المشاركة الأصلية كتبت بواسطة rooming (المشاركة 340321)

الله ينور عليك يا محمد باشا شرح جميل بس نسيت توصف الطريق للى جاى من الكويت ههههههه:crazyW14:

المشاركة الأصلية كتبت بواسطة hazem_khidr (المشاركة 340388)

محمد باشا كمال
المطبات الرخمه اتشالت علي فكره
انا فاكر المطب اللي قولتلي عليه لما كنا سوا

بالنسبه للقادمين من القاهره
لو مافيش معاك عربيه تعالي مواصلات و انزل الموقف و انا او اي حد من الطنطاويه حنيجي ناخدك
و ساعه الرجوع بالليل تركب مع اي حد راجع القاهره مافيش فيها مشاكل
اللمه حلوه و تستاهل المجهود الصراحه
انا بقالي اربع سنين بسافر القاهره احضر مقابلات بصفه متظمه حتي لو مش معايا عربيه بتصرف
و ارجع الساعه اتنين تلاته بالليل عادي
ايه يا شباب مالكم امال لما تعدوا السابعين حتعملوا ايه:crazyW14:

المشاركة الأصلية كتبت بواسطة بدر بسيونى (المشاركة 340104)

اولا احب اشكر ابو الاسعاد GPS وبصراحة بعد النجهود اللى الراجل عمله فى الوصف للمكان وسمعت ان حد تاه ولا اتلخبطت مايجيش احسن يلف ويروح الراجل ناقص يقول فيه كام مطب وبلاعة وتسلم ياابو الاسعاد وربنا يخليك

المشاركة الأصلية كتبت بواسطة bmkbmk (المشاركة 340137)

اهو هو ده الكلام يا رجالة طنطا
من كل قلبى بشكر ابو الاسعاد و الكومى الرعاة الرسميون لمقابلة مصر موتورز فى طنطا
بجد يا رجالة تسلم ايديكم

المشاركة الأصلية كتبت بواسطة احمد بدر1978 (المشاركة 340156)

اية يا ابو الاسعاد الشغل الجميل دة تسلم ايدك GIFT4U
ان شاء الله نتقابل على خير

المشاركة الأصلية كتبت بواسطة bmkbmk (المشاركة 340169)

توصولوا جميعا بألف سلامة يا شباب ... كافيه ابو سلامة أصلا على الطريق السريع (مصر اسكندرية الزراعى) فا متقلقوش ان شاء الله مافيش توهان ولا حاجة

ملاحظات هامة للى هيروحوا طنطا من القاهرة لأول مرة لتشريفنا بحضور المقابلة

أول حاجة يا جماعة توصلوا بألف سلامة ان شاء الله .. طبعا زى ما قال المهندس ابو الاسعاد حضرتك من القاهرة هتاخد الطريق الزراعى و تفضل ماشى فيه طوالى لا يمين ولا شمال لحد ما توصل بالسلامة .... حبيت بس انوه عن شوية ملاحظات بسيطة
لما تقرب توصل من طنطا و تحديدا بعد ما تعدى الكوبرى الفضائى بتاع بركة السبع خليك ماشى عادى لحد ما تلاقى ترعة ظهرت على شمالك .. (قرية دفرة) هدى بقى كة و ركز لأن فيه مطب جامد قرب .. تحديدا قبل طنطا ب 4 كيلو .. عند قرية نفيا هتلاقى مطب محترم ....لازم تهدى و تاخده بالراحة ... و من بعد المطب ده فيه كمان مطب بعده ب 3500 متر قبل مدخل طنطا الجنوبى (كوبرى فاروق ) خلى بالك برده منه علشان لبسته وحشة و ممكن لا قدر الله تعمل حاجة فى المساعدين و بعد كدة بقى هتلاقى كوبرى و بعده بشوية اشارة و بعدين شوية مطبات لذيذة و الطريق بايظ من كتر مشى عربيات النقل بس غالبا المنطقة دى بتبقى زحمة فامفيش مطبات فجائية لحد ما تعدى تحت الكوبرى العلوى و بعدها تدور على اول يوتيرن


ملاحظات هامة للى هيروحوا طنطا من الاسكندرية لأول مرة لتشريفنا بحضور المقابلة - مرفق صورة

بإذن الله طريقم سالك بس فيه ملاحظتيم مهمين جدا جدا

أول حاجة دخلة طنطا قبل كفر الزيات على طول اوعى تفوتها لأنها ممكن ماتبقاش باينة قوى لو حضرتك سرحت شوية ... و انت ماشى فى الطريق هتلاقى يافطة قبل كفر الزيات (على طول القاهرة ) و (يمين طنطا) حضرتك هتدخل يمين هتلاقى طريق صغير قاطع طريقك بالعرض هتدخل من الطريق ده شمال و هتمشى ربع دقيقة و تدخل يمين على كوبرى كفر الزيات و تخليك طوالى يا باشا .. هيقابك نفق خده و خليك طوالى برده

تانى حاجة بعد ما تخلص كفر الزيات برده خليك ماشى هادى لوجود مطبات رخمة لحد ما تصول بالسلامة لكافيه أبو سلامة

طيب نفترض ان حضرتك فوت دخلة طنطا من كفر الزيات و ماخدتش بالك منها و كملت على طول .. ماتقلقش حضرتك هتفضل ماشى عادى جدا على طريق نظيف و حلو و هتدفع كارتة 3 جنيه و فى اخر الطريق ده هتلاقى اتجاهين برده .. اتجاه طنطا و اتجاه القاهرة .. طبعا حضرتك هتنزل فى اتجاه طنطا و هتبقى على بعد حوالى 7 كيلو منها ... تحديدا عند قرية دفرة ... و حضرتك كدة هيبقى كأنك جاى من القاهرة و يا ريت تراجع الملاحظات السابقة للى جايين من القاهرة بخصوص المطبات

و توصلو بألف سلامة ان شاء الله