مصر موتورز مجتمع السيارات - حكايه صديقى والسياره الملعونه-2 روايه رعب واثاره وتشويق

-35-
اتصل بى رشدى وطلبنى ان أكون جاهزا على عجل فهو فى طريقه الىّ للذهاب الى القسم لمقابلة المقدم سعيد الذى استدعاه على عجل وطلب احضار السيارة فورا للاهمية
ذهبنا وجلسنا
قال الرجل:
-أخيرا يا بطل00
طلبك لقيناه
قال رشدى:
-مش فاهم سعادتك
-الراجل صاحب الصورة اللى حاول يقتلك 00
مشرف عندنا00انا دلوقتى ح أعمل عرض عشان تتعرف عليه
-صحيح سعادتك
-طبعا
-بس فيه حاجه حصلت بره مش فاهمها
-خير يا عم رشدى
-واحد ظابط خد منى مفتاح العربيه بره!
-متقلقش ح تفهم كل حاجه بعدين
جاهز ندخل العرض
-اتفضل سعادتك
ودخل طابور العرض ولم يكد يكتمل حتى قفز رشدى يمسك بتلابيب أحدهم!
رواية حكايه صديقى والسيارة الملعونه-د0تامر محمد
صرخ فيه:
-هوه ده سعاتك
أشار المقدم للامين بيده وانصرف الجميع ماعدا الرجل00
قال المقدم:
-ايه رأيك يا سيد؟
أجاب بصفاقة:
-معرفوش جنابك00أول مرة أشوفه!
انتفض رشدى:
-متعرفنيش يا ابن ال0000
صمت لسانه فى آخر لحظه وهو يكبت غضبه بصعوبة بالغة
أشار المقدم للامين بأخذ الرجل قائلا:
-انت وقعت يا سيد المرة دى محدش ح يرحمك
انصرف الامين بسيد بينما ألتفت لنا المقدم بالحديث:
-الموضوع طلع كبير جدا ياشباب
وأغرب مما تتصوروا
قلت:
-أنا نفسى أفهم سعادتك00ايه اللى حصل
قال:
-الراجل ده بلطجى ملوش سابقه عندنا00جديد فى الموضوع00
بيتأجر لعمل عمليات لصالح تجار ورجال أعمال مقابل قرشين
وفى الفترة الاخيرة بعد ما حسن وقف على رجليه ف السوق بعد الانهيار اللى حصل له00
اتأجر أخونا سيد لتخليص حقوق00منهم انه يخلص من عربيتك ويبعدك عنه
-قال رشدى مندهشا:
-حسن0000؟!!!!!!!!!!!
قلت:
-آخر حاجه ممكن الواحد يتوقعها
قال المقدم:
-هوه ماكنش عايز يخلص منك بمعنى يقتلك لكن كان عايز يبعدك عن العربيه ويخلص منها هيه
قلت:
-شىء غريب !
قال رشدى:
-ابن ال00
ليه كل ده؟
حكايه صديقى والسيارة الملعونه
تأليف\د0تامر محمد-خاص بمصر موتورز
ضحك المقدم:
-لان العربيه بتاعتك فيها جهاز متقدم جدا يخص المخابرات
رشدى:
-ايه؟
-بقالنا كذا يوم بنحل فى أغرب لغز اتعرضنا له00وطلع موضوعك يخص امن الدوله والمخابرات00تخيل!
رشدى:
-يانهار أسود!
قلت:
-بالراحه علينا شويه سعادتك كل حاجه اتلخبتت انا ما بقتش مجمع
قال المقدم:
-نقول الموضوع من الاول
العربيه اساسا بتاعت ست عميله للمخابرات فى دوله أجنبيه معادية وبعدين اتقلت ف العربيه لسبب غير معروف طبعا
جت من هناك على تركيا ومنها لبورسعيد وبعدين اشتراها وخلصها عادل
والاخ عادل كان عميل لهذه الدولة!
والعربيه دخلت مصر وهيه مجهزه بجهاز سرى متقدم جدا للتجسس بالصوت والصورة ومتصل بالقمر الصناعى00
بعدين عادل خلص منها بعد ماقتل مراته وبقى عنده دخل كبير بيصرف منه على المخدرات والقمار وخلافه00وانفضت علاقته بالمخابرات لسبب غير معروف00اما تم تجميده او كان فيه شىء تانى غامض منعرفوش
وبعدين باع العربيه لحسن وده موضوع كبير!
قلت:
-معقول كل ده؟!
وماحكاه المقدم بعدها كان أغرب وأغرب
جميع الحقوق محفوظه للمؤلف00يحذر النقل او الاقتباس او التحويل الى عمل فنى والا تم اللجوء للقضاء فالروايه مسجله باسم المؤلف
تتبع باذن الله