رد: رابطه ( قول معاك كام و انا اقولك تجيب ايه بفلوسك )
 

الإخوة الأفاضل teffa85 و herlom أتمنى إن رأيي يضيف جزء من الحل لحيرتكم , أنا شايف إن أول عربية خاصة بالتأكيد تكون مستعملة طبعا و يفضل تكون حاجة متداولة جدا و قطع غيارها رخيصة علشان ماتتعبكومش , يعني حاجة كوري أو ياباني بالكتير في حدود موديلات من 98 ل 2004 مثلا و بالنسبة للقلق من المستعمل فا ده حله إنك تستعين بأي شخص من معارفك الكبار أصحاب الخبرة و تكشف عالعربية كشف شامل (شاسيه , موتور , دوكو , و كهرباء بالكمبيوتر) علشان تتأكد من حالتها تماما و حاول برضو تنقي حاجة تكون تقفيل برا أحسن .. و إليكم بعض الموديلات الممكنة:
لانسر بومة , كورولا شكل 2005 , صني 2000 ل 2003 و في 2004 برضو الشكل الجديد و آخر الياباني , إلنترا الشكل القديم و اللي قبله كمان كويسة , و في كمان السيراتو الشكل القديم ممتازة

رد: رابطه ( قول معاك كام و انا اقولك تجيب ايه بفلوسك )
 

Re: رابطه ( قول معاك كام و انا اقولك تجيب ايه بفلوسك )
 

شريف بيه , أرجو إن كلامي يفيدك مع ملاحظة إني هتكلم من وجهة النظر العملية (يعني السعر و قطع الغيار و سهولة إعادة البيع ... إلخ) و هو ما يطلق عليه السيارة الإعتيادية.
المبلغ ده ممكن يجيب لك فيرنا من 2004 ل 2008 مثلا أو أكسينت 1500 موديل 2005 , 2006 , ممكن برضو فيات سيينا 2004 ل 2005 أو بولو 1000 سي سي في حدود 2000 أو كيا بيكانتو 2004 ل 2006 أو تلعب في الياباني القديم شوية , يعني كورولا أو نيسان صني أو لانسر موديلات 97 و 98 و طبعا الإختار ليك و على حسب إنت بتجري ولا مشاويراك طويلة ولا بسيطة , حركتك معظمها أسفلت ولا طريق مكسر و مدغدغ .. كله على حسب و أنا طبعا بفضل العربيات التقفيل برا أكيد أنضف من المتقفل في مصر.

و شكرا ...

رد: رابطه ( قول معاك كام و انا اقولك تجيب ايه بفلوسك )
 

لو معايا18000 ممكن اشترى مزدا 121وتكون فبريكه وممكن اشتريها منين وهل ترشحلى حاجه احسن منها بس فبريكه

Re: رابطه ( قول معاك كام و انا اقولك تجيب ايه بفلوسك )
 

صعبة شوية 18000 دي للأسف تجاربي قليلة مع العربيات القديمة بس على قد ما أعرف (ومن غير ما أفتي) المازدا أحسن من أي فيات في القديم و ال 121 قطع غيارها موجودة بس المهم الحالة تكون أساسياتها كويسة (شاسيه , موتور , القوايم و الحوض) و صعب تلاقيها فابريقة الفيات الوحيدة الكويسة هي ال131 بس متهيألي سعرها أعلى شوية