مصر موتورز مجتمع السيارات - صيانة اكسيل مانيوال 1500 cc

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - صيانة اكسيل مانيوال 1500 cc (https://www.masrmotors.com/vb/showthread.php?t=45397)

رد: صيانة اكسيل مانيوال 1500 cc

اقتباس:

المشاركة الأصلية كتبت بواسطة samirayad (المشاركة 343781)

أما تحل

كله حيبان

تمام
طيب ايه راي حضرتك فى كلامه انها حتى لو خارطه قبل كده فى الشمايز ممكن يرجعاهلى زى الاستاندرد وعلى كلامه هو ان كده افضل من الاستيراد لانه هيبقي ضامن فيها ايه بالظبط
وسالته هل مكنتى محلوله قبل كده قالى الوش كان متشال قبل كده واضح من مساميره
وبص فى الجمب كده وقالى احتمال يكون مركب جوان دوبل ؟؟؟
ورايك ايه يا بشمهندس اروح للميكانيكي الاولانى اللى هو هيظبط المكنه والفتيس مع بعض ولا اللى روحتله النهارده اللى بيقول انا مبشتغلش فى الفتيس ؟؟؟
وحتة الصوت اللى بسمعه لما بدوس دبرياج بيروح ده بلية دبرياج ولا من داخل الفتيس نفسه ؟
معلش طولت عليكم
ولكم جزيل الشكر

رد: صيانة اكسيل مانيوال 1500 cc

اقتباس:

طيب ايه راي حضرتك فى كلامه انها حتى لو خارطه قبل كده فى الشمايز ممكن يرجعاهلى زى الاستاندرد وعلى كلامه هو ان كده افضل من الاستيراد لانه هيبقي ضامن فيها ايه بالظبط

لو حليت ولقيت الشمايز ( غرف الحريق ) مجرحه من الداخل بصوره ملفته للنظر

وحتحتاج توسيع

متسمعش كلامه

وهاتلك مكنه أستيراد بفتيس أستيراد

لأن ده أفضل ليك

رد: صيانة اكسيل مانيوال 1500 cc

اقتباس:

المشاركة الأصلية كتبت بواسطة samirayad (المشاركة 343908)

ربنا يكرمك يا بشمهندس سمير

رد: صيانة اكسيل مانيوال 1500 cc

اقتباس:

انا روحت لميكانيكي اخر النهارده وقالى نفس الكلام انه مش هيتحدد شئ الا لما المكنه تتحل ويبان فيها ايه ومحتاجه نص ولا عمره كامله ؟؟؟؟

طيب تمام ..

اقتباس:

وله راى برضه فى موضوع العمره انها افضل من المكنة الاستيراد لانك ممكن تشتريه وتمشي بيها شهرين تلاته مثلا وترجع تعمرها

هههههههههه

ده طبعا شغل ميكانيكية يا كبير ..

اكيد طبعا هيقولك ان العمرة افضل علشان يشتغل ويقبض مصنعية اكتر ..

انما لو جبتله مكنه جديدة المصنعية هتقل جامد ...

اقتباس:

وبيقول حتى لو خرطت قبل كده لكن متكونش الخرطه الاخيره عادى تعمرها افضل من انك تشترى مكنة استيراد بطيخه مقفوله

كلام مش مظبوط لأنك لما بتجيب مكنه بتاخدها مع اتفاق تجربة لمده شهر مثلا .. وفى الشهر ده بيبان حاله المكنة معاك بالتأكيد ..

هو اساسا لو هو كان صنايعى شاطر كان قالك انا هعرفلك حالتها مبدئيا وهى على الارض .. مش يقولك بطيخة مقفولة ههههههههه

ده كلام صنايعى فاشل ...

اقتباس:

وقالى ان وش مكنتى اتحل قبل كده باين من مساميره وبص من تحتها من الجمب وقالى احتمال كبير تكون مركبه جوان دوبل

ربنا يستر بقى والوش ميكونش مقفع او اتخرط قبل كده ...

عموما ممكن الوش ياخد وش مخرطة مش مشكلة اوى لانها بتتعالج بالجوان الدبل .. اهم حاجة بلوك المكنة (الشمايز والبساتم والكرنك) يكونوا استندرد ...

اقتباس:

وبخصوص الفتيس قالى مبشتغلش فيه لكن وانا حالل المكنه اديلك الفتيس توديه لعفشجي يشوفهولك
وبقوله على الصوت اللى موجود ولما بدوس دبرياج بيروح وكان رايه انه مش بلية دبرياج وان ده من داخل الفتيس نفسه
وبيقول ان لو بلية دبرياج كان يحصل العكس انك لما تدوس دبرياج الصوت يجي مش يروح ؟؟؟؟؟؟؟؟؟

بصراحة اوى مره اشوف ميكانيكى مش بيشتغل فى الفتيس هههههههه

لأ ويقولك وديه لعفشجى ههههههههههههه

سيبك من الفاشل ده احسن العمليه مش ناقصة ..

والصوت ده من بلية الدبرياج ودى حاجة معروفه للجميع ..

اوعى تصلح عنده لان واضح كده انه فاااااشل ..

وافتكر انى قولتلك بلاااااااااااش (على رأى هنيدى)