مصر موتورز مجتمع السيارات - حلقات (جريمة كل يوم) ألغاز بوليسيه مسلسلة

مصر موتورز مجتمع السيارات (https://www.masrmotors.com/vb/index.php)

- نادى المبدعين (https://www.masrmotors.com/vb/forumdisplay.php?f=121)

- - حلقات (جريمة كل يوم) ألغاز بوليسيه مسلسلة (https://www.masrmotors.com/vb/showthread.php?t=8115)

رد: حلقات (جريمة كل يوم) ألغاز بوليسيه مسلسلة

الحلقه الثانية عشرة
***************
سنيّه ترتر تمت سرقة ساعتها الذهبية من داخل الكوافير الخاص بها ووقت السرقة كانت هناك ثلاث زبونات بعد انصرافهن اكتشفت السرقة!
سنيه كانت قد خلعت ساعتها ووضعتها جوار مكواة الشعر امام المرآة قبل دخول اول زبونه
وبعد ما تم استدعاء المتهمات الثلاثة امام المقدم فضة00
كانت الاولى مدام نهى والتى قالت:
-انا زبونة عندها من خمس سنين
-مهنتك ايه:
-انا سيدة مجتمع ورئيس جمعية خيرية
-انت متهمة بسرقة ساعتها
-ده كلام فارغ انا اسرق حته ساعة كانت مرمية قدامى00 جنب المكواةلا مركزى ولا وضعى يسمح بكده حتى لو كانت دهب
-لكن الساعة اختفت بعد خروجك من الكوافير
-كلام فارغ دى آخر مرة اروح فيها للست الكدابه التافهه دى00انا 00هزلت

وبسؤال الثانية00الانسه هبه
-مهنتك ايه؟
-انا مهندسة ديكور
-انت متهمة بسرقة ساعة من الكوافير

قالت:
-انا اسرق ساعة 00دى حاجة تافهه جدا00يعنى ما تستهلش00ليه هيه ألماظ؟
-الساعة اختفت بعد خروجك
-مش ممكن الكلام ده00الست دى اتجننت ولا ايه00انا آخر مرة ح اروح لها00انا مشيت والساعة كانت جنب المكواة
-انتى بتترددى على الكوافير ده من زمان
-من سبع سنين
وبسؤال الثالثة الانسه وردة :
-مهنتك ايه؟
-عندى محل تحف وانتيكات
-انت متهمة بسرقة ساعة من الكوافير

قالت:
-ساعة ايه حضرتك اللى آخدها
-الساعة بتاعت المدام
-انا00مش ممكن طبعا
ده كلام فارغ00
-كانت قدامك مباشرة
-انا مشفتش حاجة غير مكواة وسيشوار كانوا قدامى ولا فيه ساعة دهب ولا حاجة00انا آخر مرة اروح للست الكدابه تانى

وبسرعة عرف المقدم فضة من الجانية!

الى اللقاء فى الحلقة القادمة

رد: حلقات (جريمة كل يوم) ألغاز بوليسيه مسلسلة

الانسه وردة بتاعت الانتيكات

رد: حلقات (جريمة كل يوم) ألغاز بوليسيه مسلسلة

السارقة اللآنسه وردة
مهنتها التعامل مع التحف والانتيكات
نفت رؤيه ساعة دهب؟!
مع ان الاخرتين قد رأوها

رد: حلقات (جريمة كل يوم) ألغاز بوليسيه مسلسلة

الحلقة الثالثة عشرة
*****************
قتل وسرقة
*********
سطوحى الخفير تم قتله ليلة أمس اثناء حراسته لمخزن أدوات كهربائية تابع لاحد الشركات الكبيرة وتم القتل والسرقه فى تمام الثانية عشرة تماما
وبعد تحريات دقيقة من قبل المقدم فضة انحصرت الشكوك فى ثلاثة اشخاص هم
ربيع أمين المخازن وزناتى مساعد أمين المخزن وشيحة صديق الخفير
وباستدعاء الثلاثة وسؤالهم امام العقيد دهب
قال ربيع:
-انا سعادتك ليلة امبارح كنت ف البيت من الساعة اتناشر بليل بعد ما رجعت من القهوة
-انت متهم لان فيه جرد كان بعد اسبوع
-وايه المشكلة ف الجرد؟
المخزن كان مستوفى وزى الفل
-لكن السرقة كانت الساعة 11 قبل نص الليل
-ازاى الكلام ده هوه فيه سرقة بدرى كده؟
-انت عارف ان الحته اللى فيها المخزن مقطوعة
-جايز00الحرامية مبيهمهاش حاجة
-كنت فين الساعة 10
-كنت ف القهوة 00ليه سعادتك؟
-عشان السرقة تمت الساعة عشرة
-الحمد لله كنت فى القهوة
-والساعة اا
-كنت فى البيت

وبسؤال زناتى مساعد امين المخزن قال:
-انا من الساعة اتناشر الا ربع وانا فى البيت سعادتك
-انت متهم بسرقة المخزن عشان العجز اللى فيه
-عجز ايه سعادتك المخزن سليم سليم ميه ميه
-لكن الاخ ربيع قال انك كنت ليك دور فى كده
-ربيع؟!مش ممكن سعادتك يقول كده00استحالة دا هوه اكتر واحد عارف ان المخزن سليم
-على فكرة السرقة كانت الساعة 11 بليل
كنت فين وقتها؟
-السرقة الساعة 11 ازاى؟
هوه فيه حرامى يسرق الساعة 11
-الحته مقطوعة وممكن تتسرق من بعد العشا
-برضه جايز
-كنت فين امبارح الساعة 10
-ليه سعادتك؟
-لان السرقة تمت الساعة 10
-فى البيت سعادتك

وبسؤال شيحة:
-انا سعادتك سهرت معاه لحد الساعة عشرة وروحت طوالى لان كن عندى شغلانه الفجر
-انت متهم بقتله وسرقة المخزن
-انا 00ازاى الكلام ده اقتل صاحبى وكمان اسرق!
محصلش سعادتك
-السرقة تمت الساعة 9 مساءا
-مش ممكن لان انا سايبه الساعة عشرة
-كنت فين الساعة 9 مساءا؟
-مع سطوحى سعادتك
-وكنت فين الساعة 11بليل
-فى البيت سعادتك

ابتسم المقدم للعقيد وقال:
-كده وضحت قوى جنابك
-برافو عليك يا فضة

الى اللقاء مع الحلقة القادمة

رد: حلقات (جريمة كل يوم) ألغاز بوليسيه مسلسلة

زناتى
زناتى
زناتىىىىىىىىىىىىىى