|
رد: انقذونى
اقتباس:
ثانيا حضرتك مش هتقدرى تكملى مشكلتك دى لوحدك حضرتك لازم يكون معاكى محامى ويكون محامى بيفهم ويكون فاهم الموضوع كويس علشان يقدر يجيبلك حقك . ثالثا بالنسبه لحكاية رئيس الناية اللى مبيفهمش فدا اصبح الطبيعى اليومين دول غالبيتهم لايفقهوا شىء تماما لانهم اصلا مبيقرأوش اى حاجه ومعظم المحاضر اللى عندهم الكتبه اللى معاهم هما اللى بيخلصوها وحتى كمان هما اللى بيقلولهم يعملوا ايه وهما بيأشروا وبس . بس كويس انها جات مع حضرتك فى عربيه وفلوس يعنى كلها اشياء ماديه ممكن تتعوض انما لو تشوفى البلاوى اللى احنا بنشوفها منهم كل يوم واللى بيعملوها فى الناس هتقولى ان انتى محصلكيش اى حاجه خالص . ياريت حضرتك المره الجايه وانتى راحله يكون مع حضرتك محامى علشان يعرف يفهمه اكتر ولو رئيس النيابه قفل دماغه يدخل فيه شمال. لانه هيخاف من المحامى اكتر من حضرتك . لان فى الغالب رئيس النيابه دا بيجامل الظابط ، فلازم يحس ان فى حد واقف له فى الموضوع وانه ممكن يشتكيه لو حاول يعمل حاجه غلط . لانهم بيخافوا جدا ان حد يشتكيهم . وحتى لو رئيس النيابه حفظ المحضر حضرتك هتقدمى تظلم للمحامى العام النيابه الكليه اللى انتى تابعه ليها وبيكون بيفهم اكتر من رئيس النيابه الجزئيه وحتى لو هو كمان ايد الحفظ يبقى هتتظلمى للمحامى العام الاول لنيابة الاستئناف اللى انتى تابعه ليها وان شاء الله الموضوع ميوصلش لكدا ويتحل فى الاول . وواضح ان الظابط دا بيلعب معاكى على عنصر الزمن ومعتمد انك مع طول الوقت هتزهقى وهتسيبى الموضوع يموت لانك بنت ومش حمل وجع الدماغ . فياريت حضرتك متزهقيش خالص وتتمسكى بحقك للاخر وان شاء الله لن يضيع حق وراءه مطالب . وبالنسبه لموضوع سرقه نص السياره الامامى لو حضرتك هو غير اى حاجه من الاشياء الجوهريه فى العربيه دون ان يثبت ذلك فى ملف العربيه فى المرور اشتكيه . لان ممكن يطلع رقم الشاسيه دا بتاع عربيه تانيه تكون مسروقه مثلا كل شىء وارد مش هتخسرى حاجه اما تروحى وتعرضى عليهم الامر ممكن رقم الشاسيه دا يطلع بتاع عربيه تانيه . دا حاليا اللى اقدر انصحك بيه وياريت كنت من القاهره كنت تابعت الموضوع بنفسى بس للاسف انا من المنصوره . كنت اتمنى انى اساعد حضرتك . عامة حضرتك زى ما قلتلك خدى معاكى محامى المره الجايه ورجاء يكون بيفهممممممممممممممممممم علشان دا هيريحك كتير . وياريت حضرتك تعرفينا المستجدات . وبالتوفيق ان شاء الله . |
رد: انقذونى
السلام عليكم اختى فى الل تحية طيبة وبعد اوعى تيأسى ابدا ابدا ابدا ابدا ولا يضيع حقا وراءة مطالب وربنا معاكى |
رد: انقذونى
الاخت الفاضلة
الا ربنا هينصرك لانه مايرضاش بالظلم ولو مش فى موضوع السيارة يبقى يردلك حقك بإذنه ان شاء الله ثانيا انا قريت موضوع بالصدفة وشدنى جدا لدرجة انى قريتو من الاول للأخر علشان اعرف نهايته ايه؟ ده كما لو كان فيلم لكن للاسف النوعية دى من الافلام اصبحت واقع وبتحصل كل يوم من ده واكتر على كل حال زى ماقللك اخ فاضل فى احدى مشاركاته انتى جنب مواضيع ومواقف تانية تبقى كده زى الفل وقضى اخف من قضى والله انا متغاظ جدا من الحرامى النصاب اللى باعلك العربية ده وهاين عليا اشوفة وانط فى كرشة (عععععه متعاظ جداptmnlo123per111ptmnlo1 23per111ptmnlo123per111 ) على فكرة الناس دول بيبانو انهم مابيخافوش بس ما ينفعش معاهم اللين وانا مع رأى الاخوة اللى بيحبذوا موضوع المحامى وخصوصا (الصياع) لان المحاميين من النوعية دى لهم سككهم ده غير انها هواية عندهم ان شاء الله ربنا يوفقك وتوصلى لحقق بس المهم ماتيأسيش ptmnlo123per1106وخللى ورا الموضع حتى من باب العند لغاية ما البياع اللى عامل نفسة ظابط يتربى وامشى بمبدأ (انت مش عارف بتكلم مين؟؟؟) والحركات دى والله ده اللى بيجيب نتيجة دلوقتى والنصر ليكى ان شاء اللهptmnlo123per154 |
رد: انقذونى
السلام عليكم
الاخت الفاضلة ان قريت الموضوع بتاعك من الاول للاخر وربنا يكون فى عونك بس انا مع راى الاخ الفاضل انك متيأسيش لان فعلا واضح ان البايع بيلعب معاكى على عنصر الوقت ثانيا حاولى تدورى على محامى يكون صايع ودول مفيش اكتر منهم واطلعى على اى جريدة زى الاهرام او الجمهورية بس قبل ما تعملى كده ياريت لو تدورى على حد يكون عارف تاريخ الظابط اللى باعلك العربية لأنك اكيد هتلاقى بلاوى تانية كتير عاملها قبل كده وبعدين خلى اى جريدة تنشرلك القصة مع تاريخ الظابط ده اللى اكيد هيكون تاريخ قذر وده هيعمله مشاكل كتير والعيار اللى مبيصيبش بيدوش وربنا معاكى |
رد: انقذونى
الدرس المستفاد من هذه القصه !
لا تبيع لظابط ! ولا تشترى من ظابط ! ولا تصاحب ظابط ! ولا تجوز بنتك لظابط ! ولو كان دراعك ظابط ..........اقطعه ! وامشى من غير دراع أحسن ! ptmnlo123per1106 Dr. Bolbolan ptmnlo123per122 |
رد: انقذونى
اقتباس:
بارك الله فيك يا دكتور، وده أهم مبدأ عندى. |
رد: انقذونى
اقتباس:
|
| الساعة الآن 07:43 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017