مصر موتورز مجتمع السيارات - أي مشكلة في السيارات الجيب Jeep ضعها هنا وسوف نساعدك علي حلها ان شاء الله

مصر موتورز مجتمع السيارات (https://www.masrmotors.com/vb/index.php)

- جيب Jeep (https://www.masrmotors.com/vb/forumdisplay.php?f=51)

رد: أي مشكلة في السيارات الجيب Jeep ضعها هنا وسوف نساعدك علي حلها ان شاء الله

لو العربية مستعملة يبقي صعب التكهن بذلك
لكن لو العربية جديدة ممكن تقعد معاك 10 سنوات بدون مشاكل

بالمناسبة العربية اللي بتشتغل بنزين (مصممة علي البنزين) بس انا ضد تحويلها لغاز حتي لو هيوفر لانك اللي هتوفرة في سنين هتدفهة مره واحدة

والله اعلي واعلم

رد: أي مشكلة في السيارات الجيب Jeep ضعها هنا وسوف نساعدك علي حلها ان شاء الله

اقتباس:

المشاركة الأصلية كتبت بواسطة ahmedraafat00 (المشاركة 929902)

شكرا يا فندم عالموضوع المميز ده
انا عربيتى جيب شيروكى اربعه سلندر 93 اليومين اللى فاتوا كنت سايبها عند الميكانيكى اسبوع وعلمت صيانه كويسه غيرت حاجات كتير تالفه وحاجات مكنتش موجوده اصلا زى مصامير وطبات وكده بس انا من النوع اللى مش بجيب الحاجه بنفسى بسيب الميكانيكى يشترى وبحاسبه فى الاخر فكنت عايز حد بيفهم فى اسعار قطع الغيار يقولى الاسعار دى مظبوطه ولا انا بيضحك عليا
الحاجات اللى غيرناها واسعارها كالتالى :
طرمبه ميه =300 جنيه
اسبراتير = 450 جنيه
3طبات ميه =75 جنيه
2 رشاش = 100 جنيه
كتاوت دنمو = 120 جنيه
2 مساعدين شنطه = 280 جنيه
فلتر بنزين = 50 جنيه
فيش وكتاوت كتير أتغيرت اخد عليها = 200 جنيه
مسمارين كبس شكمان = 50 جنيه
عشر مسامير فرن = 100 جنيه
بلية شداد = 25 جنيه
مصنعيه الكهربائى اللى رمم الضفيره اللى فوق جنب الموتور = 300 جنيه !

هوه انا محدش بيرد عليا ليه ؟
طيب لو محدش عنده اجابه على الأقل يكون فى تقدير للبنى ادم اللى دخل ده وحد يرد يقول معنديش فكره عن الاسعار انما ليه التجاهل ده ؟
عالعموم شكرا وأسف انى علقت عالموضوع ده وازعجت حضرتكم

رد: أي مشكلة في السيارات الجيب Jeep ضعها هنا وسوف نساعدك علي حلها ان شاء الله

يا استاذنا العزيز مفيش اي مشكلة الواحد بس لما بيدخل علي الموضوع بيشوف اخر مشاركة او اخر مشاركتين وبيكمل - فضلا اعذر سهونا واحنا اللي اسفين لحضرتك
يفضل الاستفسار علي الاسعار قبل الشراء لكن بعد الشراء لو فيه غلو في الاسعار هتضايق جدا وتزعل - المهم ان العربية كويسة معاك والحمد لله
وعلي الرغم من كده انا هقولك --- بس يا سيدي الفاضل اسعار قطع الغيار مناسبه كلها فيها ذياده من 150 - 200 جنية بس دا من حق الميكانيكي ( مواصلات - غدا - وهكذا ) ودا طبعا لانك مشترتش حجتك بايدك
وكمان مصنعية ترميم الضفيرة مناسب جدا 200 جنية - بس احب اوضح حاجة - حالة الضفيرة ايه يعني فكها بالكامل وشيك عليها ولف عزل حراري عليها وكان فيه اسلاك مقطعة مش مضبوطة يبقي 250 حلو قوي (يعني حسب الحالة )
وفي النهاية والاجمالي كده كويس جدا جدا لانك من النوع اللي بيريح دماغة (زي ما انت ما قلت) فكده مناسب جدا
واعذر سهونا مره اخري وبارك لك الله في سيارتك

.

رد: أي مشكلة في السيارات الجيب Jeep ضعها هنا وسوف نساعدك علي حلها ان شاء الله

اقتباس:

المشاركة الأصلية كتبت بواسطة romeoalmansour (المشاركة 930830)

شكرا يا فندم عالرد والافاده
وانا كمان أسف على أسلوبى الحاد وسوء الفهم اللى حصل
حصل خير
بالنسبه للضفيره هوه مطلعهاش بره هوه الجزء اللى اشتغل فيه هوه الجزء اللى جنب الموتور وبيبقى عليه زى مسطره حديد كده الجزء ده كان سئ جدا ومشعر وهوه ظبطه وحط عليه شيكارتون وعمله عزل

رد: أي مشكلة في السيارات الجيب Jeep ضعها هنا وسوف نساعدك علي حلها ان شاء الله

اقتباس:

المشاركة الأصلية كتبت بواسطة ahmedraafat00 (المشاركة 930854)

الحمد الله انك رضيت عننا
السعر في مجملة كويس بس شغل الضفيرة بالوضع دا المفروض 200 جنية ويمكن اقل كمان
علي العموم كدا كويس جدا واهم حاجة انك راضي عن اداء العربية ولو فيه أي مشكلة اتفضل قولها وان شاء الله نساعدك - والحمد لله انك مش زعلان مننا

والله العظيم اعلي واعلم

.