رد: حقوق المواطن فى اقسام الشرطة
 

يا دكتور ايمن مش مهم انا يهمني ان فيه 90 ألف عضو على الاقل هيكون فيه الف منهم محتاجين مشورة قانونية او حتى توجيه يروحوا فين ويجوا منين شوف الموضوع ده دخله لغايه دلوقتي 168 واحد وما يستجد كمل جميلك بقى وفيدهم من علمك
يرضيك يعني تضيع الكام حسنة اللي هينوبوك من الموضوع ده
GIFT4UGIFT4UGIFT4UGIFT4UG IFT4U

رد: حقوق المواطن فى اقسام الشرطة
 

مع احترامى لحضرتك الكلام ده مش صحيح الناس بتتعذب فى الاقسام وانا شفت ده بنفسى
وامناء الشرطه معدومين الضمير واىحد ممكن يشتبهو فيه ميخلصش منهم الا هوا مايت يبقى فين الامان

رد: اسعار وكراسة اشتراطات قرعة الاراضي بالمدن الجديدة
 

عليك يا باشا وعلى هيئة المجتمعات العمرانية ،، لو في حد مضايقك والقانون سامح وهو معصلج معاك في الجهاز او الحي ،، طبعا ده اذا كان قانوناً مسموحلك بحاجه واللي بيراجع الرسومات مش عاوز يمشيها اياكش يكون مدير التراخيص بنفسه
حتقدم طلب في هيئة المجتمعات العمرانيه خلال اسبوعين تلاته بالكتير حيراسلوهم هم وتمشي الموضوع من فوقيهم (( طبعا بردو على حسب الاشتراطات واللوائح للمنطقة اللي انت تابع ليها ))


هو يفضل وأأمن طبعا انك تعمل جسات للأرض بتاعتك عشان تشتغل صح وما يحصلش اي هبوط في الاساسات يقلق ، يعني على سبيل المثال ودي بتحصل صدف وبتبقى حظوظ
عادة الناس يا اما بتضرب تقرير الجسه ، يا إما بتاخد تقرير جسة للتربه من الارض اللي جمبهم ويحددو نوع التأسيس بتاعهم على ضوء الدراسة دي ويكبرو دماغهم ،،
فصادفت مره ان واحد حفر وابتدي يبني وتقريبا شبه ما جه يخلص الهيكل الاسود بتاع المبنى ، اكتشف ترييحات جامده في جمب من جوانب المبنى بتاعه ، وبعد الدراسه والمعاينة اكتشفو ان نص الارض عنده كانت صخريه وبقيت الارض كانت طفلية ، ودي يعني بتحصل نادر ان تكون ارض كده فيها تربه متنوعه ،، فطبعا طريقة تصميم الاساسات هنا وهناك المفروض بتبقى مختلفة مش زي بعضها ، فعشان كده حصلتله مشاكل وخساره ووجع دماغ كان في غنى عنه .
فعشان كده يفضل عمل جسات للتربه بشكل عشوائي في كذا نقطه من الارض عشان يطلع الشغل مظبوط.
وتحياتي للجميع ،،

رد: اسعار وكراسة اشتراطات قرعة الاراضي بالمدن الجديدة
 

يا باشا الموضوع ده في ارض لينا في البلد الوالد كان عاوز يبنيها وبقالنا فترة مش عارفين نرخصها وانت عارف الاراضي في المناطق السكنية بتكون غاليه ازاي بتاع المجلس عاوز يخليني اسيب 6 متر عرض الشارع ليه ياعم القانون بيقول اني اشيل النص بس ( يعني انا اشيل 3 وجاري يشيل 3 والجار سايب متر ونص بس ) يقولي لأ هو كده انت هتشيل 6 متر كلهم طلعنا على الوحدة المحلية قالو نفس الكلام طلعنا على مديرية الاسكان كل مهندس يحدف على الثاني والثانى على الثالث وهكذا وفي الاخر خالص واحد ادانا فتوى هايلة خاااااااااالص بيع الارض وارتاح منها شوفت اكتر من كده استعباط

اما بقى الكلام اللي في الاول على البناء في المدن الجديدة فكان لواحد صاحبي وكنت انا كمان بفكر فيها لكن الوالد اصر على موضوع البلد ده وطبعا متقدرش تقول لأ

رد: اسعار وكراسة اشتراطات قرعة الاراضي بالمدن الجديدة
 

هههههههههههه ،،، لا عادي يا باشا خد من ده كتير هم دايما كده كل واحد بيخاف من المسئولية فبيروح رامي على غيره ، عشان هو اللي حيمضي على الورق
بس انا معلش لسه بردو عند رأيي وبجد نصيحه ليك مش حتخسر حاجه عشان انت كده حترجع للوزاره نفسها اللي عملت القوانين اللي هم ماشيين عليها كلهم
جرب مش حتخسر حاجه وشوف
ربنا يعينك عليهم وبالتوفيق يا ريس

رد: اسعار وكراسة اشتراطات قرعة الاراضي بالمدن الجديدة
 

مهو المشكلة ان مفيش حد عاوز يديني رفض على الطلب كله بيعمل التقري تم المعاينة والارض تقع في الكردون المباني علشان يخلي مسئوليته
وانا سألت دكتور أيمن قالي ان ممكن اروح المحكمة وهناك فيه لجنة الموضوع يخلص في اسبوع لكن برضة نرجع لنقطةلاصفر محدش عاوز يدين رفض على الطلب
الطلب موافقين عليه لكن الردود في الرسم الهندسي والرسم الهندسي محدش عاوز يرفضة ودنك منين يا جحا

رد: حقوق المواطن فى اقسام الشرطة
 

متابع ... بس للامانه فيه الايجابيات وفيه للاسف السلبيات ..ولا غني عن مجهود الشرطه
ومع الدكتور ايمن ان طالما سليم محدش يقدر يلمسك وحتي لو في مشكله واستدعت وجود الشرطه هيعاملوك بقدرك مش عشان تعرف حد او وسطه...
فكره السلبيات يا اخوانا مش في اغلب الظباط ..
انما المشكله مع امناء الشرطه وطرقهم الغير انسانيه في التعامل مع ان فيهم الكويس ..بس للظروف احكام ... يعني لو الظابط بيتعامل مع بلطجي او مجرم وثبتت ادانته ليه حق اللي يعمله فيه بس زي ما قولت للاسف امناء الشرطه بيستغلوا النقطه ديت وبتحصل بعض النشوز زي شاب الاسكندريه او او ... وديت المفروض المذنب في مقتله يعاقب ويتعامل كمذنب ...
واسف للاطاله .
وارجو من الدكتور ايمن انه يكمل موضوعه ..