مصر موتورز مجتمع السيارات - متوسط اسعار المستعمل هذا الاسبوع

مصر موتورز مجتمع السيارات (https://www.masrmotors.com/vb/index.php)

- سيارات مستعملة للبيع (https://www.masrmotors.com/vb/forumdisplay.php?f=59)

- - متوسط اسعار المستعمل هذا الاسبوع (https://www.masrmotors.com/vb/showthread.php?t=6189)

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة Guitar Man (المشاركة 56261)

رينو كليو موديل 2008 مانويل ولونها اسود وحالتها جيدة

العربية دى قدامى وعجبانى جدا صراحة وشكلها جميل بس عايز أعرف هى تساوى كام تقريبا بالوصف اللى انا وصفته دا . وعلى فكرة انا معرفش ايه عيوبها او مميزاتها لان معلوماتى على قدى اوى فى العربيات عاما

وكمان عايز أعرف بالنسبة لقطع الغيار أسعارها ايه وهل قطع الغيار هتكون غالية اوى زى ما بسمع ؟

دى أول عربية ليا لانى حابب اشترى حاجة مستعملة بس تكون حاجة شكلها شيك ودى قدامى فقلت مفيش غير انى اسأل الأول علما بإنى فكرت فى الانسر موديل 2000 مثلا برده عربية شيك وحلوة بس لحد دلوقت مش عارف هل العربية دى هتكون احلى من انى اجيب لانسر موديل 2000 او 99 خاصة ان شكل الرينو شيك وظريف

بعتذر عن الأسئلة الكتيرة

وشكرااااااااا

السعر 60000 أقصى سعر
قطع غيار غالية وصيانة توكيل ككل الرينو
وعن نفسى اللانسر اضمن وارخص جدا فى قطع الغيار والصيانة

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة moha_taza (المشاركة 56265)

شكرا على ردك يا دكتور .. بس معلش إستفسار آخر
هى مواصفات المعرضه أمامي فابريقه من الداخل والخارج ماعدا الإكصدام الخلفي .. مرفوععه منذ 6 سنين .. كيلومتراج65000 فقط .. دي آخرها كام كده؟
سؤال آخر .. إنخفاض سعر هذه السيلره لأن سوقها نايم فقط؟؟

وجزاك الله كل خير

من الآخر بهذه المواصفات 52000
سوقها نايم لان الناس متحبش الفورد كعربية فى مصر وايضا لغلو قطع الغيار ومشاكل الصيانة والتوكيل وعدم تناسب هذا مع كونها متميزة كسيارة

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة د0تامر محمد (المشاركة 56275)

جزاك الله كل خير يا دكتور

رد: متوسط اسعار المستعمل هذا الاسبوع

هوا يعني ايه دواخل وخوارج فابريكة؟
فابريكة تقريبا يعني اصلية او من المصنع
طيب يعني ايه دواخل وخوارج؟

رد: متوسط اسعار المستعمل هذا الاسبوع

اقتباس:

المشاركة الأصلية كتبت بواسطة phen0m (المشاركة 56286)

هوا يعني ايه دواخل وخوارج فابريكة؟
فابريكة تقريبا يعني اصلية او من المصنع
طيب يعني ايه دواخل وخوارج؟

الفابريقة يعنى حالة المصنع اى كما خرجت من المصنع دهانها الاصلى وكافة قطعها

فابريقة دواخل تعنى ان البوية الموجوده خاصة بالمصنع فى دواخل السيارة كالصالون والشنطة وحوض الموتور وهذه الدواخل الفابريقة دليل على ان السيارة بعيدة عن الحوادث وخبطاتها التى استلزمت الرد على السخن ودهانها من الداخل وبالطبع من الخارج

فابريقة خوارج اى ان السيارة لم ترش من الخارج وبدهان المصنع وهذا دليل على سلامة السيارة تماما من حيث الحوادث
ولكن الرش الخارجى فقط لا يعنى ان السيارة تعرضت للحوادث ولكن لخبطات بسيطة وغير مؤثرة او لقدم البوية والخدوش والكحتات وهو لا يعيب السيارة ابدا ولكن يقلل قليلا من سعرها