إزاي تعرف الزيت المناسب؟؟؟
آه صحيح
زيت الـ BP VISCO 5000 http://1.1.1.2/bmi/www.bplubricants....-40_4lt_1.jpeg درجة الـAPI بتاعته هي SL أعتقد تبقى مناسبة للفيرنا وما تنساش القاعدة الذهبية >>> "ارجع لكتالوج العربية" ... |
رد: قواعد اختيار زيت الموتور.. إزاي تعرف الزيت المناسب؟؟؟
يعنى لو بقالى سنة و 10 شهور شغال على المعدنى عامل 42000ك
اغير عادى من غير ما احط الفلاش ولا اجيبه احتياطيا ويا ترى اسيبه داير فى المكنة قد ايه وبعدين انزل الزيت وشكرا على الرد والاهتمام |
رد: قواعد اختيار زيت الموتور.. إزاي تعرف الزيت المناسب؟؟؟
اقتباس:
بس أنا شايف إن موتور عمره ما كملش سنتين وماشي مسافة تعتبر مش كبيرة مش محتاج فلش ... |
رد: قواعد اختيار زيت الموتور.. إزاي تعرف الزيت المناسب؟؟؟
|
الساعة الآن 10:07 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017