|
|
فضفضة رمضانية
طب خلاص هدخل في الموضوع كل عام وانتم بخير امتدادا لموضوع فضفضة جديدة وبمناسبة الشهر الكريم دة حبيت ان كل واحد يدخل الموضوع دة وبأمانة شديدة ( لو سمحت ياللي دخلت وجري علي برة استني هنا قول الاول!!!) يحكيلنا عن تغير رمضاني حصلة (جامدة دي؟) طيب بلاش تغير خلينا نقول موقف جميل جدا في الخير عجبك في رمضان لا مش معقول بقي..... كتير برضة؟ طب خلاص موقف حلو حصل في رمضان ويتميز بانه في رمضان مش في اي وقت تاني (ويا ريت بلاش انا كلت قطايف بالمكسرات لان دة موقف رمضاني استفزازي كلنا بنقف فية !!!) كلنا قبل رمضان كنا مريحين جدا واكثر ما تكون الراحة لان رمضان بيبقي زي البطارية تشحنها لطول العام وطبعا فترة الضمان مفروض كل واحد وشطارته يطلع بقي ب شهر او 2 او 6 او 11 المهم ان اوحش وقت للبطارية بيبقي اللي قبل رمضان علطول بس واحنا ف اول رمضان الشحن مش عالي اوي لسة في التليين طيب ادام شوية هتشحن اكتر وبنزين 95 وان كنت سمعت ان في 98 كمان طيب وانت بتشحن اكيدربنا كل مرة بيوريك حاجه جديدة تشحن بيها مكنتش بتشوفها قبل كدة وعلي فكرة لما تحكي الحاجه دي مش استعراض للطاعة بالعكس يمكن هي حاجه انا معرفهاش واحب انك تفيدني بيها والدال علي الخير كفاعله عموما هبتدي بحاجه صغيرة جدا حصلت بس كان لها اثر كبير في نفسي صلاة التراويح في المسجد للسيدات في حديقة بجانب المسجد ذات سور المهم ان هم بيفرشو حصير وطبعا لما واحدة بيكون معاها سجادة اما تحطها لنفسها او لو كريمة ممكن تفرشها بالعرض لحماية الجباه من الحصير امهم انا لقيت دي مسكت السجادة عايزة تفرشها بالعض ولقيتها بتقولي وسعي ؟ طيب اوسع لية يعني هي هتحطها موضوع السجود ففضلت متنحة شوية كدة وبعد ضغط وزق وجذب ....وسعت لقيتها بتحطها -اعزكم الله- عند موضع الاقدام!!! لا وكمان تنتها نصين بالطول المهم الشيخ ابتدي الصلاة وانا بقي يا سلام عارف متعة القيادة ويقولك دواسات سبور لراحة الاقدام ومقولة الراحة تبدا من القدمين بالضبط بقي هي دي هي ما شاء الله عليها استخدمت ذكاءها شوية بمعني ان اكيد الجباه مستاهلة ان الواحد يحميها من الحصير ولكن الاقدام اللي بنقف عليها اكتر فبالتالي لو ريحناها يبقي هو دة الاحسن والاريح في الصلاة (النسبة بين وقت السجود ووقت الوقوف ) يعني هو موقف بسيط بس جميل ولها الاجر في صلاتي هو دة بقي الموقف اللي عجبك ما عادي يعني شفناه كتير اوي مش جديد ولا حاجه طيب بالراحة انا اصلي اول مرة اشوفة ويمكن حد تاني مشافهوش زيي! واكيد لو حصل حاجه تاني هقول الانكار مش هيفيد ها حد عنده حاجه يقولها ؟ معلش هاخد من وقتك 3 دقايق بس في الرد واخيرا وليس اخرا اقول ولكن طبعا وبعد ردك احب اقول |
رد: عايز تمحر شقتك صح تعالي اقولك شوية نصايح
تسلم ايدك يا كورسير بس هو ايه الطى ده اصلاً
|
رد: فضفضة رمضانية
اكتر حاجه عجبتني اوي في الايام المفترجه دي ويارب تفضل كدا علي طول شكل المساجد ومقصدش الزينه والانوار اقصد اني علي طول بفضل سهران كتير وبروح في الايام العاديه اصلي الفجر في المسجد . بس في الايام دي بعد مكنا بنكمل اول صف في المسجد بالعافيه دلوقتي ماشاء الله فيه ناس بتتاخر متلاقيش لنفسها مكان ,, ربنا يجعل ايامنا كلها رمضان ][ اللهم امين ][ |
رد: فضفضة رمضانية
هوبي انا تهت
هو الموضوع عن ايه لحسن الصيام عملها معايا |
رد: فضفضة رمضانية
بارك الله فيكى وفعلا فكره حلوه وكل عام وانتم بخير
|
رد: فضفضة رمضانية
اقتباس:
بصي يا مرمر اول جملتين في الموضوع فيهم السؤال وبما اني سالت فطبيعي اني اجاوب اقتباس:
|
رد: فضفضة رمضانية
اقتباس:
حضرتك مشاركتناش بموقف رمضاني مريت بية؟ |
| الساعة الآن 11:30 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017