مصر موتورز مجتمع السيارات - تعديلات فيات (موضوع متجدد ) 132&131

مصر موتورز مجتمع السيارات (https://www.masrmotors.com/vb/index.php)

- 124 و 125 و 131 و 132 (https://www.masrmotors.com/vb/forumdisplay.php?f=218)

- - تعديلات فيات (موضوع متجدد ) 132&131 (https://www.masrmotors.com/vb/showthread.php?t=93146)

رد: حلقة جديده من مسلسل التعديلات فى الفيات

اقتباس:

المشاركة الأصلية كتبت بواسطة محمدصلاح القاضى (المشاركة 747879)

ياباشا فكرة الكاوتش دى فكرتى والحمد لله عامله معايا الصح عمرها مقطعت منى او حصل فيها قطع اكتر حاجه حصلت ليها انها تنخرم من المياه السخنه والكلام دا بيحصل نادرااا واكيد لاحظت حضرتك انا ازاى مركبها كويس على الزور بحيث ان الكوليه مع الخرطوم يمسكها تمام

انا كنت مركبها قبل عمره الموتور وبعد ما اتعمر وهما بيركبوا الظاهر حرفها فلت ومش ركبت جامد فحصل اللى قولته

رد: حلقة جديده من مسلسل التعديلات فى الفيات

اقتباس:

المشاركة الأصلية كتبت بواسطة michohat (المشاركة 747924)

انا كنت مركبها قبل عمره الموتور وبعد ما اتعمر وهما بيركبوا الظاهر حرفها فلت ومش ركبت جامد فحصل اللى قولته

تمام كدا طمنت قلبى

رد: حلقة جديده من مسلسل التعديلات فى الفيات

اقتباس:

المشاركة الأصلية كتبت بواسطة محمدصلاح القاضى (المشاركة 747599)

(بسم الله)

السلام عليكم جميعا

النهارده معايا تعديل لاى عربيه فيات 2 كامه وبتسخن فى الحر دا
والموضوع دا عشان اخويا وحبيبى ايمن ((AIMOO))
طبعا كلنا عارفين شكل ماتور عربيتنا وشكل دورة المياه فيه
ولذلك انا هتكلم مباشرة فى التعديل

اولا دى صوره مجموعه خراطيم المياه الواصله بين الريداتير وطرمبة المياه

http://a7lashare.com/viewimages/c4a4e73b1f.jpg

وهى دى السبب فى المشكله كلها
طيب فى ناس هتسأل وتقول دا انت كلامك غريب اوووى
ارد واقول طبعا كلنا عارفين اتجاه دورة المياه فى الموتور من الريداتير من اسفل الى طرمبة المياه سم يأخد دورته فى الموتور متجها للخروج من اعلى عند الكوعه بتاع وش السلندر اللى شكلها عامل زى حرف ( T ) وبعدين تدخل الريداتير من فوق وهكذا
ودى شكل المجوعه اللى فوق عند وش السلندر

http://a7lashare.com/viewimages/9518ec387d.jpg

والمشكله كلها فى الناحيه اليمين لحرف ( T ) طيب ليه بقى
لان الخرطوم اللى واصل فيها متوصل مع الطرمبه فى الكوعه زى اول صوره ما شرحت بالظبط

وهنا بقى مربط الفرس زى مابيقولوا
كلنا عارفين ان الطرمبه المفروض انها بتسحب مياه بارده عشان تبرد الموتور لكن الخرطوم دا بيخليها تاخد مياه سخنه لانه متوصل على نفس الكوعه بتاعت المياه السخنه اللى خارجه من الريداتير وبالتالى تبقى الدوره شغاله بنسبة 50 % مياه بارده على مياه سخنه
ودا شكل الكوعه تانى عشان نفتكر مع بعض

http://a7lashare.com/viewimages/0ac2145d85.jpg

وهنا بقى هنبدأ الشغل والتعديل

احنا هنجيب كاوتش داخلى ( شنبر ) بتاع عجله من عند العجلاتى ونقص حته مفيش فيها قطع او اى حاجه ونقص مسافه 5 سم / 10 سم وبعدين نعقدها من اى اتجاه ونجيب سلك رباط ونأكد على العقده ونربط عليها سلك رباط مره واتنين عشان متنزلش نقطة مياه سخنه
ودا هيبقى شكلها النهائى

http://a7lashare.com/viewimages/0974f76714.jpg

كلنا شوفنا شكلها كويس
هبدأ نركبها على الفتحه بتاعت الكوعه فى الناحيه اليمين كل شغلنا فى الناحيه اليمين

