|
|
رد: جدول عجيب وذكى لمباريات كأس العالم 2010
شكرا يااستاذ نبيل متميز دائما
|
يا اخونا يلا نشجع الجزائر
ptmnlo123per1147لازم وواجب علينا كااءخوه عرب ومسلمين ان نشجع الجزائر فى كاس العالم
ونترك ونودع الفتنه واصحاب الفتنه ولازم نظهر الحب والعطف للمنتخب الجزائرى الشقيق ونقول يا رب الجزائر تعمل مشوار حلو فى كاس العالم ptmnlo123per1147 وانا طرحت الموضوع ده علشان نشوف توقعاتكم ان شاء الله فى مباريات الجزائر ptmnlo123per1147 انا اتوقع فى ماتش اليوم مع سلوفينيا ان شاء الله ان الجزائر تكسب سلوفينيا 2 .1 واسيبكم بقى مع الماتش ويا رب الجزائر تكسب وتشرفنا على طول ptmnlo123per1147 :waving: |
رد: يا اخونا يلا نشجع الجزائر
انا اسف يا باشا انى اقولك انى مش متفق معاك فى اللى انت بتقوله دا كانت فين الاخوه والعروبه لما دمروا الشركات والمشاريع المصريه داخل الجزائر وعملوا ارهاب لكل المصريين اللى هناك لدرجه المصريين بقوا يجروا منهم زى الفران مستخبين جوه البيوت وبيتسللوا من الجزائر على مصر زى اللى جايين بطريقه غير قانونيهكانت فين الاخوه والعروبه لما الناس دى بهدلتنا وعورتنا فى السودان وكل اللى راح هناك رجع بغرز كانت فين الاخوه والعروبه لما الفيفا عمل على مصر غرامات بسبب اللى حصل مننا فى القاهره ( دا لو كان حصل فعلا ) استاذى انت لو كنتمن الناس اللى كانت فى السودان او الجزائر كنت قلت الاخوه والعروبه ؟؟ انا مش بسخن حد دا موضوع وخلاص انتهى .. بس احنا اتهانا قوى كلنا .. انا وانت وكل مصرى وماينفعش اننا بعد ما ناخد على قفانا ( وانا اسف على التعبير .. بس هو دا اللى حصل ) نشجعهم وبعدين خلينا صرحا بقى .. انا عن نفسى لما بتفرج على فرق اوربا مش عشان اشجع حد على حد .. بس بجد علشان اتفرج على كوره بجد مجرد راى |
رد: يا اخونا يلا نشجع الجزائر
انا زعلان والله اليوم اوى علشان الجزائر خسرت يا خساره
بس بقول والله اللى حصل فى مطار القاهره للمنتخب الجزائرى كان خطئ كبير من المسؤلين فى امن المطار لانه بصراحه كده وخلينا واقعيين شويه والله العظيم لو ده كان فريق اسرائيل او امريكا ما كان حصل معاه ده فى مطار القاهره يبقى العيب كان فينا احنا يا مصريين ثانيا لما المنتخب خسر من الجزائر فى الخرطوم طبعا لازم يكون فيه مبرر ويرموا العيب على جماهير الجزائر زى ما بيقول المثل المصرى عندنا فى مصر حجه البليد مسح التخته يعنى بالله عليكم لو مصر كسبت الجزائر فى ماتش الخرطوم والله ما كنا سمعنا عن حاجه اسمها ارهاب المشجعين الجزائريين اللى يحلوا لاصحاب الوقيعه والغل والحقد ان يروجوا لها ثانيا الهجوم الجزائرى على الجاليه المصريه فى الجزائر والمصالح المصريه هناك كان رد فعل طبيعى على الهجمه الشرسه اللى روج لها اصحاب الوقيعه من الحزب الوطنى المصرى الحاكم والاعلام المصرى الموالى تماما للحزب الحاكم على الاشقاء الجزائريين وترويج للحقد والكراهيه ضد الجزائريين لدرجه انه كان اعلامى كبير من الاعلام المصرى سب الجزائرين مباشرتا على الفضائيه المصريه وطعن فى شرف اخواتنا الجزائريين حيث قال بالحرف الواحد والله مباشرتا وسمعته ورايته بام عينى يقول اننا