رد: صيانة اكسيل مانيوال 1500 cc
 

ده خط الفائظ وبيصل من بلوك المكنه لعمة المكنه عندك

لما تفك وتكشف على الأجزاء

نقدر نقرر ماهو أفضل لك

تغيير شنبر وروديه فقط

ولا نغير المكنه كلها

رد: صيانة اكسيل مانيوال 1500 cc
 

كنت روحت للعفشجي قالى طقم المساعدين ضايعين واكيد العربيه بتتمرجح منك وبتعمل زى موجه كده بعد ما بتخلص المطب
طبعا ده مش حقيقي مبتتمرجحش معايا ولا بحس بموجه بعد المطب ولا حاجه
جربت اضغط ع المساعدين ولاقيتهم بيطلعوا مره واحده من غير مرجحه
بس انا حاسس ان ثباتها مش كويس فى الخلف ( مش عارف ده عيب فى الموديل نفسه ولا فى العفشه ) ولا يمكن عشان ببقا لوحدى ومفيش حمل فى الخلف مش عارف
بقالى كام يوم كده بحس فى الطرق المكسره ان العربيه زى ما تكون بتتنطط كده
مع العلم ان مفيش صوت ولا خبط خالص والكاوتش حالته جيده بدون تشقق او اعوجاج
ياريت تفيدونى بالاعراض دى ؟ وحلها؟ وازاى ادعم ثبات العربيه وحل الاعراض دى ؟
ولكم جزيل الشكر والامتنان

رد: صيانة اكسيل مانيوال 1500 cc
 

بالحق يا بشمهندس
هو ينفع نركب مكنة لانسر مانيوال بالفتيس ع الاكسيل ولا عادى تركب ع الفتيس الحالى
ولا لازم تكون المكنه هيونداى
عشان الورق والترخيص
ولكم جزيل الشكر GIFT4U

رد: صيانة اكسيل مانيوال 1500 cc
 

قانونا مينفعش للاسف يا وائل ..

بس ممكن تحاول معاهم فى المرور وتعدى الحكاية ...

بس غالبا المكنة لازم تكون بالفتيس بتاعها ..

عموما خليك فى مكنتك وريح عقلك يا كبير وخصوصا ان قطع غيار اليابانى مش رخيصة زى الهيونداى ......

رد: صيانة اكسيل مانيوال 1500 cc
 

تسلم يا حس يا غالى منورنا علطول
وايه رايك فى موضوع العفشه
منتظر افادتك القيمه

رد: صيانة اكسيل مانيوال 1500 cc
 

السلام عليكم
هو انا طبعا عارف ان الدبرياج هو اللى بيفصل الفتيس عن الموتور
لكن مش متخيل تركيبهم مع بعض
بمعنى انى مثلا لو عزت اغير مكونات الدبرياح ( بليه وديسك واسطوانه ) معرفش فى غيرهم ولا لأ
هل هحتاج احل الفتيس ولا مالوش علاقه
والعكس صحيح لو غيرت الفتيس خالص بيركب على اى دبرياج ولا فيه تحفظات
والسؤال الاهم هو صيانة الفتيس مجديه ولا بيرجع العيب يرد تانى والافضل تغييره من الاول
خشونه فى الفتيس ( بمعنى انى بحس بصوت التروس وانا بنقل وتقيل فى حركة النقل --- بحس بحارات النقله فى ايدي ) لكن مبيعضش او يشخط
وصوت ونه والعربيه مموره ولما ادوس دبرياج الصوت بيروح
ونفس الصوت موجود والعربيه ماشيه لكن لما بمور والعربيه ماشيه بيروح او ادوس دبرياج وهى ماشيه برده بيروح
ولما بشيل رجلى من ع البنزين والعربيه ماشيه بسمع صوت زى ( هى هى هى هى )
وشكرا جزيلا

رد: صيانة اكسيل مانيوال 1500 cc
 

السلام عليكم ورحمة الله
ازيك يا بشمهندس سمير يارب بخير علطول
وسلامى الى حسام وكل من ساهم معى برايه القيم ويارب تكونوا بخير علطول
ويارب ييسر لمصر الخير والرشاد
تم بحمد الله تعالى فتح الموتور
والحمد لله لقيت الشمايز سليمه والكرنك ومخرطوش قبل كده وكانت اول مره تحل
بس لقيت عدد 2 بستم مكسورين
واشتريت طقم بستم ستاندر وطقم شنبر وطقم جوانات
والميكانيكي هيعمل روديه للصبابات ان شاء الله
هو محلش عمود الكرنك ( هل ده عادى ولا لازم الافضل يشيلوا خالص ويكرب المكنه بره )
وهل يوجد طريقة معينه للتاكد من كلام الميكانيكي من ناحية سلامة الشمايز والكرنك
نيجي لجزء الدبرياج والفتيس
لما ركب العربيه وجربها قالى صوت الوجوجه ده من الفتيس ويفضل تغييره لانك هتغيرله بلي وغوايش وبعد شهر هيرجع تانى وتكون صرفت 200 ج مثلا اقل واجب؟

وقالى بخصوص بلية الدبرياج والديسك والاسطوانه ميبانوش الا لما يحل الفتيس وانهم ع الوضع الحالى مش باينين من ناحية حل الموتور
وان صوت النحره والعربيه واقفه ولما تدوس دبرياج الصوت يروح تكون بلية الدبرياج سليمه والعيب فى الفتيس
وحتى لو غيرنا الديسك والاسطوانه والبليه مش هتفرق معاك
ولا راي حضرتك ايه(( هو المفروض وهو حالل المكنه يشوف الدبرياج والفتيس ولا ايه الوضع بالظبط ))
اصل النقطه دى مش واضحه بالنسبه لي


السؤال بقا هل لو ظبطت المكنه حاليا وصرت لما اغير الفتيس بعد شهر او اتنين هل هيأثر بالسلب ع الموتور ؟ ولا ملوش علاقه ؟


مستنى ردودكم المفصله القيمه باذن الله تعالى
ولكم جزيل الشكر والامتنانGIFT4U