بالشكل دا

http://a7lashare.com/viewimages/c2dc288ccf.jpg

طبعا هتبقى ضيقه على شفة الكوعه نوسعها براحه بالمفك لحد ما تركب كويس جدااا
بس خلى بالكم احين تنقطع وتبقى زى قلتها

وبعدين نركب الخرطوم تانى بالشكل دا وبرضه واحده واحده احسن تنقطع

http://a7lashare.com/viewimages/b8e992d163.jpg

كدا تمام ونكمل تركيب الخرطوم كويس جداا بالشكل دا

http://a7lashare.com/viewimages/72cec5b696.jpg

وبعدين نربط الكوليه الحديد تانى كويس جداا
زى الصوره

http://a7lashare.com/viewimages/8788c783ed.jpg

ونفتح غطا الريداتير ونزود مياه لو العربيه كانت سخنه ندورها ونزود مياه

وابقى قابلنى لو مسكت حراره
فى واحد هيقولى عربيتى مش بتسخن ومش معدل كدااا هقوله لو عربيتك بتسخن نص نص مع التعديل انسى السخونيه خالص
فى واحد هيسأل ويقول طيب ليه انت بتعدل فى حاجه اصليه وبتاعت العربيه وهى متصممه على كداااا هقوله برضه العربيات دى كانت بتيجى من ايطاليا وهناك كان الجو برد معظم شهور السنه وكانم بيحتاجوا ان العربيات تسخن عشان تستحمل البرد فكانوا بيصمموا المواتير بالشكل دا لكن عندنا هنا الجو مختلف تمام حر معظم شهور السنه

يارب اكون فيدتكم جميعا والتعديل دا والله من عندى انا مش من عند حد
ويارب اشوفكم بخير ديما ونتقابل على خير وفى الخير

ومنتظر استفسارتكم
والسلام عليكم ورحمة الله وبركاته

ازيك يا محمد شكرا جدا علي التعديل ده وان شاء الله اعملو يوم السبت واقولك النتيجه واحييك علي خبرتك الجميله دي
وربنا يجعلها في ميزان حسناتك
وربنا يدوم الموده بينا

رد: حلقة جديده من مسلسل التعديلات فى الفيات

اقتباس:

المشاركة الأصلية كتبت بواسطة aimooo (المشاركة 747961)

الله يخليك يا ايمن وربنا يجمعنا على خير تانى

وياريت تجربها وتقولى ايه النتيجه ومش بس انت لوحدك ياريت اللى عنده ماتور 2 كامه يجربها ومش هيخسر حاجه هو مشوار واحد وهيحس بالفرق ع طول

وانا معاكم وفى انتظار اى استفسار وايه رأيكم النهارده بقى عربيتى ضربت ساعة حراره المروحه ومش متشتغلش لا اول اشوفها تفضل شغاله طوالى ودا لاحظته وانا لسه بسخنها الصبح مفيش 10 دقايق ولقيت المروحه اشتغلت انا طبعا عارف عربيتى جداااااا فتحت الريداتير المياه لسه بارده فهمت ان الساعه اللى ضربت فصلت سلكها من تحت والمروحه فصلت وتخيلوا بقى انى امشى مشوار فى عز الحر الساعه 12 الظهر وامبير الحراره معداش ال70 كله دا بسبب الكاوتشه دى والعربيه كانت ماشيه مش افل من 2 ساعتين مشى

والله لو جربتوها هتريحوا بالكم من الحراره خالص
وانا كنت ناوى اعملها لايمن يوم ما كنت معاهم لكن انشغلنا فى عربيه احمد صادق ونسيت عربيه ايمن خالص
لكن متعوضه يا ايمن ان شاء الله واقدر اخدمك فى حاجه

رد: تعديلات فيات (موضوع متجدد ) 132&131

هيا الصور دي من عربيتك؟
لاني عاوز استفسر عن شئ في اول صورة
وهو حاجه ظاهره علي اليمين زي فلتر التكييف كده هل عربيتك مكيفه؟ ولا دي من تجهيزات الغاز مثلاً
لاني ان شاء الله عاوز اكيف العربية