مصر موتورز مجتمع السيارات - ارشيف الاستراحة 2011

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - ارشيف الاستراحة 2011 (https://www.masrmotors.com/vb/showthread.php?t=44838)

رد: ازاي تختار عربيتك .... ومبدأ التعليم علي اصحابك .....!!

شكرا علي الموضوع المميز يا ابو الاسعاد
فعلا انت قولت نقطه قعدت كتير جدا علي ما فهمتها
حكايه العربيه المناسبه ليك و انك مهما تسمع من حد ما تجيش علي العربيه
انا فعلا جيت لفتره من كتر ما بعض الناس تذم في عربيه كانتعندي كرهتها
حتي لما غيرت لقيت الناس بتذم برضه و لكن حست انها مناسبه ليا بقيت مش بسمع كلام حد
و خلاص

شكرا ابو الاسعادGIFT4U

رد: ازاي تختار عربيتك .... ومبدأ التعليم علي اصحابك .....!!

كلام جميل ونصائح مهمة يا ابو الاسعاد تسلم ايدك

رد: حقوق المواطن فى اقسام الشرطة

اقتباس:

المشاركة الأصلية كتبت بواسطة sad-bird (المشاركة 343204)

1 . دكتور ايمن محامي ومعاه الدكتوراه في القانون ( معرفش التخصص ايه بالتحديد )
2. انا اللي اقترحت عليه وطلبت منه انه يتكلم معانا في المنتدي عن حقوق المواطن الللي المفروض تكفلها ليه الدولة والراجل رحب بالاقتراح ومقالش لأ وقال في موضوع سابق ليه اللي عاوز اي استفسار قانوني مجانا لاعضاء مصرموتورز
3. جهاز الشرطة زي ما فيه الوحش فيه كمان الحلو وان كان مش ظاهر علشان الوحش زاد وطفح وغطى وده مش معناه ان كل جهاز الشرطة زفت ده مش دفاعا عن الشرطة لاني فعلا بتضايق من حاجات كتير بيعملوها زيي زيك
4. مصر موتورز منتدي متكامل فيه كل التخصصات وكل الاعمار ومش معني ان اسمه مشتق من السيارات يبقى خاص بالسيارات بس

5 ياريت حضرتك تقول المشكلة اللي حصلت معاك ايه وتطلب المشورة وازاي تتصرف او لو مشكلة حصلت مع حد تقول حصل معاه كذا وازاي تتصرف لو حصل معاك نفس الموقف على الاقل الاعضاء اللي هيدخلوا هنا هيستفيدوا من خبرة حضرتك في المشكلة وازاي الحل القانوني ليها

. أهلا وسهلا بدكتور أيمن

. موضوع حقوق المواطن موضوع جميل ويهمنا كلنا النقاش فية

. أرجوك بلاش كلام عن الشرطة لأنى رأى مش هيتغير أنا بقول أنة جهاز فاسد ومقولتش أن أعضائة عددهم مثلا 100 واحد يبقوا كلهم فاسدين أعتقد أن كدة كلامى وضح أكثر

.طبعا أنا عارف أن مصر موتورز بيضم ناس محترمة جدا وأهتمامتهم لا تتوقف عند السيارات فقط

. الحمد لله أنا مفيش مشاكل حصلت معايا خالص مع الشرطة أنا محامى استئناف ومن عائلة لها سمعتها وتاريخها ومكانتها بفضل الله

ألف شكر لحضرتك على الأهتمام .

أحمد جمال

رد: انت مين ؟؟؟؟؟؟؟؟؟؟؟؟؟؟ وعربيتك ايه ؟؟؟؟؟؟؟؟؟

اقتباس:

المشاركة الأصلية كتبت بواسطة corsair (المشاركة 338650)

عم محمد وبعدين ايه ماستر محمد اللي في البروفيل ديه المفروض يبقي اسمك البشمهندس محمد ربنا يرزقك برزقه ويرزقق الذرية الصالحة امين يا رب العالمين وبعدين ينفع كدا يبقي حضرتك ساكن جانبي ومتحضرش معانا ولا مقابلة ينفع كدا هههههههههه انتا مقبوض علي حضرتك في المقابلة الجاية بأذن الله

ربنا يخليك يا كورسير على زوقك وخفة دمك صح عم محمد على سبيل انى زميل الوالد بالقوات الجوية وبعدين ساكن جنبك ازاى انا ساكن فى دار السلام اخر حى فى القاهرة جنوبا وانت ساكن فى عين شمس يعن شرق القاهرة بينى وبينك حوالى 40كم لكن انا يشرفنى ابقى جار حبيب المنتدى احمد ممدوح الشهير بكورسيروان شاء الله نتقابل فى مقابلات المنتدى القادمة ويكون لى الشرف

اقتباس:

المشاركة الأصلية كتبت بواسطة سيف الدين سعيد (المشاركة 340167)

