رد: رابطه ( قول معاك كام و انا اقولك تجيب ايه بفلوسك )
 

رد: رابطه ( قول معاك كام و انا اقولك تجيب ايه بفلوسك )
 

استبعدتاه لانه لما يكوت قدامك سيارات احدث ليه تجيب الشاهين

هى حلوه بس فى الاحسن
لانوس 2 2004
تعمل من 38 الف الى 40 الف
الفرق ما بينهم لانوس 1 الشكل الخلفى للفوانيس مختلف
بس لكن هى هى العربيه مفيش اى فرق

رد: رابطه ( قول معاك كام و انا اقولك تجيب ايه بفلوسك )
 

اولا قطع غيار السينا متوفره و رخيصه متقلقش
بالنسبه لسعرها فمبلغ 27 الف ميجيبهاش حتى لو زودت ل29 الف هتجيبها اه بس عاوزه شويه مصاريف
على الاقل لو عاوز تجيب سينا 31 الف و ميقلوش عن كده لانك مش هتلاقى سينا اقل من كده

لو عاوز بقى عربيه سيدان ب 27 الف
انا اقول كعندك هيونداى اكسل من موديل 96 الى 97 ب 27 الف و ب 26 الف

عندك كمان لو عاوز حاجه عاليه شويه
جيلى ck سيدان 2006 ب 27 الف
او زود ل 30 الف و هات جيلى mk موديل 2006

كمان فى سوزوكى سويفت سيدان من موديل 94 الى 97 ب 27 الف برده


عندك اخر حاجه بقى و دى انا ارشخهالك جدا
كيا برايد موديل 2000 اوتوماتيك او مانوال بنفس السعر ب 26 الف او 27 الف

ارشحالك
عربيه ممتازه
موديل يعتبر حديث
موفره فى البنزين
اعتماديه فى كل حاجه
ثبات ممتازه
قطع غيار متوفره و رخيصه
ممتازه من كل حاجه

على الكونتاكت كارز
فى واحده موديل 2000 اوتوماتيك 1300 سىسى
بطاريه و عفشه جداد
تكيف
باور
سنتر
ب 26 الف
دى صفحه افتحها
http://www.contactcars.com/UsedCars_...23&ModelID=155
و اعمل على الارخص هتلاقيها باذن الله و شوف لو عجبتك حاجه تانيه

كل سنه و انت طيب
عيد سعيد
:waving::waving::waving:: waving::waving:

رد: رابطه ( قول معاك كام و انا اقولك تجيب ايه بفلوسك )
 

اولا بالنسبه للزيرو انا هتكلم صينى و كله لانى معرفش مزاجك ايه و فى الاخر نقرر بقى
المهم
عندك اسبيرانزا a516 فول اوبشنز تكيف تاتش
الدركسيون الجديد ب 56 الف مانوال

ده بالنسبه للزيرو بالتمن ده

مستعمل بقى
هيونداى ماتريكس 2005 الى 2006 اوتوماتيك او مانوال بنفس السعر

كمان عندك نيو اكسنت الشكل الجديد مش الrb يعنى من موديل 2006 الى 2008اوتوماتيك او مانوال بنفس السعر

كمان عندك ميتسوبيشى لانسر بومه من موديل 2004 الى 2007 بنفس التمن كله و كمان اختار على مزاجك مانوال ولا اوتوماتيك
النه بنفس السعر برده
فى كمان اكسبلوجن صينى الشكل الجديد 2011 اوتوماتيك ب 66 الف
و فى برده دايهاتسو تريوس 2002 اوتوماتيك ب 58 الف

كمان عندك رينو لوجان 2011 كسر الزيرو من 61 الى 65 الف

مش هقولك بقى اوبترا المبلغ يجيب اه بس بلاش منها انا كاتب موديلات انظف بكتير منها
و مشاكلها كتيره الاوبترا حلاوتها و هى لسه زيرو

بالنسبه للترتيب
انا مش عارف انت عاوز هاتشباك زى الماتريكس و لا ايه

انا هرتبهم من وجهة نظرى
هيونداى نيو اكسنت
رينو لوجان
هيونداى ماتريكس
لانسر بومه
ديهاستو تريوس
اكسبلوجن صينى

مقولتش الاسبيرانزا لانك لو هتجيب زيرو مفيش تفكير على طول على المعرض

كل سنه و انت طيب
عيد سعيد و لو فى اى استفسار انا تحت امرك

رد: رابطه ( قول معاك كام و انا اقولك تجيب ايه بفلوسك )
 

بص حضرتك افتح الصفحه دى عليها بولو زى ما انت عاوز مستعمل بالهبل
دور على انسب حاجه و انظف حاجه فيهم

كنت هقولك على حاجات تانى بس انت قايل 100 سىسى بس

بالله عليك نتكلم عربى بس
بلاش انجليزى
احنا مش فى امريكا
هههههههههههههههههههه

كل سنه وا نت طيب
عيد سعيد

رد: رابطه ( قول معاك كام و انا اقولك تجيب ايه بفلوسك )
 

طب معلش لو بتقل عليك
لو ياريت معلومات اكتر عن البولو2001
من حيث امكانياتها وقطع غيارها ومدى توافرها
وسعرها فى السوق كام
وطبعك يهمنى فى المقام الاول رايك الشخصى
وشكرا على اهتمامك يا كبير

رد: رابطه ( قول معاك كام و انا اقولك تجيب ايه بفلوسك )
 

اولا متشكر علي الرد السريع وكل سنه وانتا طيب

انا مواصفات العربيه اللي انا عايزها بالسعر دا تكون واسعه "عائليه يعني" مش بتهلك بنزين ومامشيتش كتير وقطع غيارعا في الحنين واتوماتيك او مانيول مش هاتفرق كتير بس يكون فيها الاساسيات دي