|
|
رد: "يوم الغضب".
اقتباس:
هأهأ هأها قال اعتقك قال ده انت حبيبي من ايام سراي القبة هههههههه الناس قلقانه ونايمة وقاعدين يتابعو الاخبار على التلفزيون |
رد: "يوم الغضب".
اقتباس:
وكنت رايح مظاهرات مويدين ايلى فى المهندسين بس الشوارع مقفولة عالاخر فرجعت تانى |
رد: "يوم الغضب".
اقتباس:
افتح الفيس هتلاقي ناس كتير عايزين يخربوها وخلاص |
رد: "يوم الغضب".
اقتباس:
يا باشا الناس اللي خرجت تأييد للرئيس مبارك خارجيين لتأييده نفسيها واحتراما له لانه مهما كان كان من ضمن ابطال اكتوبر واعترافا بالجميل ( من وجهة نظرهم ) وكمان خوفا من الانهيار اللي ممكن يحصلنا لو مرة واحده مبقاش فيه سلطة والبلد فضلت لشوية النهيبة اللي كل واحد وز يقطع حته من التورتة ويطلع يجري او واحد ظريف يروح يستند بالامريكان ويجيبهم علينا ونقعد نقاوم الاحتلال الجديد 50 سنة كمان اما اللي في الطرف الاخر لانهم غير راضيين عن النتائج اللي وصلتها الثورة الاخيرة وده طبعا غباء لان اللي عاوزينه غباء × غباء ليه بقى 1. عاوزين الرئيس يمشي (ماشي هيمشي ) 2. عاوزين نحل مجلس الشعب والشوري لانه جاي بالتزوير ( ماشي هنحله ) 3. غير راضيين عن تعيين نائب للرئيس ( ماشي هيمشي ) 4. عاوزين دستور جديد 5. عاوزين مجلس حكماء منتخب وحكومة أئتلافيه طيب ازاي مين يحكم البلد مين يمثلها مين يمشي امورها ( حتى لو افترضنا انها اصلا مكنتش ماشية قبل كده خاااااالص ) وفي الاخر مين هما مجلس الحكماء وعلى اي اساس يتم اختياره مين الحكومة الأئتلافيه وعلى اي اساس يتم اختيارها محدش يفكر في الجيش يقعد اكتر من كده لان اذا الجيش طول في القاعدة جوه الحدود بره مين هيحميها وقتها بقى هنلاقي الكيكة بتتقسم وكل واحد عاوز ياخد حته واللي مش هيقدر ياخد حته بالعافيه هيجري واحد على امريكا وواحد على بريطانيا وواحد على فرنسا وكل واح يقول الحقوني مش عارف اخدلي حته انا هعيطلكم وطبعا ده كلام مرفوض تماما مننا الصغير قبل الكبير الفاهم قبل اللي مش فاهم |
رد: "يوم الغضب".
يا عالم حرام الناس لازم ترجع بيوتها و تسيب البلد تقف على رجليها تاني و لو حزمة الاصلاحات السياسية و الدستورية متمتش ابقي ارجعو ميدان التحرير تاني احنا مش زي تونس خطاب الرئيس امبارح نسخة من خطاب زين العابدين بن علي التاني مش هترشح تاني هكمل الفترة دي و ماشي غيرت الوزراة عدلوا الدستور الراجل ده لو وحش قوي كان ركب طيارة و سابها و مشي زين العابدين ركب طيارته و خلع بس الجزائر مش عايزة تاخد حته من تونس و المغرب مش طمعانه فى تونس و ليبيا مش طمعانة فى جزء من تونس انما احنا اسرئيل سابت 800 جندي و ظابط مصري و سلاح تدخل سيناء بالتنسيق مع القيادة المصرية لحفظ الامن هناك انماء الراجل ده لو مشي فجاء مش هتبقي خراب من جوه بس هتبقي من جوه و من بره كمان هوا ساعة حادث طابا من اللي وصل الاول احنا و لا هما ايه ضمن حضرات السادة مجلس قيادة ثورة ميدان التحرير العظيم ان اسرئيل ما تدخلش رفح و طابا فى حالة هروب الرئيس او رحيل الرئيس لحد ما تشوف الدنيا رايحة فين لو الجديد كويس ترجع لو مش على مزاجها خلاص انا بأمن حدودي و ابقي خلي المجتمع الدولي ينفعنا ساعتها حرام حرام حرام فىن المخ و التفكير ياناس خربتوا بيوتنا الهي ينتقم من كل من يحاول تخريب هذا البلد و تسخين الاوضاع فيه
|
رد: "يوم الغضب".
