مصر موتورز مجتمع السيارات - السرقة بالإكراه

مصر موتورز مجتمع السيارات (https://www.masrmotors.com/vb/index.php)

- مكافحة سرقة السيارات (https://www.masrmotors.com/vb/forumdisplay.php?f=193)

- - السرقة بالإكراه - ممكن تعمل إيه ؟ (https://www.masrmotors.com/vb/showthread.php?t=69509)

رد: السرقة بالإكراه - ممكن تعمل إيه ؟

اقتباس:

المشاركة الأصلية كتبت بواسطة احمد على 1999 (المشاركة 748308)

ما شاء الله فكرة رائعة
بس خطورتها ان لو حد نسى يشغل التايمر حتضحى بالكويل او بحاجة غالية
طيب ايه رايك يبقى فى زرارين
زرار خفى لفصل العربية لما تركن تحت البيت
و الزرار التانى يفعل التايمر دا اللى حضرتك شرحته و يستخدم فقط لو اتاكدت ان العربية حتتسرق

الأحسن بقى جركن بنزين وولاعة أسهل وأرخص
ونقضيها إعتصام يا نولع لهم فيها

رد: السرقة بالإكراه - ممكن تعمل إيه ؟

اقتباس:

المشاركة الأصلية كتبت بواسطة احمد على 1999 (المشاركة 748308)

موضوع الزرارين ماشي بس نعرف منين الوقت اللى من ساعه ما ننزل من العربية بعد ما ندوس على الزرار ولحد ما عمليه السطو تتم علشان نظبط عليه التايمر

لان الفكره انهم ياخدوا العربية ويمشوا بيها ومش يبعدوا والعربية تقف منهم وتبان انها صدفه مش انزل من العربية بعدها بدقيقة العربية تبطل قبل ما هما ياخدوها كده ممكن يطلعوا غضبهم علي السواق

رد: السرقة بالإكراه - ممكن تعمل إيه ؟

انا عربيتى فى الاماكن المقطوعه وانا راكبها بحس كأنى راكب مدرعه .. وبضحك كتير اوى لما بسمع حد بيحذرنى ان حد يطلع عليا وانا راكب جوه عربيتى ويثبتنى وياخدها منى .. ده لو حصل يبقى لا مؤاخذه بعدها هلبس طرحه ههههههههههههه

انتا واحد راكب عربيتك اتعود اول ما تطلع على طريق سفر او طريق مقطوع تقفل على نفسك .. وبالنسبه للعربيات القديمه .. السنتر لوك مهم جدا يا جماعه علشان فى لحظه تقدر تسوجر العربية كلها .. وكمان الازاز الكهربا ...

طالما ازازك مرفوع وابوبك مقفوله وبتعرف تسوق كويس (ودى اهم حاجه) .. يبقى ادخل حرب بالعربية ولا يهمك ....

انا ابسط شئ عندى لو حد سادد الطريق قدامى هاند بريك على سرعه 40 بقى وش العربيه الناحيه التانية ويا فكيك .. ولو فكروا يسدوا الطريق ورايا هدخل فيهم اشنيرهم .. وهبقى كده كسبت ثواب ههههههههه .....

انا دايما محتفظ معايا بشومه كبيره زان بمسامير شكلها يرعب تحت الكرسى تحسبا لأى خلاف او تعدى يحصل معايا فى الشارع .. وده بالنسبالى بيحصل كتير نظرا لانى مش بريح نفسى .. واغلب الخلافات دى بتبقى وانا فى البنزينة .....

اخيرا .. نصيحه لاى حد معاه عربية يا ريت يحتفظ معاه باى اداه للدفاع عن النفس وافضلها الاليكترك شوك والسيلف ديفنس ...... واوعى تقف لاى حد مهما كان الوضع ....

رد: السرقة بالإكراه - ممكن تعمل إيه ؟

الحمد لله عمري ما اطلع علي السريع لازم يبقي معايا طبنجه صوت والاليكتريكMAD

رد: السرقة بالإكراه - ممكن تعمل إيه ؟

اقتباس:

المشاركة الأصلية كتبت بواسطة Hisham.Elgazzar (المشاركة 748312)

الأحسن بقى جركن بنزين وولاعة أسهل وأرخص
ونقضيها إعتصام يا نولع لهم فيها

هشام باشا كل اقتراحاتك عسل

اقتباس:

المشاركة الأصلية كتبت بواسطة حسام البورسعيدى (المشاركة 748324)

الله ينور يا حسام باشا .......... هما دول البورسعيدية الجدعان

اقتباس:

المشاركة الأصلية كتبت بواسطة TryToDriveSlow (المشاركة 748339)

الحمد لله عمري ما اطلع علي السريع لازم يبقي معايا طبنجه صوت والاليكتريكMAD

الله ينور يا استاذ حاول ان تقود ببطىء
ربنا ينجينا جميعا