أهلا بيك يا باشمهندس محمد .
أولا مبروك خروجك من الشغل . وربنا يديم عليك الصحه والسعاده . . وعقبالنا .http://www.masrmotors.com/vb/images/..._12%5B1%5D.gif
وثانيا ربنا يرزقك بالخلف الصالح ان شاء الله ويسعد قلبك بيهم .
وماكلمتناش عن عربيتك ليه ؟؟؟؟؟؟؟؟؟ عايزين نعرف عنها شويه .
ومليون شكر لتعريفك لينا بحضرتك . ولحضرتك منى كل الحب والإحترام .http://www.masrmotors.com/vb/images/..._19%5B1%5D.gif

استاذ سيف الدين سعيد موضوع جميل جدا يساعد الاعضاء على التقارب لحين لقاؤهم فى مقابلات المنتدى اكلمك عن عربيتى
فليشيتى موديل 95 LX لونها اخضر شاريها عاملة 84الف كم بقالها سنة تقريبا مريحانى انا واسرتى الصغيرة ومش كسفانى رغم انى عذبتها معايا شوية لانى اتعلمت عليها السواقة فى شوارع القاهرة وبهدلتها طبعا وهى ردتهالى فى موقفين بس لما احترمتها ومابقيتش ابهدلها هى كمان بقيت مريحانى
عالطرق السريعة بتبقى عاوزة تجرى لكنى بطبيعتى مابحبش الجرى كبيرى 120كم عزمها شديد وشنطتها اوسع شنطة فى الهاتشباك وعربية واسعة بالنسبة لحجمها فى بعض الاحيان لظروف حرجة شالت 5 افراد +4 اطفال مابين سنتين 9 سنوات ويعيبها ارتفاع الحرارة لكن مع تنظيف دورة التبريد وغسيل الريداتير كل فترة واستعمال المياه الخضرا باستمرار كله بيبقى تحت السيطرة قطع غيارها غالية نسبيا مقارنة بال 128 لكن معمرة عنها وتوجد قطع الغيار تناسب كل المستويات (صينى- تركى- المانى)استهلاك الوقود معقول 220كم فى الصفيحة فى السفرصاج العربية متين مش زى 504 لكن قوى عملت كام تصادم مع بعض السيارات الحديثة تلفياتى لا تذكر مع التلفيات الاخرى رهيبة دى تجربتى مع العربية وقلتها بصراحة وبامانة

رد: حلم وعاوز اعرف كام واحد يقدر يحققة معايا في المنتدي؟؟؟!!

اقتباس:

المشاركة الأصلية كتبت بواسطة phantiza (المشاركة 343860)

شاكر ليك ياستاذ بنداري بس للاسف العرض مش في رمضان ..

رمضان له اسعار خاصة جدا

رد: حقوق المواطن فى اقسام الشرطة

اقتباس:

المشاركة الأصلية كتبت بواسطة ايمن عبدالحميد (المشاركة 343634)

يا محترم انا لا استخف بعقول احد ، وانا اتعودت انى اكون موضوعى لا آخذ الامور بسطحية ولا اقيس على حالات فردية ، ولا يفترض ان دة يكون اسلوب حوار اصلاً ، واعتقد انى عايش فى مصر زيك مش فى اوربا ، واسألك سؤال صريح : عمرك شفت انسان محترم ليس لة سوايق اجرامية ولا يختلط بأصحاب السوابق تروح المياحث تاخدة من الباب للطاق كدة ؟ مستحيل مستحيل
والظاهر انك ساكن فى مكان فية مشاكل كتير علشان كدة الشرطة واخدة راحتها عندكم ، وعموما ابشر انا قررت الغى التجربة دى فى المنتدى نهائياً .علشان متعرضش لإهانة من اى حد ميعرفنيش اصلاً .

أولا. أهلا وسهلا بحضرتك زميل محترم وأخ فاضل

ثانيا. أشكرك لنعتى بالأحترام وأعتقد أنك تقصدها ولا تقصد غيرها

ثالثا .حوارى لم يتخطا اللياقة ولاكنى صدمت بوجهة نظرك فصدمتك بالحقيقة القاسية

رابعا. أيوة شفت أفترائات كثيرة جدا من الشرطة وفبركة كثيرة جدا من الشرطة وكل الناس عارفة وشايفة وحضرتك واحد من الناس دية بما أنك عايش فى مصر وكلنا لسة فاكريين خالد سعيد ولا أتنسا خلاص بما أن حضرتك عايز مثال واحد بس

خامسا. أنا ساكن يا دكتور فى مدينة 15 مايو بالقرب من حلوان فى منزل والدى الذى يبلغ ثمنة حوالى 3 مليون جنية

سادسا. أنا فعلا معرفش حضرتك بس أتمنى أنى أتعرف بيك

رد: حلم وعاوز اعرف كام واحد يقدر يحققة معايا في المنتدي؟؟؟!!

أنا كان نفسي بس سني صغير شوية !!!!!!!!!!!!:w6w200504112 246446a