كمصريين لم نعرف الجزائريين الا بنسائهم وتناسى انهم مسلمون نماما مثلنا وحسبى الله ونعم الوكيل وقال هزا الكلام رضاءا لعيون اولاد الحاكم والحاكمين فى مصر واعلامى اخر كبير فى الفضائيه المصريه شبه الاخوه الجزائريين بانهم جرزان وفئران بدون اى اسباب حقيقه والله المستعان فى نفس الوقت حينما يقتل اليهود الصهاينه حراس حدود مصريين او يسقط الامريكان طائره مصريه هناك فى المحيط وبها نخبه كبيره من المسؤلين العسكرين المصرين نكتفى فقط بالشجب دون المساس بزعل وخوفا من فقط ازعاج اليهود والامريكان الفتنه نائمه لعن الله من ايقظها دعوه لكل المصريين والجزائرين حكاما ومحكومين رجاء العمل على نشر الحب والموده بين كل الشعوب العربيه والاسلامه ونبز الخلاف والفرقات حتى يساعدنا الله تعالى فى حل مشاكلنا وازماتنا والله المستعان خيرا لى ان اموت مظلوما من ان اموت ظالما :waving: |
رد: يا اخونا يلا نشجع الجزائر
يالا نشجع المنتخب العربى الوحيد الشقيق فى المونديال
منتخب الجزائر ووداعا للفتنه والتعصب الاعمى ونترك الحاقدين اللزين يريدون الوقيعه بين الشعبين المصرى والجزائرى يموتون بغيظهم ويالا نشجع المنتخب العربى الشقيق فى المونديال :waving: |
رد: يا اخونا يلا نشجع الجزائر
أطيب التمنيات القلبيه للمنتخب الجزائرى العربى الشقيق بالتشريف الرائع للعرب اجمعين فى كأس العالم 2010
واطيب الامنيات بحصول الدوله العربيه الشقيقه قطر على حق استضافه كأس العالم 2022 |
رد: يا اخونا يلا نشجع الجزائر
والله يا باشا انا مقدر تماما وجهه نظر حضرتك لكن فى النهايه اختلف معاك تماماً
اولاً انا مش هشجع فريق فاشل كروياً لمجرد انه الفريق العربى الوحيد ممكن اتعاطف معاه اه بس مش هشجعه لانه فريق سىء فنياً بكل المقاييس وبالتالى لوقولت انى هشجعة ابقى بضحك على نفسى ثانياً فريق الجزائر مفيهوش حد اخلاقه كويسه ولا ليه تاريخ مشرف فى اى حاجة وكل اللى بنشوفه منهم عصبيه وهمجيه واخطاء طفوليه فى الملعب وده اللى بيخليهم ياخدو انزارات وطرد يعنى حتى الالتزام باخلاق الرياضة منعدم ثالثاً بعد ما اتكلمنا فى الجوانب الفنيه للمنتخب ككل ولسلوكيات اللعيبة رياضياً نتكلم فى موضوع التعاطف لان زى ماقولت مستحيل اشجع فريق ولعيبة بالشكل ولا المهارات ولا الاخلاق ديه السؤال بقى ايه اللى يخلينى اتعاطف مع فريق عربى ومتعاطفش مع فريق افريقى مثلا وازاى اقدر اتعاطف مع فريق انا عارف انه طلع على حسابى بالبلطجة والتخويف وانى احق منه وافضل بميت مرة ده انا كل ما اتفرج على ماتش واشوف مستويات فرق زى الجزائر وسلوفانيا واليونان اقول فين دول وفين منتخب الساجدين ؟ فيه فرق شاسع بينا (كفرق) فى المهارات والاداء والخبرات والاخلاق الرياضية يخلينى كل ما اتفرج احزن اننا مش احنا اللى نلعب وافتكر انهم بيلعبو مكانا بغير استحقاق علشان كده بصراحة مطلقة عمرى ما اقدر اشجع الجزائر فى كاس العالم بالعكس كنت هزعل اوى لو كسبو انهارده لان مقتنع ان هو ده مستواهم الحقيقى والطبيعى من البداية وحتى الان والهزيمة والمركز الاخير هو مكانهم الطبيعى |
| الساعة الآن 07:29 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017