رد: عربية على شاسيه ولا على علب؟؟؟ اتعرف على طرق بناء السيارات
 

موضوع مفيد جدا واشكرك علي طريقه الشرح :)
بس ليا سؤال:-
هوليه العربيات النقل الشاسيه بتاعها بيبقا مخرم كتير
انا شوفت عربيه صيني اللي هيا تقليد الديماكس نفس شكل الشاسيه بس مفيهوش ولا خرم والديماكس مليانه اخرام >>>> ايه ده ؟؟؟

رد: عربية على شاسيه ولا على علب؟؟؟ اتعرف على طرق بناء السيارات
 

طيب سؤال مهم محيرنى جدا ً
هل المرسيدس E200 على علب و الزلمكة موديل 94 على علب ؟؟؟
لو أنا عندى نصفين لمرسيدس 200 زلمكة موديل 94 و قمت بلحام النصين عند متخصصين
هل هتبقى العربية زى المصنع و لا هيبقى فيها عيوب ، يعنى المطبات الجامدة و الصدمات و السرعات العالية و الاتزان و الثبات ؟ ايه رأيك ككل
و حضرتك مشكور مقدما ً
:loveu::loveu::loveu:

رد: عربية على شاسيه ولا على علب؟؟؟ اتعرف على طرق بناء السيارات
 

الشاسيه بيتخرم عشان بيعملوا حساب الأجزاء المختلفة اللي ممكن تركب مطرح الصندوق الخلفي... بما فيها كمان الكابينة نفسها إذا كانت عادية أو مزدوجة

وده على افتراض إن الأجزاء دي ليها شكل قياسي (استاندارد) في اليابان أو أمريكا، بحيث ممكن تشتري صندوق مختلف من أماكن بيع الأجزاء دي وتركبه من غير مشاكل.

الأخرام دي بتضعف الشاسيه بدون شك... بس ممكن نعمل شاسيه قوي لو كان الحديد المستخدم معالج حراريا بطريقة تخليه أقوى، وده متهيألي مش معمول في العربيات الصيني

والله أعلم



...

رد: عربية على شاسيه ولا على علب؟؟؟ اتعرف على طرق بناء السيارات
 

المرسيدس الـ200E اللي اسمها الكودي W123 على علب

http://www.carsbase.com/photo/Merced..._pic_76614.jpg

وطبعا الزلمكة W124 هي كمان على علب

http://www.carsbase.com/photo/Merced..._pic_76709.jpg


مرسيدس تعتبر شركة رائدة في مجال السلامة، وزي ما هو واضح في المشاركات قبل كده إن العربيات على علب أأمن من العربيات على شاسيه
_________________________ _


بالنسبة لموضوع النصين اللي عند حضرتك.. فأنا أفضل عدم اللحام.. لإن اللحام أكيد مش هييجي في نفس أماكن اللحامات الأصلية.. إلا إذا كان القطع أصلا اتعمل في الأماكن دي وده من وجهة نظري مستحيل

دي نقطة... والنقطة التانية قوة اللحام نفسه، بمعنى إن اللحام لازم يكون قوي جدا ومعمول بحرفية شديدة علشان يستحمل الأحمال والصدمات اللي ممكن يتعرضلها جسم العربية

لحام نصين أرخص بكتير من شرا عربية على بعضها... بس فرق السعر ما يستاهلش إن الواحد يضحي بنفسه




...

رد: عربية على شاسيه ولا على علب؟؟؟ اتعرف على طرق بناء السيارات
 

مع انها كانت جاية من برة على بعضها بس اتقطعت برة نصين علشان تخش على انها قطع غيار
يعنى حتى لو افترضنا انها تم لحامها فى نفس موضع القطع الأصلى و تم التعامل بها بحرفية شديدة باردوا مش هتبقى أمان ؟؟؟
غريبة أمال كل اللى مغيرين نص دول ماشيين ازاى على الطريق و بيسافروا كمان !!!
ربنا يستر علينا جميعا
و مليون شكر لحضرتك على المعلومات القيمة

رد: عربية على شاسيه ولا على علب؟؟؟ اتعرف على طرق بناء السيارات
 

جزاكم الله كل خير على كم المعلومات الهائلة ديه

رد: عربية على شاسيه ولا على علب؟؟؟ اتعرف على طرق بناء السيارات
 

الله ينور عليك