رد: دعوة عامة و(مجانية) لحضور عيد ميلاد مصر موتورز
 

أحمد بدر باشا أنا إن شاء الله هاروح الإحتفال وأتشرف بأن تكون معى فى سيارتى ويارب تكون عارف السكة كويس لإنى معرفش الطرق فى القاهرة ، بيقولوا الطريق الدائرى وماعرفش هو فين الطريق ده ؟
وسننسق معاً على الموبايل باذن الله

رد: دعوة عامة و(مجانية) لحضور عيد ميلاد مصر موتورز
 

كل عام و مصر موتورز و القائمين عليه بالف خير و صحة و عافية و عقبال مليون سنة
كان نفسى اجى واتشرف بمعرفتكم وخصوصا استاذ حازم والدكتور تامر والاستاذ ابو نورا
حقيقى انا مشتركة حديثة بس فعلا استفدت كتير من المنتدى والمشتركيين فيه
بس انا لسه مشترتش عربيه علشان اجيلكوا الحفلة بيها هاهاها

رد: دعوة عامة و(مجانية) لحضور عيد ميلاد مصر موتورز
 

اسمح ليا اني ارد علي حضرتك يا باشمهندس لحين حضور حد من القاهره يشرح احسن مني:)
حضرتك بعد ما تخلص الطريق الصحراوي و تعدي البوابات
حتلاقي المحور معدي من فوق حضرتك بالعرض
تنزل من تحته و بعدين تطلعه في الاتجاه اليسار ما تكملش علي طول
و بعدين حتفضل ماشي حوالي 10 او 11 كيلو حتلاقي يافطه مكتوب عليها الطريق الدائري يمين
تلتزم اليمين و بعدين تدخل الفتحه دي
و تفضل ماشي علي الدائري حوالي 30 كيلو
حيقابلك نفق المطار تنزل من تحته عادي و تكمل
و بعدين حتمشي في نفس الاتجاه لا شمال و لا يمين لحد ما تنزل نفق تاني
حتطلع من النفق التاني حتلاقي اكاديميه الشرطه علي شمالك
لحد ما تلاقي صينيه تلف الصينيه و ترجع
بعد كده بقي حتلاقي الخرايط الموجوده في اول صفحه تشرح الباقي
لاني مش عارف غير لحد هنا :)

رد: دعوة عامة و(مجانية) لحضور عيد ميلاد مصر موتورز
 

شكرا ياباشا على الدعوة الجميلة بس انا مسافر بالعربية لانى كدةكدة كنت مسافر اغير كبالن بس لما عرفت ان عيد ميلاد مصر موتورز مقدرش ما روحش واجلت انى اسافر وقلت اعمل المشوارين مع بعض ممكن نتقابل بعد الكارتة وندور مع بعض او نتوة مع بعض ربنا يستر

رد: دعوة عامة و(مجانية) لحضور عيد ميلاد مصر موتورز
 

دى وصفه سهله
دى وصفة هايلة
والله فكرتنى برائعة صلاح جاهين الليلة الكبيرة !!!!!!