مصر موتورز مجتمع السيارات - رينو داستر Duster اسئله واجابات

مصر موتورز مجتمع السيارات (https://www.masrmotors.com/vb/index.php)

- رينو داستر Duster (https://www.masrmotors.com/vb/forumdisplay.php?f=162)

- - رينو داستر Duster اسئله واجابات (https://www.masrmotors.com/vb/showthread.php?t=42247)

رد: اي سؤال عن الدستر باذن الله تعالي هافيد فيه

انا عندي سؤال ويارب الاقي الاجابه الشافيه عندكم ان شاء الله

انا اشتريت رينو داستر .. والعربيه ما شاء الله عليها جميله
بس في حاجه لاحظتها, وهي عند رجوعي للخلف لمبه واحده بس اللي بتنور هي اللمبه اليمين ... انا كلمتهم في المصريه للسيارات علشان يضبطوا العيب دا لكن قالولي دا مش عيب .. هو في انواع عربيات تصنيعها كدا بتنزل كدا بلمبه واحده بس والداستر واحده من الانواع دي..

بصراحه انا مش مصدقهم, لسببين:
السبب الاول ان دي مستحيل تكون فكرة تصنيع, والا اللي اقرتح فكرة اللمبه الواحده دي مريض.
السبب التاني ان الناحيه الشمال موجود فيها فانوس رجوع للخلف بردو وكمان متركب فيه لمبه,,, ف ازاي يصممولو مكان ويحطو فيه لمبه و متشتغلش ؟؟؟؟؟

رد: اي سؤال عن الدستر باذن الله تعالي هافيد فيه

حد يعرف محل مخصوص لاكسسورات رينو داستر فى القاهره واسكندريه واسيوط

رد: اي سؤال عن الدستر باذن الله تعالي هافيد فيه

اقتباس:

المشاركة الأصلية كتبت بواسطة eng.7055 (المشاركة 698901)

هي ياباشا لمبه واحده...ومكانها في الفانوس التاني في لمبة فوج لايت في 4*4
وعربيات كتير كده منها الماني وياباني..وده ستايل بقاله فترة
تحياتي

رد: اي سؤال عن الدستر باذن الله تعالي هافيد فيه

اقتباس:

المشاركة الأصلية كتبت بواسطة sameh taha (المشاركة 675373)

السلام عليكم ورحمة الله وبركاته
انا عندى مشكلة انا اعجبت بالعربية دى هنا من المنتدى ونزلت كل صورها وفيديوهاتها وماشاء الله حاجه مميزة لكن انا موجود فى السعودية وكنت عاوز عربية انزل بيها مصر فى الاجازات وبصراحة ملقيتش ارخص منها فى نفس الفئة لكن لما سألت عنها الوكيل هنا قاللى 2000 سى سى ملقيتش 1600 زى الموجوده فى مصر هل هناك حل لهذه المشكلة وبالمناسبه انا ملقيتش حد جايب سيرة قطع الغيار ليه خصوصا انها عامل مهم

ياباشا مفيش حل لانك كده هاتخش في فئه سعريه تانيه...هاتها من هنا 1600 سي سي وهاتعجبك ان شاء الله...الوكيل هنا كويس والعربية روماني...متقلقش

رد: اي سؤال عن الدستر باذن الله تعالي هافيد فيه

ممكن حد يقولى هوه بنزين الداستر 2013 (95 - 98) زى ما مكتوب على غطاء التانك و لا ممكن 92 و هل مكتوب على غطاء التانك فى الداستر 2012 نفس الارقام (95 - 98 ) ؟؟؟ لانى بافكر اشترى كسر زيرو 2012 لو مش مكتوب فيها بنزين 95-98 ياريت حد يكون مجرب يقولى رايه ....... و شكرا

تحياتي لكم

السلام عليكم ورحمه الله
بداية احب اشيد بالخدمة المقدمة منكم فلكم كل اعزاز وتقدير
وسؤالي هو ما الفرق بين داسترموديل 2013 و موديل 2012 وشكرا لكم

رد: اي سؤال عن الدستر باذن الله تعالي هافيد فيه

العربيه مصممه على بنزين 92 عن طريق البرمجه الالكترونيه هكذا قالوا لى فى الصيانه