مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   ثورة الحرية 25 يناير (https://www.masrmotors.com/vb/forumdisplay.php?f=177)
-   -   مين نازل يوم 30|6 ؟؟؟؟؟ (https://www.masrmotors.com/vb/showthread.php?t=114907)

reda310 13-06-2013 05:54 AM

رد: مين نازل يوم 30|6 ؟؟؟؟؟
 
لا صح مفيش حبس للحريات خالص عندك حق فى دى انا اسف
صحيح حبس حريات ازاى واللى بيخطف الجنود ويقتلهم وهما عارفينهم مبيتمسكش والشباب اللى بيتظاهروا بس بيترموا فى السجون
اولا احنا مش بنعمل المواضيع عشان نتخانق ولا نعمل تكتلات ودا عاجبه الراى دا افضل طول المشاركة اديله شكرا وشجعه ودا لا ايه مش عاجبنى معبروش
المتمردين دول اللى مش عاجبين بعض الناس- العيال هما اللى بداوا الثورة فى الوقت اللى تانين كانوا بيعملو اتفاقات عشان مينزلوش وفى اخر خدوا الكراسى كلها والشباب فضلو بردوا فى الشارع وبردوا هيطلعو من غير ميكون ليهم منفعه ولا حب فى كرسى او منصب
انا لما هنزل محدش هيجى يدينى فلوس فى ايدى ولا حد هيقولى انت جدع نزلت يبقى هجبلك بنزين ومش هفطع عنك المياه والنور
بالعكس انا نازل وعارف انى ممكن اتبهدل واتهان واتصاب ويمكن اكتر ومش نازل عشانى بس انا نازل عشان اهلى واصحابى واخواتى وبعد عمر طويل عشان ولادى
عايز حياتنا فيها امان والضروريات اللى بنحتاجها اللى موجودة فى كل بلد ومحرمة علينا مش عايز اما اروح بره حد يقلى بلدنا احسن منكم مش عايز حد يقولى انا اخاف اجى عندكم -اقول للظالم لا فى وشه
هما لما شالو مبارك اولا كان رئيس شرعى ثانيا كان كله بيقول مستحيل يشال-وكام رئيس جه بطرق شرعيه وعمل بلاوى مع ان شرعيه مرسى مشكوك فيها بس شرعيته مش معناها انه هيبقى عادل ولا بيعمل عشانى وكلنا شايفين
فكر بقلبك وشوف اصلح ليك ولبلدك واهلك واولادك اطلع اقول لا للظلم وانا محتاج عيشة كريمة وعايز تغير ميهمنيش مين يقعد على الكرسى المهم ميظلمنيش ويعيشنى كويس ولا اوهم نفسى باسباب ملهاش لازمة ولا معنى واخاف على نفسى
وفى الاخر مش هنقدر نعيش فيها-فرصتك هيا دى غير كدا ارضى بالواقع حتى لو اسواء وقول يارب خيب املى فى مرسى وخليه يعمل حاجه صح عشان نعرف نعيش لاننا ملناش مكان تانى غيرها انما مرسى وغيره له

mizomizo 13-06-2013 06:27 AM

رد: مين نازل يوم 30|6 ؟؟؟؟؟
 
نوي انزل علي المجلس الرئاسي القادم عشان ماجبش القصاص مطهرش الدخلية كذاب منافق باع سينا دمر القناة عاوز يطهر القضاء مفيش حريات الكهرباء غليا و الزبالة في كل مكان و السولار مش موجو وبأخذ قروض من الامارات وعاوز يحول الجيش لخدمة الفكر اليساري و يحول مصر الي دولة يسارية ومحلش مشكلة البطالة وضيع النيل وباع حليب وشلتين و النوبة ومقفلش الانفاق مع اسرائيل

ولا عزاء للشعب المصري :01964E~163:

eljazeera77 13-06-2013 01:11 PM

رد: مين نازل يوم 30|6 ؟؟؟؟؟
 
كل واحد حر بس من فضلكم اعرفوا انكم مش لوحدكم واعرفوا انكم مش بس الى بتفهموا والاخرين اغبياء اعرفوا انكم مشاركين لغيركم فالبلد دى وانا بقولهالكم للمره التانيه بعد المليون الى مش عايز ينزل عايز يجنب البلد فتنه ممكن تأتى على الاخضر واليابس وان مرسى سواء اتفقنا او اختلفنا على ادائه جاء بالصندوق لا يجوز اقالته الا بنفس الوسيله التى اتى بها والا نتفق دلوقتى على قاعده
لو شلتوا الراجل الى احنا بنأيده هنشيل الراجل الى انتو بتأيدوه بنفس الاسلوب وافتكروا الكلام ده والله ان لو مرسى اتشال بغير الانتخابات الشرعيه او من خلال مجلس شعب منتخب او اليات ديموقراطيه لو جبتولنا مين والله هنشيله بس لانكم بتأيدوه وبنفس الاسلوب وان شالا تولع
الى عايز ينزل يتفضل والى مش عايز براحته
واذا كنتم معتقدين ان مرسى سبب الازمات فانا مش معتقد بل انا على يقين ان سبب الازمات هما الحفنه من الشعب الغير متربى الى بيتاجر فى كل شئ حتى الاعراض عايزين بنزين البنزين فالسوق السوده على قفا من يشيل وموجود والى ينكر ده يبقى كاذب هتقولى طب مرسى ميمنعش ليه الاجابه مهو لما يكون عارف ياخد قرار وتسيبوه ينفزه هيعمل كده
تقدروا تقلولى المولدات الى تمنها كان مبيوصلش 1000 جنيه ومترميه على الارصفه ليه بقت ب5000 و10000 برضو مرسى السبب ولا الجشع وحب النفس والامبالاه هى السبب برضو مرسى هو الى بيخلى الناس تمشى مخالف برضو مرسى هوه الى مخلى الناس متشتغلش وتزوغ من شغلها هو مرسى سبب سد النهضه يا جماعه كفايه بقا البلد دى مش ملككم لوحدكم ولا انتم الى بتفهموا مع كل احترامى يعنى لوحدكم
وكمان الكهرباء مرسى السبب فيها اقل محطه توليد طاقه كهربائيه عايزالها بشهاده الخبراء واسئلوا على الاقل 3 سنوات بناء يبقى مرسى ابن امبارح مفروض يضرب الارض يطلع كهرباء يا جماعه نص محطات البنزين بتاجر فيه وكتير بيسربوه على بره مع السولار مراكب السمك معتش بتطلع علشان تصطاد انما علشان تبيع السولار فى عرض البحر للسفن اللتر بيوصل اكتر من دولار يعنى الصفيحه ب20 دولار وطز فالبلد وفالصيد كمان المشكله مركبه واحنا جزء منها كفايه القاء الملامه على الاخر وجعله شماعه لعيوبنا ولمشاكلنا

eljazeera77 13-06-2013 01:15 PM

رد: مين نازل يوم 30|6 ؟؟؟؟؟
 
لا حول ولا قوه الا بالله الواحد بقا عصبى جدا للاسف وبيفقد اعصابه بسرعه ودى من اهم الاسباب الى هتخلينى اقعد فالبيت احسن

AbOnOrA 13-06-2013 01:19 PM

رد: مين نازل يوم 30|6 ؟؟؟؟؟
 
اقتباس:

انا على يقين ان سبب الازمات هما الشعب الغير متربى الى بيتاجر فى كل شئ حتى الاعراض
انت عارف انت بتقول ايه وفى حق مين ولا اعرفك !!


الساعة الآن 11:45 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017