اقتباس:
هما مش فاكرين ان العملية مبارك! المتظاهرين بيقولوا بوضوح: الشعب يريد اسقاط النظام ! لانه نظام فاسد لا يقبل العقلاء ولا الحكماء و لا الشرفاء ولا النزهاء! يقبل ذوي الثقة و يعليهم فوق ذي الخبرة! واحد مطبلاتي و لكنه حرامي و خسيس ممكن يبقى رئيس شخص نزيه و مخلص و لكنه مش مطبلاتي! هي دي الصورة اللي نشأنا عليها من صغرنا و ناس كتير اضطروا انهم يطبلوا و يزمروا غصب عنهم علشان يكون ليهم عيشه وسط القذارة اللي ملت البلد!!! النظام اصبح زي السرطان و تمسك مبارك بالحكم ليس لاي هدف اللا لتمهيد الحكم لذي ثقة بعده يتستر على الجرائم التي ارتكبت في عهده! و عمر ما كان مبارك حيوافق على الغاء مجلس الشعب لانهم كلهم ماسكين لبعض ذلل!!! و الفضايح ممكن تنتشر!! في حد يتخيل ان وزير الاعلام يفضل في منصبه؟ مش هوا ده خلال اول 3 ايام من المظاهرات الشعبية كان بيذيع اخبار المظاهرات ....... في لبنان و اليمن!!! مش هوا ده صاحب قرار قطع الانترنت و المحمول و الرسائل النصية؟؟؟؟ مش هوا ده اول من اذاع الفوضى مساء الجمعة عن طريق مداخلات نسائية تصوت في التليفون و تقول الحقونا و ضرب نار ! لتفريق المتظاهرين!! هو ده اللي موداش كاميرا واحده صوب ميدان التحرير خلال 8 ايام!!! و لما شوية شمامين و عربجية عددهم لا يزيد عن 200 واحد لموهم من الشوارع امام ماسبيرو الكاميرا قعدت تصور فيهم 3 ساعات و تعمل زوم ان و اوت و تصورهم من كل الزوايا!!! و تلمح في الخلفية رجال بملابس رسمية يحاولون تنظيمهم و لكن ظلت الفوضى سيمتهم!!! ده وزير ينفع يظل وزير الاعلام؟ ده اكبر دليل على حرية الصحافة و الديموقراطية التي ستشهدها مصر خلال ال 8 شهور القادمة و ما تليها! وزير الخارجية!!! حد يصدق انه يظل في منصبه! دا حتى اعضاء الحزب الوطني كانوا بيشتكوا منه انه حاطط وش مصر في الطين خارجيا! مصريين يقتلوا في الخارج, و انا مالي! مصريين تنتهك حقوقهم, مليش دعوة, مصريين يسجنوا بغير وجه حق, محدش قالهم يسافروا و من خرج من داره قل مقداره!!! هو دا وزير كان ينفع يبقى موظف في سفارة حتى؟ فين كرامة المصري بالخارج؟!؟! فين شرف مصر و عزتها! طبعا عارفين وزيرة القوى العاملة و دي بالذات كان لازم تفضل لحصولها على اعلى الشهادات العلمية "الابتدائية" و ربنا يخليلها سوزان تبوسلها ايديها كمان و كمان! جايز تبقى رئيسة وزرا يا جماعة الكلام كتير! بس انتوا تعبتوا و عايزين ترتاحوا , بس بلاش تهاجموا اللي لسه فيهم نفس يقولوا لأ للظلم! عيب حرام مش احنا! لو صعبان عليك مبارك لازم يصعب عليك 300 واحد اتقتلوا في يوم واحد بقناصة مبارك! ليهم اولاد و اطفال و اهل و اسر احنا مش بنقول نعدمه او نقتله لا سمح الله! احنا بنقوله كفاية, ارحل , حرام, عيب! خليك في مصر بس تنازل لشخص يختاره الشعب الحر و ليس الشعب المسير! ليس موظفي مصانع الدولة و قطاعاتها الذين يساقوا كالانعام ليختاروا من تم اختياره بالفعل! انت صعبان عليك مبارك و مش صعبان عليك الفشل اللي البلد فيه! احنا ليه محصلناش الهند و دول اسيا! ليه حتى محصلناش قطر و الامارات! لان 30 سنه البلد كانت في تلاجه! في شباك عنكبوت مكتفها و بيمتص دمائها ببطىء بينما باقي الدول بتحلق و بترفرف بجناحين احدهما الحرية و الاخر الديموقراطية! انا صعبان عليا 30 سنه من عمري قضيتهم في رعب و ظلم و خوف! اللي بيقول حرام : فكر قبل ما تقول! اللي بيقول ندي فرصه! هوا كده كده حياخد فرصه غصب عننا لان الجيش وراه! بس ابقى قابلني و انتوا بتعيطوا بدل الدموع دم! و حتى حيمنعوكوا انكم تعيطوا للعلم رئيس المحكمة الدستورية يمكن له الامساك بزمام الرئاسة حتى حدوث انتخابات ديموقراطية لاختيار رئيس جديد للبلاد! |
رد: "يوم الغضب".
|
| الساعة الآن 09:19 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017