رد: رابطة ملاك ومحبى السفينه فيات 132
 

111111
:fun_36_3_11[1]:

رد: رابطة ملاك ومحبى السفينه فيات 132
 

مساء الفل على احلى رابطة واجدع اعضاء فيها
وتحية خاصة لــــ اتش - والقاضى - ومصطفى - وايمن - ومستر ادمايرز
اولا انا كنت متابع الرابطة اول بأول بس مكنتش بقعد كتير وده بسبب بداية الدراسة ودى اخر سنه ادعولى بقى
المهم العربية عندى مركونة من حوالى شهر ونص لانها كانت عايزة تتفحص وتتجدد الرخصة ومصطفى ربنا يخليه اتصل بى وقالى على الحوار ده وفهمنى النظام بس المشكلة انى مكنش معايا فلوس كفاية .
والحمد لله ربنا كرمنى اليومين دول بمبلغ 2200ج بس لاقيت العربية عاوزة شوية شغل فيها ومش عارف اذا كان المبلغ ده هيقضى الشغل الى فيها ولا لا
والشغل الى عايزاه العربية هو كالاتى:-
اولا تجديد الرخصة وفحص السيارة
2- شغل سمكرة ودوكو علشان البارومة الى فيها ( عموما هى شكلها مقبول بس فى حبه بارومة فى الابواب من الداخل)
3- شكمان كامل بالمشترك ( علشان الشكمان الى فيها منتهى من زمان )
4- بوجيهات وابلاتين وكوندنسر ( علشان العربية سحبها قل اوى الايام دى)
5- تيش عجل امامى ( وده علشان التيش اتكسر منى من حوالى شهرين ولحمته لحام )
6- مساحات لزجاج الامامى ( لان المساحات القديمة متكسرة ومش هينفع تركب تانى )
7- غيار زيت وفلتر ( علشان العربية كانت مركونة والزيت انا حسيته خف شوية)

المهم انا كنت عايز اعرف ايه المفروض اعملة بالترتيب والاهمية يعنى ابتدى باى حاجة الاول
كنت عايز اعرف المبلغ الى معايا هينفع اعمل بيه الحاجات دى ولا مش هيقضى وكنت عايز اعرف اسعار الحاجات دى

ياريت تنجدونى لانى عايز اخلص من الحوار ده لانى انا معايا 3 ايام بس والمفروض اخلص فيهم كل حاجة

معلش انا طولت عليكم والف شكر ليكم ولتعبكم معايا

رد: رابطة ملاك ومحبى السفينه فيات 132
 

والله يبنى فعلا دى كانت اول مرة اعرف ان اسمة طبلة
المهم الصب ووفر من غير صندوق زى السرينة من غير بووق تصدق حلوه
لاء بجد الزنة انواع فيه زنة لما تعلى الصوت وفيه زنة لما تعلى البيز بس وفيه زنة بتسمع فيها صوت الموتور ودوسة البنزين وكل واحدة فيهم ليها سبب مختلف عن التانى
وعلى فكرة السلك النحاس اقوى بس مش اى نوع (( شعر 1 او 2 ميللى )) وياسلام لو من السويدى
وفيه نوع تانى عند الكهربائية برضوه كويس والمهم برضه (( الشيلد )) اللى حوالية عشان يستحمل السخونة والفرك والشغل ده وفيه حاجات جاهزة اللى بتيجى من السماعات والتجار بيقلبوها من السماعات الاوريجنال
وموضوع توصيل السالب بالسالب والموجب بالموجب ده ضرورى طبعا والا الصوت هيبقى بطيخ يعنى لما تشغل السماعه اليمين بس هيبقى تمام ولو شغلت الشمال بس هتبقى تمام انما لو السماعتين اشتغلوا مع بعض الصوت هيبوظ ومش هتسمع بيز
والموضوع ده اسمة (( السماعه قالبه فييز ))

وان شاء الله لما ابقى رايق هعمل موضوع مفصل عن السماعات وكل ما يخص الصوتيات
ولحد ما اكتبه اللى يعوز اى حاجة يكلمنى وان شاء الله اشرحلة كل اللى يعوزه بالتفصيل
:CHUBBY~36:

رد: رابطة ملاك ومحبى السفينه فيات 132
 

السلام عليكم يا اجدع رابطة في اجدع منتدى :Bravo: ربنا يخليكوا لل 132 والله
انا كنت لسا جديد نوفي في موضوع العربيات ده و كنت بدور عل عربية ابدأ بيها و متتعبش دماغي زي ال 128 ... و من كتر كلامكوا على 132 حبيتها من قبل ما اشوفها ... بس لما جيت اسأل اقلولي متشتريهاش :cry2W9: عشان الكرونا و قطع الغيار و استهلاك البنزين و اقلولي كمان ال128 احسن .... فا انا اقولت اخود رأيكوا في الموضوع ... و استفيد من خبراتكوا ... لسا ال132 بجابروتها ولا ايه ؟؟

رد: رابطة ملاك ومحبى السفينه فيات 132
 

عامل ايه يا درش ربنا يكملك بعقلك طبعا ادي العيش لخبازه وطبعا مشكور اتش ومحمد القاضي لاعدم بخلهم بمعلومات عن السماعات بس انت كده يا معلم دبست نفسك في حوار السماعات بتاعتي ربنا يكرمني بفلوس واجيلك علطول تظبطلي الدنيا
شكر وتقديرشكر وتقديرشكر وتقدير ل اتش والقاضي ومصطفي لاهتمامهم بالموضوع

رد: رابطة ملاك ومحبى السفينه فيات 132
 

اولا ال 132 لسه بجبروتها ومفيش بينها وبين ال 128 مقارنه اساسا والموتور لو مظبوط استهلاكها عادي يعني الصفيحه 180 كيلو في الزحمه و220 في السريع
توكل علي الله بس هات حاجه نضيفه لا يقل تمنها عن 18000 ج

رد: رابطة ملاك ومحبى السفينه فيات 132
 

اولا ربنا يعينك علي مصاريف العربيه بس افضل حل من وجهة نظري دلوقتي
انك تفحص العربيه وترخصها الاول علشان هتكلفك شويه يعني ضريبة ال 3 سنين حوالي 850 جنيه وطفايه ومثلث 120 جنيه ملف فحص 3سنين 50 جنيه رشاوي 70 جنيه تأمين حوالي 170 جنيه ادي 1200 جنيه اتفرتكو وبعد كده اللي يفيض ظبط بيهم عفشه واعنل سرفيس للموتور
ولما يجيلك فلوس تاني خليهم للبويه والسمكره ومتشلش همهم انا اعملهالك بويه وسمكره وفلوسها وصلت