رد: فيرنا 1600cc
 

حقيقي واللهي يااخي انا محتار اووي

زكل مابنتظر بعض الوقت بيدخل نوع جديد في الاختيار

يعني في ناس بيئولولي اشتري اتوماتيك عشان مريحة اكتر

ولقيت ان العربية الاتوماتيك اللي ممكن تكون مناسبة للسعر ده هيا الكيا بيكانتو اتوماتيك

واصبح دلوقتي اختياري بينحصر في تلت عربيات

الفيرنا واللانوس والبيكانتو اتوماتيك

رد: فيرنا 1600cc
 

لو انت مش بتاع جرى و كده جيب لانوس بس على فكره برضو الانوس عربيه واطيه

لو عاوز شد و غرز و كلام من كده فيرنا بس ثباتها و حش

ميزه الفيرنا انها و الحمد لله مالهاش اعطال معروفه زى الانوس اللى بتجيب موبينه

رد: فيرنا 1600cc
 

بص الفيرنا فيها ثلاث ميزات هامة جدا عن اللانوس


* موتور قوي ،،، و في نفس الوقت نفس استهلاك البنزين

* تكييف قوي ،

* عفشة بتستحمل

و دوول في وجهة نظري اهم ثلاث ميزات في عربية اقتصادية

و اللاانوس فيها ميزتين

* أن صالونها اوسع شوية

* صوت موتورها أهدي

بصراحة ما بين الاتنين أنا اختار الفيرنا



و طبعا الاتوماتيك احسن من المانيوال

بس هات بقه نيو اكسنت اتوماتيك او فيرنا اتوماتيك

عشان موتورها يكون قوي ميتخنقشي بالاتوماتيك

رد: فيرنا 1600cc
 

بالصدفة لقيت مقال في ملحق السيارات بيتكلم عن السيستم ده

و بيقول انه ينفع تركبه عند المتخصصين

أسأل بقه عليه مين اللي بيركبه

رد: فيرنا 1600cc
 

بجد بسم الله ماشاء الله عليكوا وعلى ردودكم الوافيه اللى افادت ناس كتيييير قوى وانا اولهم

انا ليا سؤال يا جماعه

هو معدل استهلاك البنزين فى الفيرنا 1600 حوالى اد ايه

يعنى ال 40 ليتر بيقضوا حوالى مسافة اد ايه فى الزحمه او فى الطريق السريع وبالتكييف ومن غير

معلش يا جماعه هتعبكوا معايا بس انا عايز اعرف الموضوع ده علشان فيه ناس خوفتنى وقالتلى ان موتور ال 1600 عامة بيسحب بنزين كتير فانا قلت برضه مفيش حد احسن من هنا علشان اسالكوا على الموضوع ده

والف الف الف شكر ليكم مقدما

رد: فيرنا 1600cc
 

200كيلو فى ال20 ليتر داخل البلد و 300 على الطريق السريع

رد: فيرنا 1600cc
 

شكرا على اجابتك بس كده بيبقى التكييف شغال ولا لأ
وبرضه هو كده يعتبر الطبيعى بتاع ال 1600 عامة ولا كده اقتصادى ولا كده اوفر ؟؟

شكرا ليك مره تانى