|
رد: اسعار البطاريات النهاردة
السلام عليكم
انا الحمد لله عندى بطارية acdeleco من ثلاث سنوات والحمد لله بقت تنام كل يوم فانا إن شاء الله هنزل اشترى بكرة واحدة Acdelco بردو 55 امبير لعربية 128 بس المشكلة 1- مش عارف اشتريها منين (عايز حد مضمون) انا ساكن فى رمسيس 2- حكاية تاريخ الإنتاج يكون جديد (يعنى من اول أنتاج كام اشترى) وجزاكم الله خيراً |
رد: اسعار البطاريات النهاردة
برجاء الرد يا جماعة من فضلكم انا نازل فى الصباح |
رد: اسعار البطاريات النهاردة
يسر الله امرك
بخصوص المكان فأنتظر رأى اهل القاهرة اما التاريخ من اول 3 /2013 |
رد: اسعار البطاريات النهاردة
كنت عاوز أعرف اسعار لبطاريات ال55 امبير الجافه
احسن بطاريه الفيرنا بدأت تهيس وسألت عند واحد قالى عندو ماركه هامر 55 امبير ب 370 بالقديمه وماركه جلوبال ب 350 55 امبير و بنديكس ب 350 55 امبير بالقديمه ايه رأيكم يا رجاله |
رد: اسعار البطاريات النهاردة
السلام عليكم يا جماعه
دلوقتى انا عندى مشكله فى بطرايه العربيه العربيه بقالها معايا دلوقتى 4 سنين البطاريه بتاعتها اعدت حوالى سنه ونص وبعد اتغيرت وكانت ايه سى دلكو الى كان بيحصل ان العربيه تدور الصبح عادى حتى لو سبتها اسبوع او اسبوعين مجتش جمبها واجى ادورها تدور عادى وبعدين اخرج بيها ولما اركنها تحت الشغل مثلا واجى ادورها تانى متدورش والبطاريه تبقى فاضيع على الاخر مره واحده بدون اى مقدمات المهم عملتها كذا مره فغيرتها وانا مش مستريح ان بطاريه العربيه الاصليه متعدش غير سنه ونص خصوصا ان اختها معانا والشارك معانا والبطاريه شغاله فيهم بقالها هى 5 سنين روحت جبتلها بطاريه فارتا المانى 80 كانت بحوالى 800 جنيه بالبطاريه القديمه ودى اعدت معايا سنتين ورجعت تعمل نفس الحكايا بالضبط تانى اخدت الافو ونزلت اقيس البطاريه لقيت كل القياسات فى جميل الاحوال مضبوطه البطاريه 12 اثناء الدواره 10 والعربيه دايره 13.5 الى 14.9 الارقام دى المفروض بتقول ان كل حاجه ماشيه كويس ومفيش اى مشاكل فى العربيه يبقى العيب من ايه ؟؟ انا عاوز اتأكد من المشكله قبل ما اتلسع فى بطاريه جديده فهل من مجيب يا سااااااده ؟؟؟؟ |
رد: اسعار البطاريات النهاردة
لو ركبت اى كماليات اضافيه على العربيه راجع عليها انذار او اى اضائه وخاصة الانذار واى حاجة واصله على البطارية مباشره من غير كونتاكت ديه اكتر حاجة تشك فيها تكون بتجهد البطارية والاحتمالات التانية ان فيه هدر من الكابلات من البطارية للمارش وسلوك البوجيهات واخيراً وارد جداً تكون البطارية جابت اخرها مش بتتحسب بالمدة لكن بظروف التشغيل
واسهل حاجة لو عندك عربيه تانية يبقى بدل البطاريات وجرب يومين تلاته لو لسه العيب موجود يبقى البطارية سليمة لو راح يبقى غير بطارية |
رد: اسعار البطاريات النهاردة
ابو نورا حبيبى .. شرفنى ردك جدا
بالنسبه للهدر انا قيست اقطاب البطاريه وقيست الكبلات طلعو نفس القياس بمعنى ان مفيش اى من انواع الفقد بالنسبه للانذا فانا مش مركب انذار العربيه فيها امبوليزر ومفيش اى تعديلات ع العربيه غير الزينون .. بس انت اخدت بالك من قياسات الافو هل دى تفرق حاجه ولا ده كلام نظرى فقط ومش عملى ولا ايه |
| الساعة الآن 10:57 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017