رد: مشروع مكتب تاجير ارجو المساعدة من اهل الخبرة
 

الاول مكتب اسمه فرح فى الغردقة شارع شيرى والتانى مكتب اسمه الشروق فى ابو غالب

رد: مشروع مكتب تاجير ارجو المساعدة من اهل الخبرة
 

اشكرك بالنيابه عن الاخرين مع اني كنت اتمنى انتوضع الثاني ابو غالب ده موجود خارج القاهره ام داخل القاهره ولزيادة التاكيد للناس ممكن تضع اخر رقمين من التلفون
واتمنى من كل شخص اتنصب عليه يضع اسم المكتب واسم صاحبه عشان لو يعرف الكل
لان انا كمكتب اكثر تضرر منك من سمعه اصحاب المكاتب السيئه

الى الساده خبراء توظيف السيارات
 

السلام عليكم ورحمه الله
انا كنت عاوز اوظف سيارتى رينو لوجان موديل 2012 وانا من اسكندريه كنت عاوز اعرف ممكن تعمل كام
محتاج اعرف ايه مميزات وعيوب الموضوع
نسبه المخاطره فيه بس الايجار بالسائق ان شاء الله
ولو حد يدلنى على اماكن ممكن تفيدنى واشكركم مقدما
وبارك الله فيكم

رد: الى الساده خبراء توظيف السيارات
 

اولا المشروع ده مينفعش حد يجي يقلك مشروع كويس او مشروع سيئ
لان كل سياره هي حاله خاصه يعني الذي ينطبق على سياره رينو استحاله ينطبق على سياره رينو يملكهما شخص واحد بمعن ممكن وحده تخسر ووحده تحقق ربح
لاكن في شخص قادر علي تحقيق الربح وشخص اخر غير قادر
يعني حضرتك غلط في اكثر من حاجه
اولا جايب رينو لوجن والسياره دي سوقها في الايجار ضعيف جدا
ثانيا انت عايز تاجرها بسائق وده امر صعب
يعني عندك نقطتين ضعف
على العموم هي ممكن تتاجر بدون سائق في حدود 1800 الى 2000
بخلاف الفرنا بتتاجر ب2000 الي 2300 وده لان سوقها ماشي ومع ذالك يصعب تاجرها بسائق
طبعا انا بقارن اللوجن بالفرنا لانهم في حدود سعر واحد
اما عن موضوع المخاطر لا يوجد مخاطر اذا كانت بسائق
اخر حاجه انا في القاهر فمعرفش حد عندك ادلك عليه
ارجو من كل شخص ينوي ان يدخل الموضوع ده وهيشتري سياره عشان ياجرها بسائق ان يتوقف ويجيب تاكس افضل له

لو انت نازل اجازه ارجو وضع طلبك هنا
 

لاحظ كل شخص ينوي النزول اجازه الي مصر ويريد تاجير سياره ان يفتح موضوع جديد على المنتدى
لهذا السبب وضعت هذا الموضوع ليضع كل من يريد ان يقضي اجازه ويحتاج سياره ايجار طلبه في هذا الموضوع وعلى كل من لديه القدره على تحقيق طلبك سوف يرد عليك
اما اي موضوع يفتح جديد بنفس الخصوص ارج عدم الرد عليه لان المواضيع يستحب فيها الاستمراريه اما مواضيع انا نالازل اجاز ينتهي بمجرد نزول الشخص وتاجيره للسياره

رد: الى الساده خبراء توظيف السيارات
 

اعتقد استاذ crime يفيدك فى موضوع التاجير لانه عامل موضوع عن اى حد عايز يجار سيارته وممكن تستفسر منه ودا لنك الموضوع اتفضل
http://masrmotors.com/vb/showthread.php?t=69159
:fun_36_3_9[1]:

رد: الى الساده خبراء توظيف السيارات
 

بص يابوب صلى عالنبى
الفكره انت هاتاجرها لمين محل ولا شركه سياحه ولا شركه بترول ولا شركه مقاولات ولا مين
وخد بقى التفاصيل واحده واحده وعلى رواقه

هاتاجرها لواحد عندك خيارتين
الخياره الاولانيه بسواق وهايبقى انت يبقى اشطه مفيهاش مشاكل او حد من طرفك وبرضه اشطه لانك هاتبقى شايف كل حاجه فيها ومتابعها
الخياره التانيه : من غير سواق وساعتها بتاع المكتب هيطلعها لكل من هب ودب وساعتها العربيه هاتجيبلك سليمه بس الماتور مع عدد مرات الايجار هايروح ف داهيه لانهم بيخمسو بيها ولو حصل حاجه فيها بيداروها والكلام ده والرينو عموما عربيه حريمى ومش اى ميكانيكى بيعرف يلعب فيها او يصلحها وبالتالى هاتتعب ف الحوار ده

تانى حاجه الشركات بقى
الشركات ديه بتفرق من شركه للتانيه يعنى لو سياحه يبقى العربيه هاتتدلع حته امريكى على حته اسبانى على حته ايطالى فى الحنين وبتطلع ساعتها اى عربيه من رينج 3500 لغايه فوووق بقى على حسن نوع العربيه بس انت هاتبدا ب3600 بالسواق طبعهاا او 3800 بالظبط لان السواق 1800 والعربيه 2000 وممكن يزيدو كل واحده وشطارته
بس اهم حاجه ان فى شركات نظيفه جدا جدا جدا بتعمل الزيت والبنزين واى خبطه عليهم وف شركات تانيه بتلبس صاحب العربيه ف الحوار ده ودول اغلبهم شركات نجمتين واقلب انما شركه سياحه تقيله كل حاجه عليها

البترول بيودو الصحرا والعربيه هاتبوظ مساعدين بس هم ممكن يصلحوها لو شركه نضيفه برضه

المقاولات فى اى حته خلقها ربنا لانهم ماشين بمبدا سنحيا فى اى نحيه تبع عمرو موسى ودول بقى ممكن مره ف بلطيم وممكن مره ف الساحل ومره فى الدويقه مبدا ارزقنا يارب يعنى

الفكره انك لما تاجرها اجرها وخلى حد من قرايبك هو السواق اهو انت تسفيد وقريبك يستفيد وتبقى مش خايف عليها
ولما تختار شركه اختار شركه نضيفه واقرا العقد واتكلم ف بنوده ومين هايشيل ايه ومين مش هايشيل ايه
وابقى شوف راس مال الشركه كام وليها ويب سايت ولا لا فاتحه كام شاليه وفاتحه كام بيت وافلست قبل كده ولا لا والحوارات ديه لان الشركات ديه الفلوس ف الاخر مش ف الاول وده عيبه يانجم بس اشطه مبدا حقك وحقى

عاشر نصيحه هانصحالك ماتاجرش العربيه لحد خاااااااااالص وخليها تحت ايدك عشان يوم ماتحتاجها تلاقيها
ولو حصل واجرتها ابعد عن المكاتب لو هايطلعها لواحد من غير سواق

شكراا والسلام عليكم